ಚೀನಾ ಲ್ಯಾಬ್ ಅಭಿವೃದ್ಧಿಯಾದ ಎಬೊಲಾ ಹೊಸ ತಳಿಯಿಂದ 3 ದಿನದಲ್ಲೇ ಸಾವು: ಸಮೀಕ್ಷೆ ವರದಿ ಪ್ರಕಟ

            ಕೊರೊನಾ ವೈರಸ್ ಎಂಬ ಮಹಾಮಾರಿಯನ್ನು ಜಗತ್ತಿಗೆ ಕೊಟ್ಟ ಆತಂಕ ಮೂಡಿಸಿದ್ದ ಚೀನಾದ ಲ್ಯಾಬ್ ನಲ್ಲಿ ಎಬೊಲಾ ವೈರಸ್ ನ ಹೊಸ ತಳಿ ಅಭಿವೃದ್ಧಿಪಡಿಸಲಾಗಿದ್ದು, ಇದು ಜಗತ್ತಿಗೆ ಮತ್ತೊಂದು ಆತಂಕ ತರಲಿದೆ ಎಂದು ವಿಜ್ಞಾನಿಗಳು ಆತಂಕ ವ್ಯಕ್ತಪಡಿಸಿದ್ದಾರೆ.

            ಹೆಬಾಯ್ ಮೆಡಿಕಲ್ ವಿಶ್ವವಿದ್ಯಾಲಯದ ಹೊಸ ಸಂಶೋಧನೆಯಲ್ಲಿ ಈ ವಿಷಯ ಬೆಳಕಿಗೆ ಬಂದಿದ್ದು, ಸೈನ್ಸ್ ಡೈರೆಕ್ಟ್ ಪತ್ರಿಕೆಯಲ್ಲಿ ಸಂಶೋಧನೆಯ ವರದಿ ಪ್ರಕಟವಾಗಿದೆ.

            ಹೊಸದಾಗಿ ಅಭಿವೃದ್ಧಿಪಡಿಸಿದ ಎಬೊಲಾ ವೈರಲ್ ಮನುಷ್ಯರಿಗೆ ನೇರವಾಗಿ ಇಂಜೆಕ್ಟ್ ಮಾಡಿದರೆ ಕೇವಲ 3 ದಿನದಲ್ಲಿ ಸಾವು ಸಂಭವಿಸುತ್ತದೆ. ಈ ವೈರಲ್ ನಿಂದ ಅಂಗಾಂಗ ವೈಫಲ್ಯ ಉಂಟಾಗಿರುವುದು ಎಬೊಲಾ ರೋಗಿಗಳನ್ನು ಸಂಶೋಧನೆಗೆ ಒಳಪಡಿಸಿದಾಗ ಪತ್ತೆಯಾಗಿದೆ ಎಂದು ಸಮೀಕ್ಷೆ ವರದಿ ತಿಳಿಸಿದೆ.

               ಚೀನಾ ಲ್ಯಾಬ್ ಗಳಲ್ಲಿ ಎಬೊಲಾ ವೈರಲ್ ಗೆ ವಿವಿಧ ಮಾನವರ ದೇಹದ ಪ್ರೊಟಿನ್ ಗಳನ್ನು ಆಹಾರವಾಗಿ ನೀಡಿ ಅಭ್ಯಾಸ ಮಾಡಲಾಗಿದೆ. ಇದರಿಂದ ಮನುಷ್ಯರ ದೇಹಕ್ಕೆ ಈ ವೈರಸ್ ಪ್ರವೇಶಿಸುತ್ತಿದ್ದಂತೆ ಅತ್ಯಂತ ಕ್ರಿಯಾಶೀಲವಾಗಿ ಬೆಳೆಯುತ್ತದೆ. ಅಲ್ಲದೇ ಅಂಗಾಂಗಳನ್ನು ಘಾಸಿಗೊಳಿಸುತ್ತವೆ ಎಂದು ಸಂಶೋಧನಾ ವರದಿ ವಿವರಿಸಿದೆ.

             ಎಬೊಲಾ ವೈರಸ್ ಇಂಜೆಕ್ಟ್ ಮಾಡಿದರೆ ಕಣ್ಣಿನಲ್ಲಿ ಅದರ ಪ್ರಭಾವ ಮೊದಲು ಗೊತ್ತಾಗುತ್ತದೆ. ಹಂತ ಹಂತವಾಗಿ ರೋಗಿ ದೃಷ್ಟಿ ಕಳೆದುಕೊಳ್ಳುತ್ತಾನೆ ಏಕೆಂದರೆ ಕಣ್ಣು ಗುಡ್ಡೆಯನ್ನು ವೈರಸ್ ಆವರಿಸಿಕೊಳ್ಳುತ್ತದೆ ಎಂದು ವರದಿ ಹೇಳಿದೆ.