ದುಬೈ ಕಾರ್ಯಕ್ರಮಗಳನ್ನು ಬಿಟ್ಟು ಹಠಾತ್ ಮರಳಿದ ಮುಖ್ಯಮಂತ್ರಿ

            ತಿರುವನಂತಪುರಂ: ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಮತ್ತು ಅವರ ಕುಟುಂಬ ನಿಗದಿತ ಸಮಯಕ್ಕಿಂತ ಮೊದಲೇ ವಿದೇಶ ಪ್ರವಾಸ ಮುಗಿಸಿ ರಾಜಧಾನಿಗೆ ಮರಳಿದೆ.

              ಅವರು ಶನಿವಾರ ಮುಂಜಾನೆ 3.15 ರ ಸುಮಾರಿಗೆ ದುಬೈ-ತಿರುವನಂತಪುರಂ ವಿಮಾನದಲ್ಲಿ ತಿರುವನಂತಪುರಂ ವಿಮಾನ ನಿಲ್ದಾಣಕ್ಕೆ ಬಂದರು. ಇಂದು ದುಬೈನಲ್ಲಿ ಕಾರ್ಯಕ್ರಮವೊಂದರಲ್ಲಿ ಭಾಗವಹಿಸಿದ ನಂತರವೇ ಹಿಂತಿರುಗುವುದಾಗಿ ಈ ಹಿಂದೆಯೇ ತಿಳಿಸಿದ್ದರೂ ಮುಖ್ಯಮಂತ್ರಿಗಳು ಕಾರ್ಯಕ್ರಮವನ್ನು ಬಿಟ್ಟು ಬೇಗ ವಾಪಸಾಗಿರುವರು. 

                ಸಾಮಾನ್ಯವಾಗಿ ಮುಖ್ಯಮಂತ್ರಿ ಮರಳುವ ವೇಳೆ ಡಿಜಿಪಿ ಮತ್ತಿತರರು ಬರಮಾಡಿಕೊಳ್ಳುವುದು ವಾಡಿಕೆ. ಆದರೆ ಈ ಬಾರಿ ಮುಖ್ಯಮಂತ್ರಿಗಳು ತಮ್ಮ ನಿರ್ಧಾರಗಳನ್ನು ಬದಲಿಸಿ ಅನಿರೀಕ್ಷಿತವಾಗಿ ವಾಪಸಾಗಿದ್ದರಿಂದ ಸಮರ್ಪಕವಾದ ಸರ್ಕಾರಿ ರೂಢಿಗಳನ್ನು  ಸಿದ್ಧಪಡಿಸಲು ಸಾಧ್ಯವಾಗಿಲ್ಲ. ಮುಖ್ಯಮಂತ್ರಿ ಜತೆ ವಿದೇಶಕ್ಕೆ ತೆರಳಿದ್ದ ಸಚಿವ ಮುಹಮ್ಮದ್ ರಿಯಾಝ್ ವಾಪಸ್ ಬಂದಿಲ್ಲ. ಇಂದು ದುಬೈನಲ್ಲಿ ನಡೆಯುತ್ತಿರುವ ಕಾರ್ಯಕ್ರಮಗಳಲ್ಲಿ ಭಾಗವಹಿಸಿ ಸಚಿವ ರಿಯಾಜ್ ವಾಪಸಾಗಲಿದ್ದಾರೆ ಎಂದು ವರದಿಯಾಗಿದೆ.

              ಪತ್ನಿ ಕಮಲಾ ಹಾಗೂ ಮೊಮ್ಮಗ ಜತೆಗಿದ್ದರು. ರಿಯಾಸ್ ಭಾನುವಾರ ವಾಪಸಾಗಲಿದ್ದಾರೆ ಎಂದು ಮೊದಲೇ ಘೋಷಿಸಲಾಗಿತ್ತು. ಮುಖ್ಯಮಂತ್ರಿಯವರೊಂದಿಗೆ ಪ್ರವಾಸದಲ್ಲಿದ್ದ ಪುತ್ರಿ ವೀಣಾ ಹಾಗೂ ಅಳಿಯ ಸಚಿವ ಪಿ.ಎ. ಮೊಹಮ್ಮದ್ ರಿಯಾಜ್ ಕೂಡ ಭಾನುವಾರ ವಾಪಸಾಗಲಿದ್ದಾರೆ. ಇದೇ ತಿಂಗಳ 6ರಂದು ಮುಖ್ಯಮಂತ್ರಿ ಹಾಗೂ ಅವರ ಕುಟುಂಬ ಕೇರಳದಿಂದ ದುಬೈ, ಸಿಂಗಾಪುರ, ಇಂಡೋನೇಷ್ಯಾಕ್ಕೆ ಖಾಸಗಿ ಭೇಟಿಗೆ ತೆರಳಿದ್ದರು.

              ದೇಶದಲ್ಲಿ ಲೋಕಸಭೆ ಚುನಾವಣೆ ನಡೆಯುತ್ತಿರುವಾಗ ಮುಖ್ಯಮಂತ್ರಿಗಳು ಬೇರೆ ರಾಜ್ಯಗಳ ಚುನಾವಣಾ ಪ್ರಚಾರದಲ್ಲೂ ಭಾಗವಹಿಸದೆ ಕುಟುಂಬ ಸಮೇತ ವಿದೇಶಕ್ಕೆ ತೆರಳಿದ್ದರ ಬಗ್ಗೆ ವಿರೋಧ ಪಕ್ಷಗಳು ಹಲವು ಟೀಕೆಗಳನ್ನು ಎತ್ತಿದ್ದವು.