ತಿರುವನಂತಪುರಂ: ರಾಜ್ಯದಲ್ಲಿ ವಿದ್ಯುತ್ ಬಳಕೆಯಲ್ಲಿ ಕೊಂಚ ಇಳಿಕೆಯಾಗಿದೆ. ಆದರೆ ಪೀಕ್ ಅವರ್ಸ್ ನಲ್ಲಿ ವಿದ್ಯುತ್ ಬೇಡಿಕೆ ಕಡಮೆಯಾಗದಿರುವುದು ವಿದ್ಯುತ್ ಮಂಡಳಿಯನ್ನು ಚಿಂತೆಗೀಡು ಮಾಡಿದೆ.
ವಿದ್ಯುತ್ ಸಚಿವ ಕೆ.ಕೃಷ್ಣನ್‍ಕುಟ್ಟಿ ಬಿಕ್ಕಟ್ಟಿನ ಕುರಿತು ಮಂಡಳಿಯಲ್ಲಿರುವ ಸಂಸ್ಥೆಗಳೊಂದಿಗೆ ಚರ್ಚಿಸಿದರು. ನಾಳೆ ಉನ್ನತ ಮಟ್ಟದ ಸಭೆ ಕೂಡ ನಡೆಯಲಿದೆ.
ಕಳೆದ ಎರಡು ದಿನಗಳಿಂದ ವಿದ್ಯುತ್ ಬಳಕೆಯಲ್ಲಿ ಕೊಂಚ ಇಳಿಕೆ ದಾಖಲಾಗಿದೆ. ನಿನ್ನೆಯ ವಿದ್ಯುತ್ ಬಳಕೆ 110.06 ಮಿಲಿಯನ್ ಯೂನಿಟ್ ಆಗಿತ್ತು. ಆದರೆ ಸಂಜೆ 6 ರಿಂದ 12 ರವರೆಗಿನ ಪೀಕ್ ಅವರ್‍ನಲ್ಲಿ ಬೇಡಿಕೆ ಹೆಚ್ಚಾಯಿತು. ಸೋಮವಾರ 5639 ಮೆಗಾವ್ಯಾಟ್‍ನಿಂದ ಬೇಡಿಕೆ ನಿನ್ನೆ 5728 ಮೆಗಾವ್ಯಾಟ್‍ಗೆ ಏರಿಕೆಯಾಗಿದೆ. ಪೀಕ್ ಅವರ್ ನಲ್ಲಿ ಬೇಡಿಕೆ ಕಡಮೆಯಾಗದಿರುವುದು ಮಂಡಳಿಯನ್ನು ಚಿಂತೆಗೀಡು ಮಾಡಿದೆ.
ಇಂದು ವಿದ್ಯುತ್ ಸಮಸ್ಯೆ ಕುರಿತು ಮಂಡಳಿಯ ಸೇವಾ ಸಂಸ್ಥೆಗಳೊಂದಿಗೆ ಸಚಿವ ಕೆ.ಕೃಷ್ಣನ್‍ಕುಟ್ಟಿ ಚರ್ಚೆ ನಡೆಸಿದರು. ಸಭೆಯನ್ನು ಆನ್‍ಲೈನ್‍ನಲ್ಲಿ ನಡೆಸಲಾಯಿತು. ಸಂಸ್ಥೆಗಳ ಸೂಚನೆಗಳನ್ನು ತಿಳಿದುಕೊಳ್ಳುವುದು ಉದ್ದೇಶವಾಗಿತ್ತು. ಸ್ಥಳೀಯ ನಿಯಂತ್ರಣ ಅಳವಡಿಕೆ ನಂತರ ಪರಿಸ್ಥಿತಿ ಅವಲೋಕಿಸಲು ನಾಳೆ ಸಚಿವರ ಅಧ್ಯಕ್ಷತೆಯಲ್ಲಿ ಪರಿಶೀಲನಾ ಸಭೆ ನಡೆಯಲಿದೆ. ಉಪ ಮುಖ್ಯ ಎಂಜಿನಿಯರ್‍ಗಳಿಂದ ಹಿರಿಯ ಅಧಿಕಾರಿಗಳು ಸಭೆಯಲ್ಲಿ ಭಾಗವಹಿಸಲಿದ್ದಾರೆ. ಸಭೆಯು ನಿಯಂತ್ರಣದ ಪ್ರಕಾರವನ್ನು ನಿರ್ಧರಿಸಲಿದೆ.
DOCTYPE html>
