ರಸ್ತೆಯಲ್ಲಿ ಸಂಚರಿಸುತ್ತಿದ್ದ ಕಾರಿಗೆ ಬೆಂಕಿ

        

            ಆಲಪ್ಪುಳ: ಆಲಪ್ಪುಳದ ಚಂಗನಾಶ್ಶೇರಿ ರಸ್ತೆಯಲ್ಲಿ ವಾಹನವೊಂದು ಹೊತ್ತಿ ಉರಿದ ಘಟನೆ ನಡೆದಿದೆ. ಬಾನೆಟ್ ನಿಂದ ಹೊಗೆ ಬರುತ್ತಿರುವುದನ್ನು ಕಂಡು ಕಾರು ನಿಲ್ಲಿಸಿ ಪರಿಶೀಲಿಸಿದಾಗ ಬೆಂಕಿ ಕಾಣಿಸಿಕೊಂಡಿದೆ.

          ಚಂಪಕುಳಂ ನಿವಾಸಿ ಸುಶೀಲಾ ಅವರ ಮಾರುತಿ ಕಾರು ಸುಟ್ಟು ಕರಕಲಾಗಿದೆ. ಈ ವೇಳೆ ಸುಶೀಲಾ ಅವರ ಪತಿ ರಮೇಶ್ ಕಾರಿನಲ್ಲಿದ್ದರು. ಸಣ್ಣಪುಟ್ಟ ಗಾಯಗಳೊಂದಿಗೆ ಪಾರಾಗಿದ್ದಾರೆ.

          ರಮೇಶ್ ಮ್ಯಾಂಕಾಂಬ್ ಪೆಟ್ರೋಲ್ ಪಂಪ್‍ನಿಂದ ಇಂಧನ ತುಂಬಿಕೊಂಡು ನೆಡುಮುಡಿಯಲ್ಲಿರುವ ತಮ್ಮ ಸಂಸ್ಥೆಗೆ ಹೋಗುತ್ತಿದ್ದಾಗ ಬಾನೆಟ್‍ನ ಒಳಗಿನಿಂದ ಹೊಗೆ ಏರಿತು. ವಾಹನ ನಿಲ್ಲಿಸಿ ಪರಿಶೀಲಿಸಿದಾಗ ಬೆಂಕಿ ಹೊತ್ತಿಕೊಂಡಿದೆ. ಚಂಗನಾಶ್ಶೇರಿಯಿಂದ ಅಗ್ನಿಶಾಮಕ ದಳ ಆಗಮಿಸಿ ಬೆಂಕಿಯನ್ನು ಹತೋಟಿಗೆ ತಂದಿದೆ.