ತಿರುವನಂತಪುರಂ: ಕೆಎಸ್‍ಆರ್‍ಟಿಸಿ ಡಿಪೋಗಳಲ್ಲಿ ಮಿನಿ ಸೂಪರ್ಮಾರ್ಕೆಟ್, ಮೆಡಿಕಲ್ ಶಾಪ್‍ಗಳು ಮತ್ತು ರೆಸ್ಟೋರೆಂಟ್‍ಗಳನ್ನು ಪ್ರಾರಂಭಿಸಲು ಟೆಂಡರ್ ಆಹ್ವಾನಿಸಿದೆ.
ಈ ಹೊಸ ಯೋಜನೆಯು ಸಾರಿಗೆಯೇತರ ಆದಾಯವನ್ನು ಗಳಿಸುವ ಒಂದು ಭಾಗವಾಗಿದೆ. ಮೊದಲ ಹಂತದಲ್ಲಿ 14 ನಿಲ್ದಾಣಗಳಲ್ಲಿ ಯೋಜನೆ ಆರಂಭಿಸಲಾಗುವುದು. ಕೆಎಸ್‍ಆರ್‍ಟಿಸಿ ಸರಾಸರಿ 20 ಲಕ್ಷ ಪ್ರಯಾಣಿಕರನ್ನು ಹೊಂದಿದೆ ಎಂದು ಅಂದಾಜಿಸಲಾಗಿದೆ, ಅದರಲ್ಲಿ ಕನಿಷ್ಠ ಹತ್ತು ಲಕ್ಷ ಜನರು ರಾಜ್ಯಾದ್ಯಂತ ಡಿಪೋಗೆ ಭೇಟಿ ನೀಡುವ ನಿರೀಕ್ಷೆಯಿದೆ. ಹಾಗಾಗಿ ಸೂಪರ್ಮಾರ್ಕೆಟ್ಗಳನ್ನು ಯಶಸ್ವಿಗೊಳಿಸುವುದು ಕಷ್ಟವೇನಲ್ಲ ಎಂದು ಪರಿಗಣಿಸಲಾಗಿದೆ.
ಇದಕ್ಕಾಗಿ ಕನಿಷ್ಠ 30 ಕೋಟಿ ರೂಪಾಯಿ ಬಾಡಿಗೆ ಸಿಗಬಹುದು ಎಂಬುದು ಕೆಎಸ್‍ಆರ್‍ಟಿಸಿಯ ನಂಬಿಕೆ. ಮೊದಲ ಹಂತದಲ್ಲಿ ನೆಯ್ಯಟ್ಟಿಂಗರ, ನೆಡುಮಂಗಡ, ಚಟನ್ನೂರ್, ಅಂಗಮಾಲಿ, ಅಟ್ಟಿಂಗಲ್, ಮುವಾಟ್ಟುಪುಳ, ಕಾಯಂಕುಳಂ, ತ್ರಿಶೂರ್, ಅಡೂರ್, ಕಾಟ್ಟಾಕ್ಕಡ, ಪಪ್ಪನಂಕೋಟ, ಪೆರುಂಬವೂರು, ಎಡಪಳ್ಳಿ, ಚಾಲಕುಡಿ ಮುಂತಾದೆಡೆ ಮಿನಿ ಸೂಪರ್ ಮಾರ್ಕೆಟ್‍ಗಳನ್ನು ಸ್ಥಾಪಿಸಲಾಗುವುದು. ಇದಕ್ಕಾಗಿ ಎಲ್ಲಾ ಪ್ರಮುಖ ಸೂಪರ್ಮಾರ್ಕೆಟ್ ಗುಂಪುಗಳನ್ನು ಆಹ್ವಾನಿಸಲಾಗುತ್ತದೆ.
ಕೆಎಸ್‍ಆರ್‍ಟಿಸಿಯನ್ನು ಲಾಭದಾಯಕವಾಗಿಸಲು ಸಾರಿಗೆ ಸಚಿವರು ಮತ್ತು ನಿಗಮದ ಅಧಿಕಾರಿಗಳು ಹಲವಾರು ಕ್ರಮಗಳನ್ನು ಪರಿಗಣಿಸುತ್ತಿದ್ದಾರೆ. ಖಪೋ ಮತ್ತು ಬಸ್‍ಗಳಲ್ಲಿ ಪ್ರಯಾಣಿಕರಿಗೆ ಹೆಚ್ಚಿನ ಸೌಲಭ್ಯ ಕಲ್ಪಿಸಲು ಕ್ರಮ ಕೈಗೊಳ್ಳಲಾಗುತ್ತಿದೆ. ದೂರದ ಬಸ್‍ಗಳಲ್ಲಿ ಕಾಫಿ ವೆಂಡಿಂಗ್ ಯಂತ್ರ ಅಳವಡಿಸಲು ಈ ಹಿಂದೆ ನಿರ್ಧರಿಸಲಾಗಿತ್ತು. ಬಸ್ ಗಳ ಚಾಲಕ ಸೀಟಿನ ಹಿಂದೆ ವೆಂಡಿಂಗ್ ಮಷಿನ್ ಅಳವಡಿಸಲಾಗುವುದು. ಗುತ್ತಿಗೆ ನೀಡಲು ಕೂಡ ನಿರ್ಧರಿಸಲಾಗಿದೆ. ಈ ಯಂತ್ರದ ಮೂಲಕ ಕಾಫಿ, ಟೀ, ತಿಂಡಿಗಳು ದೊರೆಯಲಿವೆ.
DOCTYPE html>
