ಲೋಡ್ ಶೆಡ್ಡಿಂಗ್ ಬದಲಿಗೆ ವಲಯವಾರು ನಿಯಂತ್ರಣ; ಮೊದಲ ಹಂತದಲ್ಲಿ ಉತ್ತರ ಕೇರಳದಲ್ಲಿ ನಿಯಂತ್ರಣ

              ತಿರುವನಂತಪುರಂ: ರಾಜ್ಯದಲ್ಲಿ ವಿದ್ಯುತ್ ಬಳಕೆ ಗಣನೀಯವಾಗಿ ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ ವಲಯವಾರು ನಿಯಂತ್ರಣಕ್ಕೆ ಕೆಎಸ್ ಇಬಿ ಬೇಡಿಕೆ ಮುಂದಿಟ್ಟಿದೆ.

            ಪೀಕ್ ಅವರ್ ಸೇರಿದಂತೆ ಅತಿಯಾದ ಬಳಕೆ ದಾಖಲಾಗುವ ಸ್ಥಳಗಳಲ್ಲಿ ನಿಯಂತ್ರಣಕ್ಕೆ ಬೇಡಿಕೆ ಇದೆ. ಕೆ.ಎಸ್.ಇ.ಬಿ. ವಾಣಿಜ್ಯ ಮತ್ತು ಕೈಗಾರಿಕಾ ಸಂಸ್ಥೆಗಳಿಗೆ ಪೀಕ್ ಅವರ್‍ಗಳಲ್ಲಿ ಮತ್ತು ರಾತ್ರಿಯಲ್ಲಿ ಬಳಕೆಯನ್ನು ಸ್ವಯಂ-ನಿಯಂತ್ರಿಸಲು ವಿನಂತಿಸಿದೆ. 

          ದಿನಕ್ಕೆ ಕನಿಷ್ಠ 150 ಮೆಗಾವ್ಯಾಟ್ ಕಡಮೆ ಮಾಡಬೇಕೆಂಬುದು ಕೆಎಸ್ ಇಬಿಯ ಬೇಡಿಕೆಯಾಗಿದೆ. ಮೊದಲ ಹಂತದಲ್ಲಿ ಉತ್ತರ ಕೇರಳದಲ್ಲಿ ನಿರ್ಬಂಧ ಹೇರಲಾಗುವುದು. ನಿಯಂತ್ರಣಕ್ಕೆ ಸಂಬಂಧಿಸಿದ ಹೆಚ್ಚಿನ ವಿವರಗಳನ್ನು ಕೆಎಸ್‍ಇಬಿ ಸುತ್ತೋಲೆಯ ಮೂಲಕ ತಿಳಿಸಲಿದೆ. ಮುಖ್ಯಮಂತ್ರಿ ಹಾಗೂ ಅಧಿಕಾರಿಗಳ  ನೇತೃತ್ವದಲ್ಲಿ ಚರ್ಚೆ ನಡೆಸಿ ಅಂತಿಮ ತೀರ್ಮಾನ ಕೈಗೊಳ್ಳಲಾಗುವುದು.

             ರಾಜ್ಯದಲ್ಲಿ ಲೋಡ್ ಶೆಡ್ಡಿಂಗ್ ಬೇಡ ಎಂದು ನಿನ್ನೆ ಸರ್ಕಾರ ನಿರ್ಧರಿಸಿತ್ತು. ವಿದ್ಯುತ್ ಬಳಕೆಗೆ ಕಡಿವಾಣ ಹಾಕಲು ಪರ್ಯಾಯ ಮಾರ್ಗಗಳನ್ನು ಸೂಚಿಸುವಂತೆ ಕೆಎಸ್‍ಇಬಿಗೆ ಸರ್ಕಾರ ಸೂಚಿಸಿತ್ತು. ಮಿತಿಮೀರಿದ ಬಳಕೆಯಿಂದಾಗಿ ನಿಯಂತ್ರಣಕ್ಕೆ ಕೆಎಸ್‍ಇಬಿಯ ಬೇಡಿಕೆಯನ್ನು ತಿರಸ್ಕರಿಸಿ ಪ್ರಸ್ತಾವನೆ ಕೋರಲಾಗಿತ್ತು.