ಮೂವರು ಸ್ಥಳೀಯಾಡಳಿತ ಸಂಸ್ಥೆಗಳ ಸದಸ್ಯರನ್ನು ಅನರ್ಹಗೊಳಿಸಿದ ರಾಜ್ಯ ಚುನಾವಣಾ ಆಯೋಗ

                ತಿರುವನಂತಪುರ: ನಗರಪಾಲಿಕೆ ಕೌನ್ಸಿಲರ್ ಹಾಗೂ ಇಬ್ಬರು ಗ್ರಾಮ ಪಂಚಾಯಿತಿ ಸದಸ್ಯರನ್ನು ರಾಜ್ಯ ಚುನಾವಣಾ ಆಯೋಗ ಮುಖ್ಯ ಚುನಾವಣಾಧಿಕಾರಿ ಎ.ಶಹಜಹಾನ್ ಅನರ್ಹಗೊಳಿಸಿದ್ದಾರೆ.

                   ಕೊಲ್ಲಂ ಜಿಲ್ಲೆಯ ಪರವೂರು ನಗರಸಭೆಯ 10ನೇ ವಾರ್ಡ್ ಕೌನ್ಸಿಲರ್ ನಿಶಾ ಕುಮಾರಿ, ಕೊಟ್ಟಾಯಂ ಜಿಲ್ಲೆಯ ಚೆಂಬ್ ಗ್ರಾಮ ಪಂಚಾಯಿತಿಯ 1ನೇ ವಾರ್ಡ್ ಸದಸ್ಯೆ ಶಾಲಿನಿ ಮಧು, ಆಲಪ್ಪುಳ ಜಿಲ್ಲೆಯ ಪುನ್ನಪ್ರಾ ದಕ್ಷಿಣ ಗ್ರಾಮ ಪಂಚಾಯಿತಿಯ 12ನೇ ವಾರ್ಡ್ ಸದಸ್ಯ ಜುಲ್ಫಿಕರ್ ಅವರನ್ನು ಅನರ್ಹಗೊಳಿಸಲಾಗಿದೆ.

                  ಪರವೂರು ನಗರಸಭೆಯ ಅಧ್ಯಕ್ಷರು ಮತ್ತು ಕೌನ್ಸಿಲರ್‍ಗಳ ಅಧಿಕೃತ ಬಳಕೆಗಾಗಿ ಲೆಟರ್‍ಪ್ಯಾಡ್‍ಗಳನ್ನು ಮುದ್ರಿಸಲು ಉದ್ಧರಣ ಪ್ರಕ್ರಿಯೆಯಲ್ಲಿ ಭಾಗವಹಿಸಿ ಸಂಭಾವನೆ ಪಡೆದಿದ್ದಕ್ಕಾಗಿ ಕೌನ್ಸಿಲರ್ ನಿಶಾಕುಮಾರಿ ಅವರನ್ನು ಕೇರಳ ಮುನ್ಸಿಪಲ್ ಕಾಯಿದೆಯ ಸೆಕ್ಷನ್ 91 (1) (ಎಫ್) ಅಡಿಯಲ್ಲಿ ಅನರ್ಹಗೊಳಿಸಲಾಗಿದೆ.

              ನಗರಸಭೆಯ ಚುನಾಯಿತ ಕೌನ್ಸಿಲರ್‍ಗಳು ಸಂಭಾವನೆಗಾಗಿ ಸರ್ಕಾರ ಅಥವಾ ಸ್ಥಳೀಯ ಸಂಸ್ಥೆಯ ಕೆಲಸವನ್ನು ಕೈಗೊಂಡಿರುವುದು ಸಾಬೀತಾಗಿದೆ. ಇದು ಕೌನ್ಸಿಲರ್‍ಗಳಾಗಿ ಮುಂದುವರಿಯಲು ಅವರನ್ನು ಅನರ್ಹಗೊಳಿಸುತ್ತದೆ.

             ಚೆಂಬ್ ಗ್ರಾಮ ಪಂಚಾಯಿತಿ ಸದಸ್ಯೆ ಶಾಲಿನಿ ಮಧು ಅವರು ಸತತ ಮೂರು ತಿಂಗಳಿಗೂ ಹೆಚ್ಚು ಕಾಲ ಕಲ್ಯಾಣ ಸ್ಥಾಯಿ ಸಮಿತಿ ಸಭೆಗೆ ಹಾಜರಾಗದ ಕಾರಣ ಅನರ್ಹಗೊಳಿಸಲಾಗಿದೆ.

              ಪುನ್ನಪ್ರಾ ದಕ್ಷಿಣ ಗ್ರಾಮ ಪಂಚಾಯಿತಿ ಸದಸ್ಯ ಜುಲ್ಫಿಕರ್ ಅವರು ಸತತ ಮೂರು ತಿಂಗಳ ಕಾಲ ಪಂಚಾಯಿತಿ ಸಮಿತಿ ಸಭೆ ಅಥವಾ ಸ್ಥಾಯಿ ಸಮಿತಿ ಸಭೆಗೆ ಹಾಜರಾಗದ ಕಾರಣ ಅವರನ್ನು ಅನರ್ಹಗೊಳಿಸಲಾಗಿದೆ.

            ಕೇರಳ ಪಂಚಾಯತ್ ರಾಜ್ ಕಾಯಿದೆಯ ಸೆಕ್ಷನ್ 35 (1) (ಕೆ) ಪ್ರಕಾರ, ಚುನಾಯಿತ ಸದಸ್ಯರು ಪಂಚಾಯತ್ ಸಮಿತಿ ಸಭೆ ಅಥವಾ ಸ್ಥಾಯಿ ಸಮಿತಿ ಸಭೆಗೆ ಸತತ ಮೂರು ತಿಂಗಳವರೆಗೆ ಹಾಜರಾಗದಿದ್ದರೆ  ಪಂಚಾಯತ್ ಸದಸ್ಯರಾಗಿ ಮುಂದುವರಿಯುವಂತಿಲ್ಲ.

               ಪಂಚಾಯತ್ ರಾಜ್ ಕಾಯ್ದೆಯಡಿ ಆಯಾ ಪಂಚಾಯಿತಿ ಕಾರ್ಯದರ್ಶಿಗಳು ಕೈಗೊಂಡಿರುವ ಕ್ರಮದ ವಿರುದ್ಧ ಸದಸ್ಯತ್ವ ಮರುಸ್ಥಾಪನೆ ಹಾಗೂ ಕಾರ್ಯದರ್ಶಿಗಳ ಕ್ರಮವನ್ನು ಎತ್ತಿಹಿಡಿಯುವಂತೆ ಕೋರಿ ಸದಸ್ಯರು ಸಲ್ಲಿಸಿದ್ದ ಅರ್ಜಿಗಳನ್ನು ಆಯೋಗದ ಆದೇಶ ತಿರಸ್ಕರಿಸಿದೆ.