ಒಂಬತ್ತರ ಹರೆಯದ ಬಾಲಕಿ ಸಾವು: ಶಿಗೆಲ್ಲ ಸೋಂಕು ಎಂದು ಶಂಕೆ

                 ಪತ್ತನಂತಿಟ್ಟ: ವಾಂತಿ ಭೇದಿಯಿಂದ ಕೊಟ್ಟಾಯಂ ವೈದ್ಯಕೀಯ ಕಾಲೇಜು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದ ಬಾಲಕಿ ಶಿಗೆಲ್ಲ ಸೋಂಕಿನಿಂದ ಮೃತಪಟ್ಟಿರುವ ಶಂಕೆ ವ್ಯಕ್ತವಾಗಿದೆ.

           ಕಡಂಬನಾಡಿನ ಗಣೇಶ ವಿಲಾಸಂ ಆವಂತಿಕಾ ನಿವಾಸದ ಮನೋಜ್ ಮತ್ತು ಚಿತ್ರಾ ದಂಪತಿಯ ಪುತ್ರಿ ಆವಂತಿಕಾ (9) ಮೃತ ಬಾಲಕಿ.

              ಅವಂತಿಕಾಳನ್ನು ಅ.30ರಂದು ದೈಹಿಕ ಸಮಸ್ಯೆಯಿಂದ ಅಡೂರ್ ಜನರಲ್ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಪರಿಸ್ಥಿತಿ ಹದಗೆಟ್ಟಿದ್ದರಿಂದ, ನಂತರ ಕೊಟ್ಟಾಯಂ ವೈದ್ಯಕೀಯ ಕಾಲೇಜು ಆಸ್ಪತ್ರೆಗೆ ಸ್ಥಳಾಂತರಿಸಲಾಯಿತು. ಇಲ್ಲಿಗೆ ಬಂದ ಸ್ವಲ್ಪ ಸಮಯದಲ್ಲೇ ಮಗು ಸಾವನ್ನಪ್ಪಿದೆ.

           ಮಗುವಿನ ಮನೆ ಸಮೀಪದ ಮನೆಗಳಲ್ಲಿರುವವರಿಗೆ ರೋಗದ ಲಕ್ಷಣಗಳು ಕಂಡು ಬಂದಿರುವ ಶಂಕೆ ವ್ಯಕ್ತವಾಗಿದೆ. ಆವಂತಿಕಾ ಅಂಗಡಿಕಲ್‍ನ ಅರಂತಕುಳಂಗರ ಸರ್ಕಾರಿ ಎಲ್‍ಪಿ ಶಾಲೆಯ ವಿದ್ಯಾರ್ಥಿನಿ.

              ಶಿಗೆಲ್ಲ ರೋಗವು ಮುಖ್ಯವಾಗಿ ಕೊಳಚೆ ನೀರು ಮತ್ತು ಕಲುಷಿತ ಆಹಾರದ ಮೂಲಕ ಹರಡುತ್ತದೆ. ಅತಿಸಾರವು  ವೇಗವಾಗಿ ಹರಡುವ ರೋಗದ ಮುಖ್ಯ ಲಕ್ಷಣವಾಗಿದೆ. ತೀವ್ರತರವಾದ ಪ್ರಕರಣಗಳಲ್ಲಿ, ಇದು ರಕ್ತಸಿಕ್ತ ಅತಿಸಾರಕ್ಕೆ ಕಾರಣವಾಗಬಹುದು. ತಡವಾದ ಪತ್ತೆಯು ಶಿಗೆಲ್ಲವನ್ನು ಹೆಚ್ಚು ಗಂಭೀರಗೊಳಿಸುತ್ತದೆ. ಮಲ ಪರೀಕ್ಷೆಯ ಮೂಲಕ ರೋಗನಿರ್ಣಯವನ್ನು ಮಾಡಲಾಗುತ್ತದೆ.