ಬೇಕಲ ಬೀಚ್ ಪಾರ್ಕ್‍ನಲ್ಲಿ ಟೇಸ್ಟಿ ಕಾರ್ನಿವಲ್ ಆರಂಭ

                  ಕಾಸರಗೋಡು: ಬೇಸಿಗೆ ರಜೆಯನ್ನು ಕಳೆಯಲು ಬರುವ ಪ್ರವಾಸಿಗರಿಗಾಗಿ ಬೇಕಲ ಬೀಚ್‍ಪಾರ್ಕ್‍ನಲ್ಲಿ ಸಜ್ಜುಗೊಳಿಸಲಾದ ಟೇಸ್ಟಿ ಕಾರ್ನಿವಲನ್ನು ಕಾಞಂಗಾಡು ಬ್ಲಾಕ್ ಪಂಚಾಯಿತಿ ಅಧ್ಯಕ್ಷ ಹಾಗೂ ಬಿಆರ್‍ಡಿಸಿ ಮಂಡಳಿ ಅಧ್ಯಕ್ಷ ಕೆ. ಮಣಿಕಂಠನ್ ಉದ್ಘಾಟಿಸಿದರು.  ಉದ್ಯಾನವನದಲ್ಲಿ ಮಲಬಾರ್‍ನ ವಿಶಿಷ್ಟ ರುಚಿಗಳ ವಿವಿಧ ಮಳಿಗೆಗಳನ್ನು ಸಿದ್ಧಪಡಿಸಲಾಗಿದ್ದು, ಜೂನ್ 2 ರವರೆಗೆ ಸಂಜೆ 4 ರಿಂದ ರಾತ್ರಿ 11 ರವರೆಗೆ ಸ್ಥಳೀಯ, ಭಾರತೀಯ, ಚೈನೀಸ್ ಮತ್ತು ಇತರ ಭಕ್ಷ್ಯಗಳ ರುಚಿಕರವಾದ ಕಾರ್ನೀವಲ್ ನಡೆಯಲಿದೆ.

               ಕ್ಯೂಎಚ್ ಗ್ರೂಪ್ ನ ವ್ಯವಸ್ಥಾಪಕ ನಿರ್ದೇಶಕ ಅಬ್ದುಲ್ ಲತೀಫ್ ಕೆ.ಕೆ, ಅನಸ್ ಮುಸ್ತಫಾ, ಶಿವದಾಸ್ ಕಿನೇರಿ, ಆಶೀರ್ ಅಬ್ದುಲ್ಲಾ, ಶೀಬಾ, ಮಿಥಿಲಾಜ್, ನಿತಿನ್ ವೆಲ್ಲಿಕೋತ್ ಮತ್ತು ಅರುಣ್ ವೆಲ್ಲಿಕೋತ್ ಉಪಸ್ಥಿತರಿದ್ದರು.