ವಿಝಿಂಜಂ ಬಂದರು: ಎರಡನೇ ಮತ್ತು ಮೂರನೇ ಹಂತ ಆರಂಭ

              ತಿರುವನಂತಪುರಂ: ವಿಝಿಂಜಂ ಅಂತರಾಷ್ಟ್ರೀಯ ಬಂದರಿನ ಎರಡನೇ ಮತ್ತು ಮೂರನೇ ಹಂತವನ್ನು ಸರ್ಕಾರ ಆರಂಭಿಸಿದೆ.

              ನಿರ್ಮಾಣಕ್ಕೂ ಮುನ್ನ ಪರಿಸರ ಅನುಮತಿ ಪಡೆಯಲು ಸಾರ್ವಜನಿಕ ವಿಚಾರಣೆ ಜೂನ್ 29 ರಂದು ವಿಝಿಂಜಂನಲ್ಲಿ ನಡೆಯಲಿದೆ. ಅದಾನಿ ಗ್ರೂಪ್ 9540 ಕೋಟಿ ರೂಪಾಯಿ ಹೂಡಿಕೆಯೊಂದಿಗೆ ಬಂದರಿನ ಎರಡನೇ ಮತ್ತು ಮೂರನೇ ಹಂತವನ್ನು ಪೂರ್ಣಗೊಳಿಸುತ್ತಿದೆ.

              ಯೋಜನೆಯ ಮಾಸ್ಟರ್ ಪ್ಲಾನ್ ಆಧರಿಸಿ, ವಿಝಿಂಜಮ್ ಇಂಟರ್‍ನ್ಯಾಶನಲ್ ಸೀ ಪೋರ್ಟ್ ಲಿಮಿಟೆಡ್ (ಡಬ್ಲ್ಯು ಎಚ್.ಐಎಸ್ ಟಿ) ಈ ಹಿಂದೆ ಮಾಲಿನ್ಯ ನಿಯಂತ್ರಣ ಮಂಡಳಿಗೆ ಕರಡು ಪರಿಸರ ಪರಿಣಾಮ ವರದಿಯನ್ನು ಸಲ್ಲಿಸಿತ್ತು. ಈ ಬಗ್ಗೆ ಸಾರ್ವಜನಿಕರ ಅಭಿಪ್ರಾಯ ಪಡೆದು ಅಂತಿಮ ವರದಿಯನ್ನು ಕೇಂದ್ರ ಪರಿಸರ ಸಚಿವಾಲಯಕ್ಕೆ ಸಲ್ಲಿಸಲಾಗುವುದು. ವಿಸಿಲ್ ಮುಂದಿನ ಮೂರು ತಿಂಗಳೊಳಗೆ ಪರಿಸರ ಅನುಮತಿ ಪಡೆಯುವ ಭರವಸೆ ಹೊಂದಿದೆ. ಪ್ರಸ್ತುತ, ನಿರ್ಮಾಣಕ್ಕೆ ಹೆಚ್ಚಿನ ಭೂಮಿ ಅಗತ್ಯವಿಲ್ಲ.

             ಅದಾನಿ ಗ್ರೂಪ್ ಮೊದಲ ಹಂತದ ಕಾರ್ಯಾರಂಭಕ್ಕೂ ಮುನ್ನವೇ ಎರಡನೇ ಮತ್ತು ಮೂರನೇ ಹಂತದ ಕಾಮಗಾರಿಗಳನ್ನು ಆರಂಭಿಸಲು ನಿರ್ಧರಿಸಿದ್ದು, 2028ರ ವೇಳೆಗೆ ಎಲ್ಲಾ ಮೂರು ಹಂತಗಳನ್ನು ಪೂರ್ಣಗೊಳಿಸುವ ಗುರಿ ಹೊಂದಿದೆ. ಈ ಕ್ಷೇತ್ರದ ಸಾಧ್ಯತೆಗಳನ್ನು ಅಂತರಾಷ್ಟ್ರೀಯ ಮಟ್ಟದಲ್ಲಿ ಮುಕ್ತಗೊಳಿಸಲು ಎರಡನೇ ಹಂತದ ಅಭಿವೃದ್ಧಿಯನ್ನು ತ್ವರಿತ ಗತಿಯಲ್ಲಿ ಅನುಷ್ಠಾನಗೊಳಿಸಲಾಗುತ್ತಿದೆ. ವಿಝಿಂಜಂ ಬಂದರು ಮೊದಲ ಹಂತದಲ್ಲಿ 7700 ಕೋಟಿ ರೂ.ಗಳ ಸಾರ್ವಜನಿಕ-ಖಾಸಗಿ (ಪಿಪಿಪಿ) ಯೋಜನೆಯಾಗಿ ಪೂರ್ಣಗೊಳ್ಳುತ್ತಿದೆ. ಆದರೆ ಎರಡು ಮತ್ತು ಮೂರನೇ ಹಂತದ ಅಭಿವೃದ್ಧಿಯ ಮೊತ್ತವನ್ನು ಅದಾನಿ ಸಮೂಹವೇ ಸಂಪೂರ್ಣವಾಗಿ ಪಾವತಿಸಬೇಕು.

        2700 ಜನರಿಗೆ ಉದ್ಯೋಗ ನೀಡಬಹುದು ಎಂದು ಅಂದಾಜಿಸಲಾಗಿದೆ.

         ಮೊದಲ ಹಂತದಲ್ಲಿ 800 ಮೀಟರ್ ಬೆರ್ತ್ ಅನ್ನು ಎರಡನೇ ಹಂತದಲ್ಲಿ 1200 ಮೀಟರ್ ಮತ್ತು ಮೂರನೇ ಹಂತದಲ್ಲಿ 2000 ಮೀಟರ್‍ಗೆ ವಿಸ್ತರಿಸಲಾಗುವುದು. 2.9 ಕಿ.ಮೀ.ನಿಂದ 3.9 ಕಿ.ಮೀ.ವರೆಗೆ ಬ್ರೇಕ್ ವಾಟರ್ ನಿರ್ಮಾಣವಾಗಲಿದೆ. ವಿಝಿಂಜಂ ಬಂದರಿನ ಪ್ರಸ್ತುತ ಸಾಮಥ್ರ್ಯವು ವರ್ಷಕ್ಕೆ ಒಂದು ಮಿಲಿಯನ್ ಟಿಯುವಿ(ಒಂದು ಟಿಯುವಿ - ಒಂದು ಕಂಟೇನರ್) ಆಗಿದ್ದು, ಮೂರನೇ ಹಂತದಲ್ಲಿ ಮೂರು ಮಿಲಿಯನ್ ಟಿಯುವಿ  ಗೆ ಹೆಚ್ಚಿಸಲಾಗುವುದು. ಜೂನ್‍ನಲ್ಲಿ ಮೊದಲ ಹಂತದ ಪ್ರಾಯೋಗಿಕ ಸಂಚಾರ ನಡೆಸಲು ನಿರ್ಧರಿಸಲಾಗಿದೆ. ಯೋಜನೆಗಾಗಿ ಎಲ್ಲಾ ಕ್ರೇನ್‍ಗಳನ್ನು ವಿತರಿಸಲಾಗಿದೆ. 90 ರಷ್ಟು ನಿರ್ಮಾಣ ಪೂರ್ಣಗೊಂಡಿದೆ. ಓಣಂಗೆ ಕಮಿಷನ್ ಮಾಡಲು ಸರ್ಕಾರ ನಿರ್ಧರಿಸಿದೆ.