ಎಟಿಎಂನಿಂದ ಡಿಡೆಕ್ಟ್ ಆದ್ದು 20,000 ರೂ: ಲಭಿಸಿದ್ದು 10,000 ರೂ.: 40,000 ರೂ.ಪರಿಹಾರ ನೀಡುವಂತೆ ಆದೇಶ

                 ಕೊಲ್ಲಂ: ಎಟಿಎಂನಿಂದ ಹಣ ಸಿಗದ ಹಿನ್ನೆಲೆಯಲ್ಲಿ ಕೊಲ್ಲಂ ಮೂಲದವರಿಗೆ ಪರಿಹಾರ ನೀಡುವಂತೆ ಆದೇಶಿಸಲಾಗಿದೆ.

                  ಕೊಲ್ಲಂ ಮಹಿಳಾ ಸೆಲ್ ನ ಸಹಾಯಕ ಸಬ್ ಇನ್ಸ್ ಪೆಕ್ಟರ್ ವಿ ಸುಪ್ರಭಾ ಅವರಿಗೆ ಪರಿಹಾರ ನೀಡುವಂತೆ ನ್ಯಾಯಾಲಯ ಆದೇಶಿಸಿದೆ. ಪ್ರಕರಣಕ್ಕೆ ಸಂಬಂಧಿಸಿದ ಘಟನೆ ಏಪ್ರಿಲ್ 19, 2019 ರಂದು ನಡೆದಿತ್ತು.                

                ಇರವಿಪುರಂನ ಎಟಿಎಂನಿಂದ 20 ಸಾವಿರ ಹಣ ಡ್ರಾ ಮಾಡಲು ಯತ್ನಿಸಿದಾಗ ಸಿಕ್ಕಿದ್ದು ಕೇವಲ 10 ಸಾವಿರ ರೂ. ಆದರೆ ದೂರುದಾರರ ಬ್ಯಾಂಕ್ ಖಾತೆಯಿಂದ 20,000 ರೂ. ಕಡಿತಗೊಂಡಿತ್ತು. ನಂತರ ಅವರು ಬ್ಯಾಂಕ್‍ಗೆ ದೂರು ಸಲ್ಲಿಸಿದರು, ಆದರೆ ಅದನ್ನು ತಿರಸ್ಕರಿಸಿದ ನಂತರ ಅವರು ತಿರುವನಂತಪುರಂ ಬ್ಯಾಂಕಿಂಗ್ ಒಂಬುಡ್ಸ್‍ಮನ್‍ಗೆ ದೂರು ಸಲ್ಲಿಸಿದ್ದರು.

               ದೂರನ್ನು ಪರಿಶೀಲಿಸಿದ ಆಯೋಗವು 40,000 ರೂ. ಪರಿಹಾರ ಪಾವತಿಸಲು ಸೂಚಿಸಿದೆ. ಕೊಲ್ಲಂ ಗ್ರಾಹಕರ ವ್ಯಾಜ್ಯಗಳ ಪರಿಹಾರ ಆಯೋಗವು ಎಟಿಎಂನಿಂದ ಸ್ವೀಕರಿಸದ 10,000 ರೂ ಮತ್ತು ಪರಿಹಾರ ವೆಚ್ಚ ಸೇರಿದಂತೆ 40,000 ರೂ.ನೀಡಲು ಆದೇಶಿಸಿದೆ.