ವಾಹನಗಳ ರೂಪ ಬದಲಿಸುವವರ ವಿರುದ್ಧ ಕಠಿಣ ಕ್ರಮಕ್ಕೆ ಹೈಕೋರ್ಟ್ ನಿರ್ದೇಶನ; ಪ್ರತಿ ಬದಲಾವಣೆಗೆ 5000 ದಂಡ

                ಕೊಚ್ಚಿ: ವಾಹನಗಳ ರೂಪ ಬದಲಿಸುವವರ ವಿರುದ್ಧ ಕ್ರಮ ಕೈಗೊಳ್ಳುವಂತೆ ಹೈಕೋರ್ಟ್ ಸೂಚಿಸಿದೆ. ಯೂಟ್ಯೂಬ್‍ನಲ್ಲಿ ಉಲ್ಲಂಘನೆಗಳನ್ನು ಪೋಸ್ಟ್ ಮಾಡುವ ವ್ಲಾಗರ್‍ಗಳ ವಿರುದ್ಧ ಹೈಕೋರ್ಟ್ ಕ್ರಮಕ್ಕೆ ಆದೇಶಿಸಿದೆ.

                  ಯೂಟ್ಯೂಬರ್ ಸಂಜು ಟೆಕ್ಕಿ ತನ್ನ ಕಾರಿನ ಲುಕ್ ಚೇಂಜ್ ಮಾಡಿದ ಪ್ರಕರಣದಲ್ಲಿ ನ್ಯಾಯಾಲಯದ ಆದೇಶವಾಗಿದೆ.

               ವಾಹನಗಳ ಮೇಲೆ ಅಕ್ರಮ ಅಲಂಕಾರಗಳ ವಿರುದ್ಧ ಕ್ರಮ ಕೈಗೊಳ್ಳುವಂತೆಯೂ ನ್ಯಾಯಾಲಯ ಸೂಚಿಸಿದೆ. ಜಾರಿ ಅಧಿಕಾರಿಗಳು ಮಾರ್ಪಡಿಸಿದ ವಾಹನಗಳ ವಿಡಿಯೋ ತುಣುಕನ್ನು ಸಂಗ್ರಹಿಸಬೇಕು. ವಾಹನ ಮತ್ತು ಉಲ್ಲಂಘನೆಯ ದೃಶ್ಯಾವಳಿಗಳನ್ನು ಮ್ಯಾಜಿಸ್ಟ್ರೇಟ್ ಮುಂದೆ ಹಾಜರುಪಡಿಸಬೇಕು. ಚಾಲನಾ ಪರವಾನಗಿಯನ್ನು ಮೂರು ತಿಂಗಳವರೆಗೆ ಅಮಾನತುಗೊಳಿಸಬೇಕು.

            ವಾಹನಗಳಿಗೆ ಮಾಡಿದ ಪ್ರತಿ ಮಾರ್ಪಾಡಿಗೆ 5000 ರೂಪಾಯಿ ದಂಡ ವಿಧಿಸುವಂತೆಯೂ ನ್ಯಾಯಾಲಯ ಸೂಚಿಸಿದೆ. ಹೈಕೋರ್ಟ್ ಸ್ವಯಂ ಪ್ರೇರಿತವಾಗಿ ತೆಗೆದುಕೊಂಡ ಪ್ರಕರಣದಲ್ಲಿ ಈ ನಿರ್ದೇಶನವಿದೆ. ಈ ತಿಂಗಳ 6ರಂದು ಹೈಕೋರ್ಟ್‍ಗೆ ಸರ್ಕಾರದ ವರದಿ ಸಲ್ಲಿಸಲಾಗುವುದು.