ಜೂನ್ 6ರಂದು ಅರೆಕಾಲಿಕ ಟ್ಯೂಟರ್ ಹುದ್ದೆಗೆ ಸಂದರ್ಶನ

          ಪೆರ್ಲ: ಕಾಸರಗೋಡು ಪರಿಶಿಷ್ಟ ವರ್ಗ ವಿಸ್ತರಣಾಧಿಕಾರಿ ಕಚೇರಿ ವ್ಯಾಪ್ತಿಯ ವಾಣೀನಗರದಲ್ಲಿ ಕಾರ್ಯ ನಿರ್ವಹಿಸುವ 5ರಿಂದ 10ನೇ ತರಗತಿವರೆಗಿನ ಗಂಡು ಮಕ್ಕಳ ಪ್ರಿ ಮೆಟ್ರಿಕ್ ವಿದ್ಯಾರ್ಥಿ ನಿಲಯಕ್ಕೆ ಇಂಗ್ಲೀಷ್, ಗಣಿತ, ವಿಜ್ಞಾನ, ಸಮಾಜ ವಿಜ್ಞಾನ ಎಂಬ ವಿಷಯಗಳಿಗೆ ಅರೆಕಾಲಿಕ ಟ್ಯೂಟರ್ ನೇಮಕಾತಿಗೆ ಪದವಿ, ಬಿ ಎಡ್ ಅರ್ಹತೆಯ ಉದ್ಯೋಗಾರ್ಥಿಗಳಿಂದ ಅರ್ಜಿ ಆಹ್ವಾನಿಸಲಾಗಿದೆ. ಪರಿಶಿಷ್ಟ ವರ್ಗ ವಿಭಾಗದವರಿಗೆ ಆದ್ಯತೆ ನೀಡಲಾಗುವುದು.

            ಈ ನೇಮಕಾತಿ ತಾತ್ಕಾಲಿಕ ಹಾಗೂ ಒಂದು ಅಧ್ಯಯನ ವರ್ಷಕ್ಕೆ ಸೀಮಿತವಾಗಿರುವುದು. ಆಸಕ್ತ ಉದ್ಯೋಗಾರ್ಥಿಗಳು ಅಸಲಿ ಪ್ರಮಾಣ ಪತ್ರಗಳೊಂದಿಗೆ ಜೂ.6 ರಂದು ಬೆಳಗ್ಗೆ 11ಕ್ಕೆ ವಾಣೀನಗರ ಪ್ರೀ ಮೆಟ್ರಿಕ್ ವಿದ್ಯಾರ್ಥಿ ನಿಲಯದಲ್ಲಿ ನಡೆಯುವ ಸಂದರ್ಶನದಲ್ಲಿ ಭಾಗವಹಿಸುವಂತೆ ತಿಳಿಸಲಾಗಿದೆ. ಹೆಚ್ಚಿನ ಮಾಹಿತಿಗಾಗಿ 8547428826, 9947515208 ಮೊಬೈಲ್ ಸಂಖ್ಯೆ  ಸಂಪರ್ಕಿಸಬಹುದು.