ವಾಷಿಂಗ್ ಪೌಡರ್ ನಿರ್ಮಾ ಯಾಕೆ ಈಗ ಕಾಣುತ್ತಿಲ್ಲ; ಜಾಹೀರಾತಿನಲ್ಲಿ ಕಾಣಿಸಿಕೊಂಡ ಬೇಬಿ ಯಾರು?

 ವಾಶಿಂಗ್ ಪೌಡರ್ ನಿರ್ಮಾ.. ವಾಶಿಂಗ್ ಪೌಡರ್ ನಿರ್ಮಾ.. ಹಾಲಿನಂತಹ ಬಿಳುಪು, ನಿರ್ಮಾದಿಂದ ಬಂತು. ಬಣ್ಣದ ಬಟ್ಟೆಗೆ ಥಳ ಥಳ ಬಿಳುಪು. ಎಲ್ಲರ ಮೆಚ್ಚಿನ ನಿರ್ಮಾ.. ವಾಷಿಂಗ್ ಪೌಡರ್ ನಿರ್ಮಾ.. ವಾಷಿಂಗ್ ಪೌಡರ್ ನಿರ್ಮಾ ಈ ಜಾಹೀರಾತು ಹಾಡು ಎಲ್ಲರಿಗೂ ಇಷ್ಟ ಅಂತಲೇ ಹೇಳಬಹುದು.

ಆದ್ದರಿಂದ ಇದು ಯಾವ ಉತ್ಪನ್ನದ ಜಾಹೀರಾತು ಎಂದು ಹೇಳಬೇಕಾಗಿಲ್ಲ.

ನಿರ್ಮಾ ಹಾಡು ಅಷ್ಟೇ ಅಲ್ಲ. ಡಿಟರ್ಜೆಂಟ್ ಪೌಡರ್ ಕೂಡ ಆಕರ್ಷಕವಾಗಿದೆ. ಈಗ ಅನೇಕ ಸರ್ಫ್ ಉತ್ಪನ್ನಗಳು ಮಾರುಕಟ್ಟೆಯಲ್ಲಿವೆ. ಆದರೆ ಒಂದು ಕಾಲದಲ್ಲಿ ನಿರ್ಮಾದ ಹವಾ ಜೋರಾಗಿತ್ತು, ಮನೆಯ ಪ್ರತಿ ಮಹಿಳೆಯೂ ಒಂದಲ್ಲ ಒಂದು ಭಾರೀ ಇದನ್ನು ಬಳಸಿದ್ದಾರೆ. ಇದು ದಶಕಗಳಿಗೂ ಹೆಚ್ಚು ಕಾಲ ಮಾರುಕಟ್ಟೆಯಲ್ಲಿ ನಂಬರ್ ಓನ್​ ಆಗಿ ಮುನ್ನಡೆದಿತ್ತು. ಆದರೆ ಈಗ ಈ ಸರ್ಫ್ ಅನ್ನು ಖರೀದಿಸುವವರು ಮಾತ್ರವಲ್ಲದೆ ಬಳಕೆದಾರರೂ ಕಡಿಮೆಯಾಗಿದ್ದಾರೆ. ಈ ವಾಷಿಂಗ್ ಪೌಡರ್ ಕೂಡ ಅಷ್ಟಾಗಿ ಕಾಣುತ್ತಿಲ್ಲ.

ಒಂದಾನೊಂದು ಕಾಲದಲ್ಲಿ ಹೆಂಗಸರು ಉಪ್ಪು, ಸೋಡಾ ಹಾಕಿ ತೊಳೆದ ಬಟ್ಟೆಗಳನ್ನು ಹೂವಿನಂತೆ ಹೊಳೆಯುವಂತೆ ಮಾಡುತ್ತಿದ್ದರು. ಪರಿಣಾಮವಾಗಿ, ಬಟ್ಟೆಗಳು ಬೇಗನೆ ಹಾಳಾಗುತ್ತವೆ. 1960ರ ದಶಕದಲ್ಲಿ, ನಿರ್ಮಾ ತೊಳೆಯುವ ಪುಡಿ ಬಟ್ಟೆಗಳನ್ನು ಸ್ವಚ್ಛಗೊಳಿಸುವ ಪ್ರಕ್ರಿಯೆಗೆ ಪರ್ಯಾಯವಾಗಿ ಬಂದಿತು. ಅದು ಬಂದಾಗ, ಇದು ಮಹಿಳೆಯರನ್ನು ಮಹತ್ತರವಾಗಿ ಪ್ರಭಾವಿಸಿತು. ಆಗ ಬೇರೆ ಆಯ್ಕೆ ಇರಲಿಲ್ಲ. ಇದು ಭಾರೀ ಬೇಡಿಕೆಯನ್ನು ಸೃಷ್ಟಿಸಿತ್ತು.

ಒಂದು ಸಮಯದಲ್ಲಿ ಮಾರುಕಟ್ಟೆಯಲ್ಲಿ ನಂಬರ್ 1 ಉತ್ಪನ್ನವಾಯಿತು. ಈ ವಾಷಿಂಗ್​ ಪುಡಿಯ ಸೃಷ್ಟಿಕರ್ತ ಯಾರು ಎಂದರೆ, ಕಾರ್ಬನ್ ಬಾಯ್ ಪಟೇಲ್. ಅವರೊಬ್ಬ ಉದ್ಯಮಿ. ಅವರ ಹೆಸರು ಇನ್ನೂ ಶ್ರೀಮಂತರ ಪಟ್ಟಿಯಲ್ಲಿದೆ. ಗುಜರಾತಿನ ಬಡ ಕುಟುಂಬದಲ್ಲಿ ಜನಿಸಿದ ಅವರು ರಸಾಯನಶಾಸ್ತ್ರದಲ್ಲಿ ಬಿ.ಎಸ್ಸಿ ಮುಗಿಸಿದರು. ಉದ್ಯಮಿಯಾಗುವ ಮುನ್ನ ಲ್ಯಾಬ್ ಅಸಿಸ್ಟೆಂಟ್ ಆಗಿ ಕೆಲಸ ಮಾಡಿದ್ದಾರೆ. ಆದರೆ ಡಿಟರ್ಜೆಂಟ್ ತಯಾರಿಸುವ ಗುರಿಯೊಂದಿಗೆ ಕೆಲಸ ಬಿಟ್ಟರು. ತನ್ನ ರಸಾಯನಶಾಸ್ತ್ರದ ಜ್ಞಾನವನ್ನು ಬಳಸಿಕೊಂಡು ತಮ್ಮ ಮನೆಯಲ್ಲಿಯೇ ಸರ್ಫ್ ತಯಾರಿಸಿದ್ದರು.

ಕಡಿಮೆ ಬೆಲೆ, ಗುಣಮಟ್ಟದ ವಸ್ತು...

ಇನ್ನು, ನಿರ್ಮಾ ಪ್ಯಾಕೆಟ್‌ನಲ್ಲಿರುವ ಹುಡುಗಿ ಯಾರು ಎಂದರೆ ಕರ್ಬನ್ ಭಾಯ್ ಪಟೇಲ್ ಅವರ ಮಗಳು ನಿರುಪಮಾ. ಅವರ ಮಗಳು ರಸ್ತೆ ಅಪಘಾತದಲ್ಲಿ ಸಾವನ್ನಪ್ಪಿದರು. ಆಕೆಯ ನೆನಪಿಗಾಗಿ ತಂದೆ ತಯಾರಿಸಿದ ವಾಷಿಂಗ್ ಪೌಡರ್ ಗೆ "ನಿರ್ಮಾ ವಾಷಿಂಗ್ ಪೌಡರ್" ಎಂದು ಹೆಸರಿಟ್ಟರು. ನಿರ್ಮಾ ಮಗುವಿನ ಫೋಟೋವನ್ನು ವಾಷಿಂಗ್ ಪೌಡರ್ ಪ್ಯಾಕೆಟ್ ಮೇಲೆ ಸಿಂಬಲ್ ಇಟ್ಟಿದ್ದರು. ಮೊದಲಿಗೆ ಸೈಕಲ್ ನಲ್ಲಿ ಮನೆ ಮನೆಗೆ ಹೋಗಿ ಈ ಡಿಟರ್ಜೆಂಟ್ ಪೌಡರ್ ಮಾರುತ್ತಿದ್ದರು. ಪುಡಿ ಜನಪ್ರಿಯತೆಯನ್ನು ಗಳಿಸಿತು ಮತ್ತು ಸ್ಟಾರ್ ಕಂಪನಿಯಾಗಿ ಬೆಳೆಯಿತು. ಮೊದಲು ನಿರ್ಮಾ ಪೌಡರ್ ಪ್ರಚಾರಕ್ಕಾಗಿ ರೇಡಿಯೊದಲ್ಲಿ ಜಾಹೀರಾತುಗಳನ್ನು ನೀಡಲಾಯಿತು. ಬಳಿಕ ಟಿವಿಯಲ್ಲಿ ಜಾಹೀರಾತು ನೀಡಲಾರಂಭಿಸಿದರು. ನಿರ್ಮಾ ಹಾಡು ಬಂದಿದ್ದು ಹೀಗೆ, ಆಗ ಮಾರುಕಟ್ಟೆಯಲ್ಲಿ ಹಿಂದುಸ್ತಾನ್ ಯೂನಿಲಿವರ್ ಕಂಪನಿ ವಾಷಿಂಗ್ ಪೌಡರ್ ಮುಂಚೂಣಿಯಲ್ಲಿತ್ತು.

ಮಗಳ ನೆನಪಿಗಾಗಿ ನಿರ್ಮಾ ಹೆಸರು, ಫೋಟೋ

ಆದರೆ ಕಡಿಮೆ ಬೆಲೆಗೆ ಉತ್ತಮ ಗುಣಮಟ್ಟದ ಉತ್ಪನ್ನ ಲಭ್ಯವಾದ ಕಾರಣ ಕಡಿಮೆ ಸಮಯದಲ್ಲೇ ನಿರ್ಮಾ ವಾಷಿಂಗ್ ಪೌಡರ್ ಮಾರುಕಟ್ಟೆಯಲ್ಲಿ ನಂಬರ್ ಸ್ಥಾನವನ್ನು ತಲುಪಿತ್ತು. ಸ್ವಲ್ಪ ಸಮಯದ ನಂತರ ನಿರ್ಮಾ ಕಂಪನಿಯು ಡಿಟರ್ಜೆಂಟ್ ಕೇಕ್‌ಗಳನ್ನು ಅಂದರೆ ಸೋಪುಗಳನ್ನು ಸಹ ತಯಾರಿಸಿತು. ಆದರೆ ಕೆಲವು ದಶಕಗಳ ಕಾಲ ಮಾರುಕಟ್ಟೆಯನ್ನು ಆಳಿದ ನಿರ್ಮಾ ವಾಷಿಂಗ್ ಪೌಡರ್‌ಗೆ ಪೈಪೋಟಿ ನೀಡಲು ಹೆಚ್ಚಿನ ಉತ್ಪನ್ನಗಳು ಬರಲಾರಂಭಿಸಿದವು. ಈ ಪೈಪೋಟಿಯಲ್ಲಿ ನಿರ್ಮಾ ಸಂಸ್ಥೆ ಉಳಿದುಕೊಳ್ಳಲು ಕಷ್ಟ ಆಯ್ತು.

ಮಾರುಕಟ್ಟೆಗೆ ಬರುತ್ತಿರುವ ಹೊಸ ಬ್ರಾಂಡ್‌ಗಳಿಂದಾಗಿ ನಿರ್ಮಾ ಜನಪ್ರಿಯತೆ ಕಾಲಕ್ರಮೇಣ ಕಡಿಮೆ ಆಯ್ತು. ಆ ನಂತರ ಕರ್ಸನ್ ಭಾಯ್ ಪಟೇಲ್ ಬೇರೆ ಬೇರೆ ಬ್ಯುಸಿನೆಸ್​ ಆರಂಭಿಸಿದ್ದರು. ನಿರ್ಮಾ ಗ್ರೂಪ್ 2014 ರಲ್ಲಿ ಸಿಮೆಂಟ್ ಉತ್ಪಾದನೆಯನ್ನು ಪ್ರಾರಂಭಿಸಿತು. ಕರ್ಸನ್ ಭಾಯಿ ಪಟೇಲ್ ಪ್ರಸ್ತುತ ಭಾರತದ ಮಿಲಿಯನೇರ್‌ಗಳಲ್ಲಿ ಒಬ್ಬರು. ಅವರ ನಿವ್ವಳ ಮೌಲ್ಯ $4.9 ಬಿಲಿಯನ್ ಅಷ್ಟಿದೆ.