ನಿಗದಿತ ಸಮಯಕ್ಕೆ ಆರಂಭಗೊಳ್ಳದ ಸಮಾರಂಭ: ಸಿಟ್ಟಿಗೆದ್ದು ತೆರಳಿದ ಜಿ. ಸುಧಾಕರನ್

                ಆಲಪ್ಪುಳ: ನಿಗದಿತ ಕಾರ್ಯಕ್ರಮ ಒಂದು ಗಂಟೆ ತಡವಾಗಿದ್ದರಿಂದ ಸಿಪಿಎಂನ ಹಿರಿಯ ನಾಯಕ ಜಿ ಸುಧಾಕರನ್ ಸಿಟ್ಟಿನಿಂದ ವೇದಿಕೆಯಿಂದ ನಿರ್ಗಮಿಸಿದರು.

            ಇಂದು ಬೆಳಗ್ಗೆ ಅಲಪ್ಪುಳದಲ್ಲಿ ನಡೆದ ಸಿಬಿಸಿ ವಾರಿಯರ್ ಸ್ಮೃತಿ ಕಾರ್ಯಕ್ರಮದಿಂದ ಜಿ ಸುಧಾಕರನ್ ಹೊರನಡೆದರು. ಹತ್ತು ಗಂಟೆಗೆ ಕಾರ್ಯಕ್ರಮ ನಿಗದಿಯಾಗಿತ್ತು. ಸುಧಾಕರನ್ ಸಮಯಕ್ಕೆ ಸರಿಯಾಗಿ ಆಗಮಿಸಿದ್ದರು. 

               ಹನ್ನೊಂದು ಗಂಟೆಯಾದರೂ ಕಾರ್ಯಕ್ರಮ ಆರಂಭವಾಗದಿದ್ದಾಗ ಸಂಘಟಕರ ಮೇಲೆ ಸುಧಾಕರನ್ ಸಿಟ್ಟಿಗೆದ್ದರು. ನಂತರ ವೇದಿಕೆಯಿಂದ ನಿರ್ಗಮಿಸಿದರು. ಸಿಬಿಸಿ ವಾರಿಯರ್ ಸ್ಮೃತಿ ಕಾರ್ಯಕ್ರಮದಲ್ಲಿ ಪ್ರಶಸ್ತಿ ಪ್ರದಾನ ಮಾಡಲು ಜಿ ಸುಧಾಕರನ್ ಆಗಮಿಸಿದ್ದರು. 10 ಗಂಟೆಗೆ ಕಾರ್ಯಕ್ರಮ ಆರಂಭವಾಗಲಿದೆ ಎಂದು ತಿಳಿಸಿದ್ದರಿಂದ ಸುಧಾಕರನ್ 10 ಗಂಟೆಗೆ ವೇದಿಕೆ ತಲುಪಿದರು. ಆದರೆ, ಬಹಳ ಹೊತ್ತು ಕಾದುಕುಳಿತರೂ ಇತರೆ ಅತಿಥಿಗಳು ಆಗಮಿಸಲಿಲ್ಲ. ಸಂಘಟಕರು ಮತ್ತು ಇತರ ಆಹ್ವಾನಿತರು ಬಂದರು ಆದರೆ ಉದ್ಘಾಟಕರೂ 10.30 ಕ್ಕಷ್ಟೇ ಆಗಮಿಸಿದ್ದರು. 

           ನಂತರ 11 ಗಂಟೆಗೆ ಕಾರ್ಯಕ್ರಮ ಆರಂಭವಾಯಿತು. ಈ ನಡುವೆ ಕಾರ್ಯಕ್ರಮ ಆರಂಭಿಸಲು ವಿಳಂಬ ಮಾಡಿದ್ದಕ್ಕೆ ಆಯೋಜಕರ ವಿರುದ್ಧ ಸಿಟ್ಟಿಗೆದ್ದ ಜಿ.ಸುಧಾಕರನ್ ಹೊರ ಹೋದರು. ಕಾರ್ಯಕ್ರಮದಲ್ಲಿ ಸಚಿವ ಸಾಜಿ ಚೆರಿಯನ್, ಸಿಪಿಎಂ ರಾಜ್ಯ ಸಮಿತಿ ಸದಸ್ಯ ಸಿ.ಬಿ.ಚಂದ್ರಬಾಬು, ಕೇಂದ್ರ ಸಮಿತಿ ಸದಸ್ಯೆ ಸಿ.ಎಸ್.ಸುಜಾತಾ ಭಾಗವಹಿಸಿದ್ದರು.