ಗಗನ ಗತಿಯಲ್ಲಿ ಮೀನಿನ ಬೆಲೆ: ತರಕಾರಿ ಮತ್ತು ಮಾಂಸದ ಬೆಲೆಗಳೂ ರಾಕೆಟ್ ವೇಗದಲ್ಲಿ

             ಕೊಚ್ಚಿ: ರಾಜ್ಯದಲ್ಲಿ ಮೀನಿನ ಬೆಲೆ ಗಗನಕ್ಕೇರುತ್ತಿದೆ. ನೀಂಡಕರ ಬಂದರಿನಲ್ಲಿ ಒಂದು ಕಿಲೋ ಸಾರ್ಡೀನ್‍ಗೆ 300 ರೂ.ಗಳಷ್ಟು ಏರಿಕೆಯಾಗಿದೆ.  ಅಳಿಕೋಡ್ ಬಂದರಿನಲ್ಲೂ ಒಂದು ಸಾರ್ಡೀನ್ ಬೆಲೆ 300 ರೂ.ವರೆಗೆ ಹೆಚ್ಚಳಗೊಂಡಿದೆ. 

        ಕಡಮೆ ಲಭ್ಯತೆ ಮತ್ತು ಟ್ರಾಲಿಂಗ್ ನಿಷೇಧವು ಮೀನಿನ ಬೆಲೆ ಏರಿಕೆಗೆ ಕಾರಣ ಎನ್ನಲಾಗಿದೆ. ಮುಂದಿನ ದಿನಗಳಲ್ಲಿ ಬೆಲೆ ಮತ್ತಷ್ಟು ಏರಿಕೆಯಾಗುವ ಅಂದಾಜಿದೆ. 52 ದಿನಗಳ ಟ್ರಾಲಿಂಗ್ ನಿಷೇಧ ಜುಲೈ 31 ರಂದು ಮಧ್ಯರಾತ್ರಿ ಕೊನೆಗೊಳ್ಳಲಿದೆ.

            ಈ ಅವಧಿಯಲ್ಲಿ ಸಣ್ಣ ಮೀನುಗಾರಿಕಾ ದೋಣಿಗಳು ಮತ್ತು ಒಳಗಿನ ದೋಣಿಗಳು ಮಾತ್ರ ಸಮುದ್ರದಲ್ಲಿ ಹೋಗಲು ಅನುಮತಿಸಲಾಗಿದೆ. ನಾಲ್ಕು ಜನ ಪ್ರಯಾಣಿಸುವ ದೋಣಿಯ ಬೆಲೆ ಸುಮಾರು 10,000 ರೂ. 40-50 ಕಾರ್ಮಿಕರನ್ನು ಹೊತ್ತೊಯ್ಯುವ ಬೋಟ್‍ಗಳಿಗೆ 50,000 ರೂ.ಗಿಂತ ಹೆಚ್ಚು ವೆಚ್ಚವಾಗುತ್ತದೆ. ಏತನ್ಮಧ್ಯೆ ಏರುತ್ತಿರುವ ಇಂಧನ ಬೆಲೆಯೂ ಬಿಕ್ಕಟ್ಟು ಸೃಷ್ಟಿಸುತ್ತಿದೆ.

           ಇತ್ತೀಚೆಗೆ ತರಕಾರಿ ಬೆಲೆಯೂ ಏರುಗತಿಯಲ್ಲಿದೆ. ಹಸಿ ಮೆಣಸು ಮತ್ತು ಟೊಮೆಟೊ ಅತ್ಯಂತ ದುಬಾರಿಯಾಗಿದೆ. ಎರ್ನಾಕುಳಂನಲ್ಲಿ ಉದ್ದ ಮೆಣಸಿನಕಾಯಿ ಕೆಜಿಗೆ 140-150 ರೂ. ಉಂಡ ಮೆಣಸಿನಕಾಯಿ ಬೆಲೆ 155 ರೂ.ಗೆ ಏರಿಕೆಯಾಗಿದೆ. ಟೊಮೆಟೊ 80-100 ರೂ.ಹೆಚ್ಚಿದೆ. ವಾರದಲ್ಲಿ 40 ರೂಪಾಯಿ ಹೆಚ್ಚಿದೆ. ಬೀನ್ಸ್ ಕೆಜಿಗೆ 180 ರೂ. ಆಲೂಗಡ್ಡೆ, ಈರುಳ್ಳಿ, ಬದನೆಕಾಯಿ ಬೆಲೆಯೂ ಏರುಗತಿಯಲ್ಲಿದೆ.

            ಮಾಂಸದ ಬೆಲೆಯೂ ಹೆಚ್ಚುತ್ತಿದೆ. ಕಳೆದ ಎರಡು ವಾರಗಳಲ್ಲಿ ಕೋಳಿ ಮತ್ತು ದನದ ಮಾಂಸದ ಬೆಲೆ 40 ರೂ. ಕುರಿ ಮಾಂಸದ ಬೆಲೆ ರೂ.800ಕ್ಕಿಂತ ಹೆಚ್ಚಿದೆ.