ತ್ಯಾಜ್ಯ ನಿರ್ವಹಣೆ ಮತ್ತು ನೈರ್ಮಲ್ಯಕ್ಕೆ ಒತ್ತು ನೀಡುವ ಪಠ್ಯಕ್ರಮ ಪರಿಚಯಿಸಿದ ಕೇರಳ ಶಿಕ್ಷಣ ಇಲಾಖೆ

                   ತಿರುವನಂತಪುರಂ: ಸುಸ್ಥಿರ ತ್ಯಾಜ್ಯ ನಿರ್ವಹಣೆ ಮತ್ತು ನೈರ್ಮಲ್ಯಕ್ಕೆ ಒತ್ತು ನೀಡುವ ಪಾಠ ಮತ್ತು ಪಠ್ಯಕ್ರಮವನ್ನು ಶಿಕ್ಷಣ ಇಲಾಖೆ ಹೊರತಂದಿದೆ.

               ಕಸ ಮುಕ್ತ ಕೇರಳ ಅಭಿಯಾನದ ಭಾಗವಾಗಿ ಶಿಕ್ಷಣ ಇಲಾಖೆ ಕೈಗೊಂಡಿರುವ ಕ್ರಮಗಳ ಭಾಗವಾಗಿ ಪಠ್ಯಕ್ರಮದಲ್ಲಿ ಈ ಸುಧಾರಣೆಯಾಗಿದೆ.

               ರಾಜ್ಯದ ಎಸ್‍ಸಿಇಆರ್‍ಟಿ ಪಠ್ಯಕ್ರಮದಲ್ಲಿ 9, 7, 5 ಮತ್ತು 3ನೇ ತರಗತಿಗಳ ಪುಸ್ತಕಗಳಲ್ಲಿ ತ್ಯಾಜ್ಯ ನಿರ್ವಹಣೆ ಮತ್ತು ನೈರ್ಮಲ್ಯದ ಪಾಠಗಳಿವೆ. ಪಠ್ಯಪುಸ್ತಕಗಳೆಂದರೆ 9ನೇ ತರಗತಿಗೆ ಜೀವಶಾಸ್ತ್ರ, 7ನೇ  ತರಗತಿಯ ಹಿಂದಿ ಪಠ್ಯಪುಸ್ತಕ, 5 ನೇ ತರಗತಿಯ ಮೂಲ ವಿಜ್ಞಾನ, 3ನೇ ತರಗತಿಯ ಮಲಯಾಳಂ/ಕನ್ನಡ ಮತ್ತು ಪರಿಸರ ಅಧ್ಯಯನಗಳಲ್ಲಿ ಸೇರಿಸಲಾಗಿದೆ.

                ಅಕ್ಷರ ರಚನೆಯ ಸಮಯದಲ್ಲಿ ತ್ಯಾಜ್ಯ ನಿರ್ವಹಣೆಯ ಬಗ್ಗೆ ಮಕ್ಕಳಿಗೆ ಕಲಿಸುವುದು ಮತ್ತು ಮಕ್ಕಳ ಶೈಲಿಯ ರಚನೆಗೆ ಸಹಾಯ ಮಾಡುವ ರೀತಿಯಲ್ಲಿ ಪಠ್ಯಕ್ರಮವನ್ನು ಪರಿಷ್ಕರಿಸುವುದು ತ್ಯಾಜ್ಯ ಮುಕ್ತ ನವಕೇರಳಂ ಅಭಿಯಾನದ ಬಹುಕಾಲದ ಬೇಡಿಕೆಯಾಗಿದೆ. ಕೇರಳ ನೈರ್ಮಲ್ಯ ಮಿಷನ್ ಮತ್ತು ಹಸಿರು ಕೇರಳ ಮಿಷನ್ ಕೂಡ ಇದರ ಭಾಗವಾಗಿದೆ.

               ಸ್ವಚ್ಛತಾ ಮಿಷನ್‍ನ ಕಾರ್ಯನಿರ್ವಾಹಕ ನಿರ್ದೇಶಕ ಯು. ವಿ ಜೋಸ್ ಈ ಬಗ್ಗೆ ಮಾಹಿತಿ ನೀಡಿರುವರು. 

               'ನನ್ನ ಶಾಲೆ ಸ್ವಚ್ಛ ಶಾಲೆ' ಎಂಬ ಶೀರ್ಷಿಕೆಯೊಂದಿಗೆ ಪ್ರಾರಂಭವಾಗುವ ಅಧ್ಯಾಯದಲ್ಲಿ, ಸ್ವಂತ ಶಾಲೆಯ ಸ್ವಚ್ಛತೆ ಮತ್ತು ತ್ಯಾಜ್ಯ ನಿರ್ವಹಣೆಯ ಮೂಲ ಮಾನದಂಡಗಳನ್ನು ಮೌಲ್ಯಮಾಪನ ಮಾಡುವ ಕೋಷ್ಠಕಗಳನ್ನು ನೀಡಲಾಗಿದೆ. ವಿದ್ಯಾರ್ಥಿಗಳಲ್ಲಿ ಕಸ ಹಾಕುವುದರಿಂದ ಆಗುವ ದುಷ್ಪರಿಣಾಮಗಳು ಹಾಗೂ ಅದಕ್ಕೆ ಸಂಬಂಧಿಸಿದ ವಿಷಯಗಳ ಬಗ್ಗೆ ಪಾಠದ ಮೂಲಕ ಅರಿವು ಮೂಡಿಸಲು ಸಾಧ್ಯವಿದೆ.

              ಚಿಕ್ಕ ವಯಸ್ಸಿನಲ್ಲೇ ಶುಚಿತ್ವದ ಮೊದಲಕ್ಷರಗಳನ್ನು ಕಲಿಸುವ ಗುರಿಯನ್ನು ಪಾಠಗಳು ಒಳಗೊಂಡಿರುತ್ತವೆ. ಇದು ಮೂಲದಲ್ಲಿ ತ್ಯಾಜ್ಯವನ್ನು ಬೇರ್ಪಡಿಸುವುದು, ಈ ಉದ್ದೇಶಕ್ಕಾಗಿ ವಿವಿಧ ತೊಟ್ಟಿಗಳ ಬಳಕೆ ಮತ್ತು ಆಹಾರ ತ್ಯಾಜ್ಯವನ್ನು ಗೊಬ್ಬರವಾಗಿ ಪರಿವರ್ತಿಸುವುದರೊಂದಿಗೆ ವ್ಯವಹರಿಸುತ್ತದೆ.

            ಪ್ಲಾಸ್ಟಿಕ್ ತ್ಯಾಜ್ಯವನ್ನು ಎಸೆಯಬೇಡಿ ಅಥವಾ ಸುಡದಂತೆ ಮಕ್ಕಳಿಗೆ ಪಾಠವು ನೆನಪಿಸುತ್ತದೆ. ಸಮಾಜದಲ್ಲಿ ಸರಿಯಾದ ತ್ಯಾಜ್ಯ ನಿರ್ವಹಣೆಯ ಸಂಸ್ಕøತಿಯನ್ನು ಬೆಳೆಸುವಲ್ಲಿ ಮಕ್ಕಳನ್ನು ತೊಡಗಿಸಿಕೊಳ್ಳಲು ಮತ್ತು ಮುಂದಿನ ಪೀಳಿಗೆಯಲ್ಲಿ ತ್ಯಾಜ್ಯ ನಿರ್ವಹಣೆಯ ಸಂಸ್ಕೃತಿಯನ್ನು ಬೆಳೆಸಲು ಸಾಧ್ಯವಾಗುವ ರೀತಿಯಲ್ಲಿ ಪಾಠವನ್ನು ರಚಿಸಲಾಗಿದೆ.