ಕೊಲ್ಲಂ: ಕೊಟ್ಟಾರಕ್ಕರ ತಾಲೂಕು ಆಸ್ಪತ್ರೆಯ ಹೌಸ್ ಸರ್ಜನ್ ಕೊಟ್ಟಾಯಂ ಮುಟ್ಟುಚಿರ ನಂಬಿಚಿರಕಲೈಲ್ ಡಾ. ವಂದನಾ ದಾಸ್ ಹತ್ಯೆ ಪ್ರಕರಣದ ಆರೋಪಿ, ಕೊಲ್ಲಂ ಹೆಚ್ಚುವರಿ ಸೆಷನ್ಸ್ ನ್ಯಾಯಾಧೀಶ ಪಿ.ಎನ್. ವಿನೋದ್ ಅವರ ಮುಂದೆ ಹಾಜರುಪಡಿಸಲಾಯಿತು. ಆದರೆ, ಆರೋಪಿಯ ಬಿಡುಗಡೆ ಅರ್ಜಿಯನ್ನು ತಿರಸ್ಕರಿಸಿದ ಆದೇಶದ ವಿರುದ್ಧ ಆರೋಪಿಯು ಹೈಕೋರ್ಟ್ಗೆ ಮೊರೆ ಹೋಗಿರುವ ಹಿನ್ನೆಲೆಯಲ್ಲಿ ನ್ಯಾಯಾಲಯವು ಆರೋಪಿಯ ವಿಚಾರಣೆಯನ್ನು ಮುಂದೂಡಿ ಆರೋಪಿ ಮೇಲಿನ ಆರೋಪ ಪಟ್ಟಿಯ ವಾಚನಗೋಷ್ಠಿಯನ್ನು ಮುಂದೂಡಿತು.
ಆದರೆ ಯಾವುದೇ ಸಮಯದಲ್ಲಿ ಪ್ರಕರಣದ ವಿಚಾರಣೆಯನ್ನು ಪ್ರಾರಂಭಿಸಲು ಪ್ರಾಸಿಕ್ಯೂಷನ್ ಸಿದ್ಧವಿದ್ದು, ತಡೆಯಾಜ್ಞೆ ಇಲ್ಲದ ಪರಿಸ್ಥಿತಿಯಲ್ಲಿ ಆರೋಪಿಗಳ ವಿರುದ್ಧದ ಆರೋಪಪಟ್ಟಿ ಓದುವುದು ಸೇರಿದಂತೆ ವಿಚಾರಣೆಯಲ್ಲಿ ವಿಳಂಬ ಮಾಡಬಾರದು ಎಂದು ನ್ಯಾಯಾಲಯಕ್ಕೆ ಮನವಿ ಮಾಡಿದರು. ನಂತರ ಜೂನ್ ೧೪ ರಂದು ಆರೋಪಿಗೆ ಖುದ್ದು ಹಾಜರಾಗುವಂತೆ ನ್ಯಾಯಾಲಯ ಆದೇಶಿಸಿದೆ.
ಆರೋಪಿ ವಿರುದ್ಧದ ಕೊಲೆ, ಕೊಲೆ ಯತ್ನ, ಅಧಿಕೃತ ಕರ್ತವ್ಯಗಳಿಗೆ ಅಡ್ಡಿ ಸೇರಿದಂತೆ ಪ್ರಾಸಿಕ್ಯೂಷನ್ ಆರೋಪಿಸಿರುವ ಎಲ್ಲಾ ಆರೋಪಗಳು ಸಾದುವಾಗುತ್ತದೆ ಎಂದು ನ್ಯಾಯಾಲಯ ಹೇಳಿದೆ. ವಂದನಾದಾಸ್ ಅವರನ್ನು ಮೇ ೧೦, ೨೦೨೩ ರಂದು ಹತ್ಯೆಗೈಯ್ಯಲಾಗಿತ್ತು. ಪ್ರಕರಣದ ಪ್ರಾಸಿಕ್ಯೂಷನ್ ಪರವಾಗಿ ವಿಶೇಷ ಅಭಿಯೋಜಕ ಅಡ್ವ ಪ್ರತಾಪ್ ಜಿ. ಪಾಟಿಕಲ್ ಅವರೊಂದಿಗೆ ವಕೀಲರಾದ ಶ್ರೀದೇವಿ ಪ್ರತಾಪ್, ಶಿಲ್ಪಾ ಶಿವನ್ ಮತ್ತು ಹರೀಶ್ ಕಟ್ಟೂರು ಉಪಸ್ಥಿತರಿದ್ದರು.
ಇದೇ ವೇಳೆ, ಡಾ. ವಂದನಾ ದಾಸ್ ಹತ್ಯೆ ಪ್ರಕರಣದ ಆರೋಪಿ ಸಂದೀಪ್. ಪತ್ರಕರ್ತರ ಪ್ರಶ್ನೆಗಳಿಗೆ ಉತ್ತರಿಸಿ ತಪ್ಪೊಪ್ಪಿಕೊಂಡನು. ಚಾರ್ಜ್ ಶೀಟ್ ಓದಲು ಆರೋಪಿಯನ್ನು ನಿನ್ನೆ ಕೊಲ್ಲಂಗೆ ಕರೆತರಲಾಗಿತ್ತು. ಸೆಷನ್ಸ್ ನ್ಯಾಯಾಧೀಶ ಪಿ.ಎನ್. ವಿನೋದ್ ಅವರ ಮುಂದೆ ಹಾಜರುಪಡಿಸಲಾಗಿತ್ತು.
ವಂದನಾ ಕುಟುಂಬಕ್ಕೆ ಕ್ಷಮೆ ಕೇಳುತ್ತೀರಾ ಎಂದು ಸುದ್ದಿಗಾರರು ಕೇಳಿದ ಪ್ರಶ್ನೆಗೆ ಸಂದೀಪ್ ಮೌನವಾದರು. ಘಟನೆ ನಡೆದು ಒಂದು ವರ್ಷದ ನಂತರ ಸಂದೀಪ್‌ನಿAದ ಇಂತಹ ಪ್ರತಿಕ್ರಿಯೆ ಬಂದಿರುವುದು ಇದೇ ಮೊದಲು.
DOCTYPE html>
.jpg)
