ಕೊಚ್ಚಿ: ಕೇರಳದ ಖ್ಯಾತ ದೃಶ್ಯ ಮಾಧ್ಯಮ ಪತ್ರಕರ್ತ ಹಾಗೂ ರಿಪೋರ್ಟರ್ ಟಿವಿಯ ಪ್ರಧಾನ ಸಂಪಾದಕ ಎಂವಿ ನಿಕೇಶ್ ಕುಮಾರ್ ರಾಜಕೀಯ ಪ್ರವೇಶಿಸುತ್ತಿದ್ದಾರೆ.
ಅವರು ರಿಪೋರ್ಟರ್ ಟಿವಿಯಲ್ಲಿ ತಮ್ಮ ಸಂಪಾದಕೀಯ ಹುದ್ದೆಗೆ ರಾಜೀನಾಮೆ ನೀಡಿದ್ದಾರೆ. ಪತ್ರಿಕೋದ್ಯಮದಲ್ಲಿ 28 ವರ್ಷಗಳ ವೃತ್ತಿಜೀವನವನ್ನು ಕೊನೆಗೊಳಿಸಿದರು. ಸಿಪಿಎಂ ಸದಸ್ಯನಾಗಿ ಸಾರ್ವಜನಿಕ ರಂಗದಲ್ಲಿ ಕ್ರಿಯಾಶೀಲನಾಗುತ್ತೇನೆ ಎಂದು ಘೋಷಿಸಿರುವರು. 2016ರಲ್ಲಿ ಕಣ್ಣೂರು ಅಝಿಕ್ನಿಂದ ಎಲ್ಡಿಎಫ್ ಅಭ್ಯರ್ಥಿಯಾಗಿ ಸ್ಪರ್ಧಿಸಿ ಮುಸ್ಲಿಂ ಲೀಗ್ ಅಭ್ಯರ್ಥಿ ಕೆಎಂ ಶಾಜಿ ವಿರುದ್ಧ ಸೋತಿದ್ದರು. ಏಷ್ಯಾನೆಟ್ ನ್ಯೂಸ್ನಿಂದ ಮಾಧ್ಯಮ ಕೆಲಸ ಪ್ರಾರಂಭಿಸಿದ್ದರು.
2003 ರಲ್ಲಿ ಇಂಡಿಯಾವಿಷನ್ ಪ್ರಾರಂಭವಾದಾಗ, ಅವರು ಕಾರ್ಯನಿರ್ವಾಹಕ ಸಂಪಾದಕರಾಗಿ ಅಧಿಕಾರ ವಹಿಸಿಕೊಂಡರು. ಬಳಿಕ 2011ರಲ್ಲಿ ರಿಪೋರ್ಟರ್ ಟಿವಿ ಗೆ ಸೇರಿಕೊಂಡರು. ರಾಮನಾಥ್ ಗೋಯೆಂಕಾ ಪ್ರಶಸ್ತಿ ಸೇರಿದಂತೆ ಹಲವು ಪ್ರಶಸ್ತಿಗಳನ್ನು ಪಡೆದಿದ್ದಾರೆ. ಎಂವಿ ನಿಕೇಶ್ ಕುಮಾರ್ ಅವರು ಮೇ 28, 1973 ರಂದು ಕಮ್ಯುನಿಸ್ಟ್ ನಾಯಕ ಮತ್ತು ಮಾಜಿ ಸಚಿವ ಎಂವಿ ರಾಘವನ್ ಮತ್ತು ಸಿವಿ ಜಾನಕಿ ದಂಪತಿಯ ಮಗನಾಗಿ ಜನಿಸಿದರು.
2003 ರಲ್ಲಿ, ಕೇರಳದ ಮೊದಲ ಪೂರ್ಣ ಸಮಯದ ಸುದ್ದಿ ವಾಹಿನಿಯಾಗಿ ಇಂಡಿಯಾವಿಷನ್ ಅನ್ನು ಪ್ರಾರಂಭಿಸಿದಾಗ ಅವರು ಕಾರ್ಯನಿರ್ವಾಹಕ ಸಂಪಾದಕರಾಗಿ ಕೆಲಸ ಮಾಡಿದ್ದರು.