ನವದೆಹಲಿ: ಕೇಂದ್ರ ಗೃಹ ಸಚಿವಾಲಯವು ಕೊಲ್ಲಂ ಬಂದರನ್ನು ಅಧಿಕೃತ ಅನುವಾಸಿ ಚೆಕ್ ಪೋಸ್ಟ್ (ಐಸಿಪಿ) ಎಂದು ಅನುಮೋದಿಸಿದೆ.
ಇನ್ನು ಮುಂದೆ ಎಲ್ಲಾ ವರ್ಗದ ಪ್ರಯಾಣಿಕರು ಅನುಮೋದಿತ ಗುರುತಿನ ದಾಖಲೆಗಳ ಪ್ರಸ್ತುತಿಯ ಮೇಲೆ ಕೊಲ್ಲಂ ಬಂದರಿನ ಮೂಲಕ ದೇಶದ ಒಳಗೆ ಮತ್ತು ಹೊರಗೆ ಪ್ರಯಾಣಿಸಲು ಸಾಧ್ಯವಿದೆ. ತಿರುವನಂತಪುರಂನಲ್ಲಿರುವ ವಿದೇಶಿಯರ ಪ್ರಾದೇಶಿಕ ನೋಂದಣಿ ಅಧಿಕಾರಿಯನ್ನು ‘ಸಿವಿಲ್ ಅಥಾರಿಟಿ’ ಆಗಿ ನೇಮಿಸಿ ಕೇಂದ್ರ ಸರ್ಕಾರ ವಿಶೇಷ ಆದೇಶ ಹೊರಡಿಸಿದೆ.
ಕಾರ್ಯವಿಧಾನವು ಪಾಸ್ ಪೋರ್ಟ್ ಕಾಯಿದೆ, 1950 ರ ನಿಯಮ 3 (ಬಿ) ಅಡಿಯಲ್ಲಿ ಇರಲಿದೆ. ಜೂನ್ 18 ರಿಂದ ಅಧಿಸೂಚನೆ ಜಾರಿಗೆ ಬಂದಿದೆ. ವಿದೇಶಿ ಹಡಗುಗಳ ಆಗಮನಕ್ಕೆ ವಿದೇಶಿಯರ ಪ್ರಾದೇಶಿಕ ನೋಂದಣಿ ಕಚೇರಿ (ಎಫ್.ಆರ್.ಆರ್.ಒ) ಅನುಮತಿ ನೀಡಬೇಕು. ವಲಸೆ ಚೆಕ್ ಪೋಸ್ಟ್ ಅನ್ನು ಅನುಮತಿಸುವುದರೊಂದಿಗೆ, ಕೊಲ್ಲಂ ಅಂತಾರಾಷ್ಟ್ರೀಯ ಹಡಗುಗಳು ತಲುಪಬಹುದಾದ ಸಂಪೂರ್ಣ ಬಂದರಾಗಿದೆ. ಕ್ರೂಸ್ ಹಡಗುಗಳು ಮತ್ತು ಪ್ರವಾಸಿ ಹಡಗುಗಳು ಬಂದರಿನಲ್ಲಿ ಲಂಗರು ಹಾಕಬಹುದು.
ಕೇಂದ್ರ ಸರ್ಕಾರದ ಅನುಮೋದನೆಯೊಂದಿಗೆ, ಕೊಲ್ಲಂ ಅಂತರರಾಷ್ಟ್ರೀಯ ಹಡಗು ಸಾಗಣೆಯಲ್ಲಿ ಪ್ರಮುಖ ಸ್ಥಳವಾಗಲಿದೆ. ಮಧ್ಯಮ ಗಾತ್ರದ ಬಂದರಿಗೆ ಬೇಕಾದ ಎಲ್ಲಾ ಮೂಲ ಸೌಕರ್ಯಗಳನ್ನು ಹೊಂದಿದೆ. ಇದು ಸರಕು ಹಡಗುಗಳು ಮತ್ತು ಪ್ರಯಾಣಿಕ ಹಡಗುಗಳಿಗೆ ಎರಡು ವಾರ್ಫ್ಗಳನ್ನು ಹೊಂದಿದೆ.
ಭಾರತದಲ್ಲಿ 31 ಸೀಪೋರ್ಟ್ ಇಮಿಗ್ರೇಷನ್ ಚೆಕ್ ಪೋಸ್ಟ್ಗಳಿವೆ ಎಂದು ಕೇಂದ್ರ ಗೃಹ ಸಚಿವಾಲಯ ಈ ಹಿಂದೆ ಸಂಸದೀಯ ಸಮಿತಿಗೆ ತಿಳಿಸಿತ್ತು. ಇವುಗಳಲ್ಲಿ ಹತ್ತು ಗೃಹ ವ್ಯವಹಾರಗಳ ಸಚಿವಾಲಯದ ಅಡಿಯಲ್ಲಿ ಬ್ಯೂರೋ ಆಫ್ ಇಮಿಗ್ರೇಷನ್ ಅಡಿಯಲ್ಲಿ ಕೆಲಸ ಮಾಡುತ್ತವೆ. ಮಿಕ್ಕುಳಿದವು ರಾಜ್ಯ ಪೋಲೀಸ್ ಏಜೆನ್ಸಿಗಳ ಅಡಿಯಲ್ಲಿ ಕಾರ್ಯನಿರ್ವಹಿಸುತ್ತವೆ.
ಕಳೆದ ವರ್ಷ ಜೂನ್ನಲ್ಲಿ ಕೊಲ್ಲಂ ಬಂದರು ಇಂಟರ್ನ್ಯಾಶನಲ್ ಮ್ಯಾರಿಟೈಮ್ ಆರ್ಗನೈಸೇಶನ್ನಿಂದ ಐಎಸ್ಪಿಎಸ್ ಅನುಮೋದನೆಯನ್ನು ಪಡೆದುಕೊಂಡಿದೆ. ಇದರೊಂದಿಗೆ, ಅನಿವಾಸಿ ಚೆಕ್ ಪೋಸ್ಟ್ ಅನುಮೋದನೆಗೆ ಬಾಗಿಲು ತೆರೆದುಕೊಂಡಿತು.