ಕೊಚ್ಚಿ: ಜೂನ್ 3 ರಂದು ಹೊಸ ಶೈಕ್ಷಣಿಕ ವರ್ಷವನ್ನು ಸರ್ಕಾರದ ಮಟ್ಟದಲ್ಲಿ ಸಂಭ್ರಮದಿಂದ ಸ್ವಾಗತಿಸಲಾಯಿತು.
ಆದರೆ ಶಿಕ್ಷಣ ಕ್ಷೇತ್ರದಲ್ಲಿ ಹಲವು ಸಮಸ್ಯೆಗಳು ಇನ್ನೂ ಮುಂದುವರಿದಿವೆ. ಪಠ್ಯಪುಸ್ತಕ ವಿತರಣೆ ಇನ್ನೂ ಪೂರ್ಣಗೊಳ್ಳದೆ ಹಲವೆಡೆ ಅರ್ಧಕ್ಕೆ ನಿಂತಿದೆ. ಇದರೊಂದಿಗೆ ಸಮವಸ್ತ್ರ ವಿತರಣೆಯು ಪರಿಣಾಮಕಾರಿಯಾಗಿ ಪೂರ್ಣಗೊಂಡಿಲ್ಲ. 2016ರ ನಂತರ ಮಧ್ಯಾಹ್ನದ ಊಟದ ಪ್ರಮಾಣವನ್ನು ಹೆಚ್ಚಿಸುವ ಬಗ್ಗೆ ಯಾವುದೇ ನಿರ್ಧಾರವಾಗಿಲ್ಲ ಮತ್ತು ಅದರ ಹಣವನ್ನು ಸರಿಯಾಗಿ ವಿತರಿಸಲಾಗಿಲ್ಲ.
ಸುಮಾರು 4000 ಪ್ರಾಥಮಿಕ ಶಿಕ್ಷಕರ ಹುದ್ದೆಗಳು ಖಾಲಿ ಇವೆ. ಇದರೊಂದಿಗೆ ಸಾವಿರಾರು ಶಿಕ್ಷಕರ ನೇಮಕಾತಿಗೆ ಸರ್ಕಾರ ಇನ್ನೂ ಅನುಮೋದನೆ ನೀಡಿಲ್ಲ. ಶೈಕ್ಷಣಿಕ ಕಚೇರಿಗಳಲ್ಲಿ ಖಾಲಿ ಹುದ್ದೆಗಳ ಕೊರತೆಯಿಂದಾಗಿ ದೈನಂದಿನ ಚಟುವಟಿಕೆಗಳು ಸಹ ಅಸ್ತವ್ಯಸ್ತವಾಗಿವೆ. ಎಲ್‍ಎಸ್‍ಎಸ್ ಮತ್ತು ಯುಎಸ್‍ಎಸ್ ವಿದ್ಯಾರ್ಥಿವೇತನ ವಿತರಣೆಯೂ ಹಲವು ವರ್ಷಗಳಿಂದ ನಡೆದಿಲ್ಲ.
ಇದರೊಂದಿಗೆ ಶೇ.21ರಷ್ಟು ಶಿಕ್ಷಕರ ಡಿಎ ಇನ್ನೂ ಪಾವತಿಯಾಗಿಲ್ಲ. ಇದು 39 ತಿಂಗಳಿಂದ ಸ್ಥಗಿತಗೊಂಡಿದೆ. ಕಾಲೇಜು ಶಿಕ್ಷಕರಿಗೆ ಡಿಎ ನೀಡುತ್ತಿದ್ದರೂ ಪಬ್ಲಿಕ್ ಶಾಲೆಯ ಶಿಕ್ಷಕರನ್ನು ನಿರ್ಲಕ್ಷಿಸಲಾಗುತ್ತಿದೆ ಎಂಬ ದೂರು ಕೂಡ ಇದೆ. ಇದಲ್ಲದೇ ಜೀವಾನಂದಂ ಯೋಜನೆ ಹೆಸರಿನಲ್ಲಿ ಪ್ರತಿ ತಿಂಗಳು ಶಿಕ್ಷಕರ ವೇತನದ ಶೇ.25ರಷ್ಟು ಹಣವನ್ನು ಸರ್ಕಾರ ತೆಗೆದುಕೊಳ್ಳಲಿದೆ. ಈ ನಡುವೆ ಶಾಲಾ ದಿನವನ್ನು ವಿಸ್ತರಿಸಲಾಗಿದ್ದು, ಮಕ್ಕಳು ಹಾಗೂ ಶಿಕ್ಷಕರಿಗೆ ಹೊರೆಯಾಗುತ್ತಿದೆ. ಶಿಕ್ಷಕರಿಗೆ ತರಗತಿಗಳಿಗೆ ಮುಂಗಡ ಟಿಪ್ಪಣಿಗಳನ್ನು ತಯಾರಿಸಲು ಸವಾಲುಗಳಾಗಲಿವೆ.
ಇದು ಸಮಯದ ಅಭಾವಕ್ಕೆ ಕಾರಣವಾಗುತ್ತದೆ. ಶೈಕ್ಷಣಿಕ ಚಟುವಟಿಕೆಗಳೊಂದಿಗೆ ಶೈಕ್ಷಣಿಕೇತರ ಚಟುವಟಿಕೆಗಳು ನಡೆಯಬೇಕು. ಸÀರ್ಕಾರದ ನಿರ್ಧಾರದಿಂದ ಮಕ್ಕಳು ಬೇರೆ ಚಟುವಟುಕೆಗಳಿಗೆ ತೊಡಗಿಸಿಕೊಳ್ಳುವಂತೆಯೂ ಇಲ್ಲ. ಕಳೆದ ವರ್ಷ ಸಾರ್ವಜನಿಕ ಶಿಕ್ಷಣ ಕ್ಷೇತ್ರವೊಂದರಲ್ಲೇ 94,000ಕ್ಕೂ ಹೆಚ್ಚು ಮಕ್ಕಳ ಕೊರತೆ ಇತ್ತು. ಹೀಗೇ ಮುಂದುವರಿದರೆ ಮಕ್ಕಳ ಸಂಖ್ಯೆ ಇನ್ನಷ್ಟು ಕಡಮೆಯಾಗಬಹುದೆಂಬ ಭಯ ಶಿಕ್ಷಕರಲ್ಲೂ ಇದೆ.
ಮೌಲ್ಯಮಾಪನಕ್ಕೂ ಹಣವಿಲ್ಲ:
ಎಸ್‍ಎಸ್‍ಎಲ್‍ಸಿ ಮತ್ತು ಹೈಯರ್‍ಸೆಕೆಂಡರಿ ಪರೀಕ್ಷೆ ಪತ್ರಿಕೆಗಳ ಮೌಲ್ಯಮಾಪನ ನಡೆದು ಒಂದು ತಿಂಗಳು ಕಳೆದರೂ ಶಿಕ್ಷಕರಿಗೆ ವೇತನ ಪಾವತಿಯಾಗಿಲ್ಲ. 40 ಅಂಕಗಳ ಪತ್ರಿಕೆಗೆ 6 ರೂ.ನೀಡಬೇಕು. ಇದರೊಂದಿಗೆ, ಟಿಎ ಸೇರಿದಂತೆ ಇತರ ಪ್ರಯೋಜನಗಳಿವೆ. ಒಟ್ಟಿನಲ್ಲಿ ಒಬ್ಬ ಶಿಕ್ಷಕರಿಗೆ ಸರಾಸರಿ 10,000 ರಿಂದ 15,000 ರೂ.ನೀಡಲು ಬಾಕಿಯಿದೆ.
2022 ರಲ್ಲಿ ನಡೆದ ಹೈಯರ್ ಸೆಕೆಂಡರಿ ಪರೀಕ್ಷೆಯ ಮೌಲ್ಯಮಾಪನ ಶುಲ್ಕವನ್ನು ಇನ್ನೂ ಹಸ್ತಾಂತರಿಸಲಾಗಿಲ್ಲ. ಎಸ್‍ಎಸ್‍ಎಲ್‍ಸಿಯ ಅರ್ಧದಷ್ಟು ಮಾತ್ರ ಪಾವತಿಸಲಾಗಿದೆ. ಇದರೊಂದಿಗೆ ಪಠ್ಯಪುಸ್ತಕಗಳಲ್ಲಿ ಬದಲಾವಣೆ ಆಗಿದ್ದರಿಂದ ಶಿಕ್ಷಕರ ಕ್ಲಸ್ಟರ್ ರಚಿಸಿ ರಜೆ ತರಬೇತಿ ನೀಡಲಾಗಿದೆ. ಭಾಗವಹಿಸುವವರಿಗೆ ಮೂಲ ಅಗತ್ಯ ಅಥವಾ ಉಪಾಹಾರವನ್ನು ನೀಡಲಾಗಿಲ್ಲ ಮತ್ತು ಹಣವನ್ನು ಸಹ ಒದಗಿಸಲಾಗಿಲ್ಲ.
DOCTYPE html>
