ತಿರುವನಂತಪುರಂ: ವಿಝಿಂಜಂ ಅಂತರಾಷ್ಟ್ರೀಯ ಬಂದರಿನ ಪ್ರಾಯೋಗಿಕ ಸಂಚಾರ ಇದೇ ತಿಂಗಳು ಆರಂಭವಾಗಲಿದ್ದು, ಡಿಸೆಂಬರ್ ವೇಳೆಗೆ ವಾಣಿಜ್ಯ ಉದ್ದೇಶಗಳಿಗಾಗಿ ಕಾರ್ಯಾಚರಣೆ ಆರಂಭಿಸಲು ಯೋಜಿಸಲಾಗಿದೆ ಎಂದು ಬಂದರು ಸಚಿವ ವಿ.ಎನ್. ವಾಸವನ್ ವಿಧಾನಸಭೆಗೆ ತಿಳಿಸಿದರು.
ಯೋಜನೆಯ ಶೇ.88 ಪೂರ್ಣಗೊಂಡಿದೆ.ಡ್ರೆಜ್ಜಿಂಗ್ ಕಾಮಗಾರಿ ಶೇ.98, ಬ್ರೇಕ್ ವಾಟರ್ ನಿರ್ಮಾಣದ ಶೇ.81, ಬರ್ತ್ ನಿರ್ಮಾಣದ ಶೇ.92 ಪೂರ್ಣಗೊಂಡಿದೆ. ಕ್ರೇನ್‍ಗಳು ಮತ್ತು ಟಗ್‍ಗಳು ಅಗತ್ಯವಿರುವ ಹೆಚ್ಚಿನ ಯೋಜನಾ ಉಪಕರಣಗಳನ್ನು ಬಂದರಿಗೆ ತರಲಾಗಿದೆ. ಕಂಟೈನರ್ ಯಾರ್ಡ್‍ನ ಶೇ.74 ರಷ್ಟು ಕಾಮಗಾರಿ ಪೂರ್ಣಗೊಂಡಿದ್ದು, ಉಳಿದ ಕಟ್ಟಡಗಳು ಅಂತಿಮ ಹಂತದಲ್ಲಿವೆ ಎಂದು ಸಚಿವರು ತಿಳಿಸಿದರು.
ಮೊದಲ ಹಂತದ ಬಂದರು ಸಂಪೂರ್ಣ ಕಾರ್ಯಾರಂಭಗೊಂಡರೆ 600 ಮಂದಿಗೆ ನೇರ ಉದ್ಯೋಗ ದೊರೆಯಲಿದೆ. ಮುಂದಿನ ಎರಡು ಹಂತಗಳು ಪೂರ್ಣಗೊಂಡರೆ ಇನ್ನೂ 700 ಮಂದಿಗೆ ನೇರವಾಗಿ ಉದ್ಯೋಗ ದೊರೆಯಬಹುದು ಎಂದು ಅಂದಾಜಿಸಲಾಗಿದೆ. ಮುಂದಿನ ಹಂತದ ನಿರ್ಮಾಣದಲ್ಲಿ 2300 ಜನರಿಗೆ ಉದ್ಯೋಗಾವಕಾಶ ಸಿಗಲಿದೆ. ಇದರ ಮೂರು ಪಟ್ಟು ಪರೋಕ್ಷವಾಗಿ ಉದ್ಯೋಗ ಸಿಗಲಿದೆ ಎಂದು ಸಚಿವರು ವಿಧಾನಸಭೆಗೆ ತಿಳಿಸಿದರು.
ಭೂಸ್ವಾಧೀನ ಪೂರ್ಣಗೊಂಡ ನಂತರ ಸರಕು ಸಾಗಣೆಗಾಗಿ ಬಂದರಿಗೆ ರೈಲು ಮಾರ್ಗದ ನಿರ್ಮಾಣ ಶೀಘ್ರದಲ್ಲೇ ಪ್ರಾರಂಭವಾಗಲಿದೆ. ಸರ್ಕಾರೇತರ ರೈಲ್ವೆÉ್ರನ್.ಜಿ.ಆರ್.) ಮಾದರಿಯಲ್ಲಿ ಇದನ್ನು ಜಾರಿಗೆ ತರಲು ದಕ್ಷಿಣ ರೈಲ್ವೆಯೊಂದಿಗೆ ಒಪ್ಪಂದಕ್ಕೆ ಸಹಿ ಹಾಕಲಾಗಿದೆ.
ರೈಲ್ವೆಗೆ ಅಗತ್ಯವಿರುವ 5.53 ಹೆಕ್ಟೇರ್ ಭೂಸ್ವಾಧೀನ ಪ್ರಗತಿಯಲ್ಲಿದೆ. 42 ತಿಂಗಳಲ್ಲಿ ಪೂರ್ಣಗೊಳ್ಳುವ ನಿರೀಕ್ಷೆ ಇದೆ. ಒಪ್ಪಂದದ ಪ್ರಕಾರ, ಅಂತರರಾಷ್ಟ್ರೀಯ ಬಂದರನ್ನು ರಾಷ್ಟ್ರೀಯ ರೈಲು ಜಾಲದೊಂದಿಗೆ ಸಂಪರ್ಕಿಸುವ ರೈಲು ಮಾರ್ಗವನ್ನು ಹಾಕುವ ಜವಾಬ್ದಾರಿ ರಾಜ್ಯ ಸರ್ಕಾರದ್ದಾಗಿದೆ.
ಕೊಂಕಣ ರೈಲು ನಿಗಮ ನಿರ್ಮಾಣದ ಹೊಣೆ ಹೊತ್ತಿದೆ. ಅವರು ಸಿದ್ಧಪಡಿಸಿದ ಡಿಪಿಆರ್ ಪ್ರಕಾರ 10.7 ಕಿ.ಮೀ. ಉದ್ದದ ರೈಲುಮಾರ್ಗದ ಅಗತ್ಯವಿದೆ. 1060 ಕೋಟಿ ವೆಚ್ಚವಾಗುವ ನಿರೀಕ್ಷೆ ಇದೆ. ಇದನ್ನು ದಕ್ಷಿಣ ರೈಲ್ವೆ ಅನುಮೋದಿಸಿದೆ.
ಬಲರಾಮಪುರಂ ರೈಲು ನಿಲ್ದಾಣದಿಂದ ಬಂದರನ್ನು ಸಂಪರ್ಕಿಸುವ 9.02 ಕಿಮೀ ರಸ್ತೆಯು ಸುರಂಗದ ಮೂಲಕ ಹಾದುಹೋಗುತ್ತದೆ. ಬಹುತೇಕ ಸುರಂಗವನ್ನು ಲೋಕೋಪಯೋಗಿ ರಸ್ತೆಯ ಅಡಿಯಲ್ಲಿ ವಿನ್ಯಾಸಗೊಳಿಸಲಾಗಿದೆ ಎಂದು ಸಚಿವರು ಹೇಳಿದರು.
DOCTYPE html>
