ತ್ರಿಶೂರ್: ತ್ರಿಶೂರ್‍ನಲ್ಲಿ ಕಾಂಗ್ರೆಸ್ ಮುಖಂಡ ಹಾಗೂ ಮಾಜಿ ಸಂಸದ ಟಿಎನ್ ಪ್ರತಾಪ್ ವಿರುದ್ಧ ಪೋಸ್ಟರ್ ಪ್ರತ್ಯಕ್ಷವಾಗಿದೆ. ತ್ರಿಶೂರ್ ಡಿಸಿಸಿ ಕಚೇರಿ ಎದುರು ಹಾಗೂ ಪ್ರೆಸ್‍ಕ್ಲಬ್ ರಸ್ತೆಯಲ್ಲಿ ಪೋಸ್ಟರ್ ಅಂಟಿಸಲಾಗಿದೆ.
ಚುನಾವಣಾ ಸೋಲಿನ ತನಿಖೆಗಾಗಿ ತ್ರಿಸದಸ್ಯ ಸಮಿತಿಯು ಸಾಕ್ಷ್ಯ ಸಂಗ್ರಹಿಸಲು ಮುಂದಾದಾಗ ಪೋಸ್ಟರ್ ಕಾಣಿಸಿಕೊಂಡಿದೆ.
ಲೋಕಸಭಾ ಚುನಾವಣೆಯಲ್ಲಿ ಪರಾಭವಗೊಂಡಿರುವ ಟಿ.ಎನ್.ಪ್ರತಾಪನ್ ವಿರುದ್ಧ ಪಕ್ಷ ಶಿಸ್ತು ಕ್ರಮ ಕೈಗೊಳ್ಳಬೇಕು ಹಾಗೂ ಪ್ರತಾಪನ್ ಕಾಂಗ್ರೆಸ್ ಗೆ ಶಾಪ ಎಂದು ಪೋಸ್ಟರ್ ನಲ್ಲಿ ಬರೆಯಲಾಗಿದೆ. ಪೋಸ್ಟರ್ ನಲ್ಲಿ ಮಣಲೂರು ಕಂಡ್ ಪನಿಕ್ಕಂಡ ಪ್ರತಾಪ(ಮಣಲೂರನ್ನು ನೋಡಿ ಜ್ವರ ಬಾರದಿರಲಿ) ಎಂದು ಬರೆಯಲಾಗಿದೆ. ಪೋಸ್ಟರ್‍ನಲ್ಲಿ ಆರ್‍ಎಸ್‍ಎಸ್ ಸಂಘಪರಿವಾರದ ಏಜೆಂಟ್ ಪ್ರತಾಪ್‍ನ ಪ್ರತ್ಯೇಕತೆಯ ಬಗ್ಗೆಯೂ ಉಲ್ಲೇಖಿಸಲಾಗಿದೆ.
ಈ ನಡುವೆ ಚುನಾವಣಾ ಸೋಲಿನ ತನಿಖೆ ನಡೆಸಲಿರುವ ಕೆಪಿಸಿಸಿ ಉಪಸಮಿತಿ ಸಾಕ್ಷಿ ಸಂಗ್ರಹಣೆ ಆರಂಭಿಸಿದೆ. ಕೆಸಿ ಜೋಸೆಫ್, ಆರ್ ಚಂದ್ರಶೇಖರನ್ ಮತ್ತು ಟಿ ಸಿದ್ದಿಕ್ ಅವರನ್ನೊಳಗೊಂಡ ತ್ರಿಸದಸ್ಯ ಸಮಿತಿ ಸಾಕ್ಷ್ಯ ಸಂಗ್ರಹಣೆ ನಡೆಸುತ್ತಿದೆ. ಎಲ್ಲ ಏಳು ವಿಧಾನಸಭಾ ಕ್ಷೇತ್ರಗಳ ಹಿರಿಯ ನಾಯಕರ ಜತೆ ತಂಡ ಸಭೆ ನಡೆಸುತ್ತಿದೆ.
ಚುನಾವಣಾ ಸೋಲಿನ ನಂತರ ಡಿಸಿಸಿ ಅಧ್ಯಕ್ಷ ಸ್ಥಾನಕ್ಕೆ ರಾಜೀನಾಮೆ ನೀಡಿರುವ ಜೋಸ್ ವಲ್ಲೂರ್ ಹಾಗೂ ಟಿ.ಎನ್.ಪ್ರತಾಪನ್ ಸಭೆಯಲ್ಲಿ ಪಾಲ್ಗೊಳ್ಳಲಿದ್ದಾರೆ ಎಂದು ವರದಿಯಾಗಿದೆ.
DOCTYPE html>
