ಮಲಬಾರ್ ನಲ್ಲಿ ರೈಲು ಪ್ರಯಾಣಿಕರಿಗೆ ಪರಿಹಾರ; ರೈಲ್ವೆಯಿಂದ ತಾತ್ಕಾಲಿಕ ವಿಶೇಷ ಸೇವೆ

                 ತಿರುವನಂತಪುರಂ: ಮಲಬಾರ್‍ನಲ್ಲಿ ರೈಲು ಪ್ರಯಾಣಿಕರಿಗೆ ತಾತ್ಕಾಲಿಕ ಪರಿಹಾರವಾಗಿ ರೈಲ್ವೇ ವಿಶೇಷ ರೈಲನ್ನು ಘೋಷಿಸಿದೆ.

                ಶೋರ್ನೂರಿನಿಂದ ಕಣ್ಣೂರಿಗೆ ಸೇವೆ ನಡೆಸಲು ವಿಶೇಷ ಎಕ್ಸ್‍ಪ್ರೆಸ್ ರೈಲು ಮಂಜೂರಾಗಿದೆ. ಪ್ರಸ್ತುತ ಜನದಟ್ಟಣೆ ಇರುವ ಕಾರಣ ವಿಶೇಷ ರೈಲು ಮಂಜೂರಾಗಿದೆ.

               ಜುಲೈ 2 ರಿಂದ 31 ರವರೆಗೆ ಶೋರ್ನೂರಿನಿಂದ ಕಣ್ಣೂರಿಗೆ ಮಂಗಳವಾರ, ಬುಧವಾರ, ಗುರುವಾರ ಮತ್ತು ಶುಕ್ರವಾರದಂದು ಸೇವೆಯನ್ನು ನಡೆಸಲಾಗುವುದು. ಜುಲೈ 3 ರಿಂದ ಆಗಸ್ಟ್ 1 ರವರೆಗೆ, ಸೇವೆಯು ಬುಧವಾರ, ಗುರುವಾರ, ಶುಕ್ರವಾರ ಮತ್ತು ಶನಿವಾರದಂದು ಕಾರ್ಯನಿರ್ವಹಿಸುತ್ತದೆ. ಶೊರ್ನೂರಿನಿಂದ ಮಧ್ಯಾಹ್ನ 3.40ಕ್ಕೆ ಹೊರಟು 5.30ಕ್ಕೆ ಕೋಝಿಕ್ಕೋಡ್ ತಲುಪಲಿದೆ. ಅಲ್ಲಿಂದ ರಾತ್ರಿ 7.40ರ ಸುಮಾರಿಗೆ ಕಣ್ಣೂರು ತಲುಪಲಿದೆ. ವೇಳಾಪಟ್ಟಿ ಹೇಗಿದೆಯೆಂದರೆ ಮರುದಿನ ಕಣ್ಣೂರಿನಿಂದ ಬೆಳಗ್ಗೆ 8.10ಕ್ಕೆ ಹೊರಟು 9.45ಕ್ಕೆ ಕೋಝಿಕ್ಕೋಡ್ ಮೂಲಕ ತೆರಳಿ ಮಧ್ಯಾಹ್ನ 12.30ಕ್ಕೆ ಶೋರ್ನೂರಿನಲ್ಲಿ ಸೇವೆ ಕೊನೆಗೊಳ್ಳುತ್ತದೆ.

            ವಿಶೇಷ ಸೇವೆಯು ಪ್ರಯಾಣಿಕರಿಗೆ ಸಹಾಯ ಮಾಡುತ್ತದೆ ಮತ್ತು ಸ್ವಲ್ಪ ಮಟ್ಟಿಗೆ ದಟ್ಟಣೆಯನ್ನು ಕಡಮೆ ಮಾಡುತ್ತದೆ ಎಂದು ರೈಲ್ವೆ ತಿಳಿಸಿದೆ.