LS polls | ಕೊನೆಯ ಹಂತದ ಮತದಾನದ ಬಳಿಕ ಧನ್ಯವಾದ ತಿಳಿಸಿದ ಚುನಾವಣಾ ಆಯೋಗ

          ನವದೆಹಲಿ :ಲೋಕಸಭಾ ಚುನಾವಣೆ ಸಂಬಂಧ ಒಟ್ಟು ಏಳು ಹಂತಗಳ ಮತದಾನ ಪಕ್ರಿಯೆಯು ಇಂದು (ಶನಿವಾರ) ಮುಕ್ತಾಯಗೊಂಡಿದೆ. ಚುನಾವಣಾ ಆಯೋಗವು ಮತದಾನ ನಡೆಯಲು ಸಹಕರಿಸಿದ ಎಲ್ಲರಿಗೂ ಧನ್ಯವಾದ ತಿಳಿಸಿದೆ.

          ಈ ಸಂಬಂಧ ಚುನಾವಣಾ ಆಯೋಗವು 'ಎಕ್ಸ್‌'ನಲ್ಲಿ ಪೋಸ್ಟ್‌ ಹಂಚಿಕೊಳ್ಳುವ ಮೂಲಕ ಮತದಾನಕ್ಕೆ ಸಹಕರಿಸಿದ ಮತದಾರರು, ಪೊಲೀಸರು, ಚುನಾವಣಾ ಸಿಬ್ಬಂದಿ, ರಾಜಕೀಯ ಪಕ್ಷದವರು ಮಾಧ್ಯಮದವರು ಸೇರಿದಂತೆ ಮತದಾನ ಪ್ರಕ್ರಿಯೆ ನಡೆಯಲು ಅನುವು ಮಾಡಿಕೊಟ್ಟ ಪ್ರತಿಯೊಬ್ಬರಿಗೂ ಧನ್ಯವಾದ ಹೇಳಿದೆ.

               ದೇಶದಲ್ಲಿ ಒಟ್ಟು 543 ಕ್ಷೇತ್ರಗಳಿಗೆ ಏಳು ಹಂತಗಳಲ್ಲಿ ಮತದಾನ ನಡೆದಿದ್ದು, ಜೂನ್‌ 4ರಂದು ಅಭ್ಯರ್ಥಿಗಳ ಭವಿಷ್ಯ ನಿರ್ಧಾರವಾಗಲಿದೆ.