ಮತ್ತೆ ಕಳವಳಕಾರಿಯಾದ ಎಚ್.1 ಎನ್1: ಎರ್ನಾಕುಳಂನಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದ ನಾಲ್ಕು ವರ್ಷದ ಬಾಲಕ ಮೃತ್ಯು

              ಕೊಚ್ಚಿ: ಎರ್ನಾಕುಳಂನಲ್ಲಿ ಎಚ್1ಎನ್1 ಬಾಧಿಸಿ  ಚಿಕಿತ್ಸೆ ಪಡೆಯುತ್ತಿದ್ದ ಮಗು ಸಾವನ್ನಪ್ಪಿದೆ. ಎರ್ನಾಕುಳಂ ಅಲಂಗಾಡ್ ಮೂಲದ ಲಿಯೋನ್ ಶಿಬು (4) ಮೃತ ವ್ಯಕ್ತಿ.

                  ಜ್ವರದಿಂದ ಬಳಲುತ್ತಿದ್ದ ಬಾಲಕ ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದ ನಿನ್ನೆ ನಡೆಸಿದ ಪರೀಕ್ಷೆಯಲ್ಲಿ ಹೆಚ್ 1 ಎನ್ 1 ಎಂದು ಪತ್ತೆಯಾಗಿತ್ತು. ಸಂಜೆ 4:00 ಗಂಟೆಗೆ ಮೃತ್ಯು ಸಂಭವಿಸಿದೆ. 

               ಮಲಪ್ಪುರಂನಲ್ಲಿಯೂ ಈ ಕಾಯಿಲೆಯಿಂದ ಒಬ್ಬರು ಸಾವನ್ನಪ್ಪಿದ್ದಾರೆ. ಪೆÇನ್ನಾನಿ ಮೂಲದ ಸೈಫುನೀಸಾ (47) ಮೃತರು. ಜ್ವರದಿಂದಾಗಿ ಕುನ್ನಂಕುಳಂನ ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾಗ ಸೈಫುನಿಸಾ ಮೃತಪಟ್ಟಿದ್ದಾರೆ.

              ಎಚ್ 1 ಎನ್ 1 ವಾಯುಗಾಮಿ ವೈರಸ್ ರೋಗ. ಸಾಮಾನ್ಯ ಜನರಲ್ಲಿ, ರೋಗಲಕ್ಷಣಗಳು ಒಂದರಿಂದ ಎರಡು ವಾರಗಳಲ್ಲಿ ಕಡಿಮೆಯಾಗುತ್ತವೆ, ಆದರೆ ಗರ್ಭಿಣಿಯರು, ಹೆರಿಗೆಯಾದ ಎರಡು ವಾರಗಳಲ್ಲಿ ತಾಯಂದಿರು, ಎರಡು ವರ್ಷದೊಳಗಿನ ಮಕ್ಕಳು, ವೃದ್ಧರು ಮತ್ತು ಇತರ ಗಂಭೀರ ಕಾಯಿಲೆಗಳಿಂದ ಬಳಲುತ್ತಿರುವವರು ಚಿಕಿತ್ಸೆ ನೀಡದಿದ್ದರೆ ಸಾವು ಖಚಿತ. ಹೆಚ್ಚಿನ ಪ್ರಕರಣಗಳು ವರದಿಯಾಗುವುದರಿಂದ ಜನರು ಜಾಗರೂಕರಾಗಿರಬೇಕು ಎಂದು ಆರೋಗ್ಯ ತಜ್ಞರು ಮಾಹಿತಿ ನೀಡಿದ್ದಾರೆ.

ರೋಗಲಕ್ಷಣಗಳು:

           ಜ್ವರ, ಮೈ-ಕೈ ನೋವು, ನೋಯುತ್ತಿರುವ ಗಂಟಲು, ಕೆಮ್ಮು, ಅತಿಸಾರ, ವಾಂತಿ, ಶೀತ ಮತ್ತು ಆಯಾಸ ಇವುಗಳ ಲಕ್ಷಣಗಳು. ಅಸ್ತಮಾ, ಮಧುಮೇಹ ಮತ್ತು ಹೃದ್ರೋಗ ಇರುವವರಿಗೆ ಈ ಕಾಯಿಲೆ ಬರುವ ಸಾಧ್ಯತೆ ಹೆಚ್ಚು.