ಮುಳುಗಿದ ತೈಲ ಟ್ಯಾಂಕರ್: 13 ಭಾರತೀಯರು ಸೇರಿ 16 ಸಿಬ್ಬಂದಿ ನಾಪತ್ತೆ

            ದುಬೈ/ ಮಸ್ಕತ್: ಒಮಾನ್‌ನ ಕರಾವಳಿ ಪ್ರದೇಶದಲ್ಲಿ ಮಗುಚಿಬಿದ್ದ ತೈಲ ಟ್ಯಾಂಕರ್‌ನಲ್ಲಿದ್ದ 13 ಭಾರತೀಯರು ಸೇರಿದಂತೆ ಒಟ್ಟಾರೆ 16 ಮಂದಿ ನಾಪತ್ತೆಯಾಗಿದ್ದಾರೆ.‌

          ಮುಳುಗಿರುವ ಟ್ಯಾಂಕರ್ ಪತ್ತೆ ಮತ್ತು ಅದರಲ್ಲಿದ್ದ ಸಿಬ್ಬಂದಿಯ ರಕ್ಷಣಾ ಕಾರ್ಯಾಚರಣೆಯನ್ನು ಮುಂದುವರಿಸಲಾಗಿದೆ ಎಂದು ಒಮನ್ ಕಡಲ ಭದ್ರತಾ ಕೇಂದ್ರ ತಿಳಿಸಿದೆ.

           'ಪ್ರೆಸ್ಟಿಜ್ ಫಾಲ್ಕೊನ್' ತೈಲ ಟ್ಯಾಂಕರ್‌ನಲ್ಲಿ 13 ಭಾರತೀಯರು, ಮೂವರು ಶ್ರೀಲಂಕಾ ಮೂಲದ ಸಿಬ್ಬಂದಿ ಇದ್ದರು ಸರ್ಕಾರ ತಿಳಿಸಿದೆ.

             ಈ ತೈಲ ತುಂಬಿದ ಟ್ಯಾಂಕರ್ ಹಡಗು ದುಬೈನ ಹಮ್ರಿಯಾ ಬಂದರು ಪ್ರದೇಶದಿಂದ ಏಡನ್‌ನ ಯೆಮೆನಿ ಬಂದರು ನಗರಕ್ಕೆ ತೆರಳುತ್ತಿತ್ತು ಎಂದು ತಿಳಿದುಬಂದಿದೆ.