ನವದೆಹಲಿ: ಕೇರಳದ ಮಲಪ್ಪುರಂನಲ್ಲಿ 14 ವರ್ಷದ ಬಾಲಕ ನಿಪಾ ಸೋಂಕಿನಿಂದ ಸಾವನ್ನಪ್ಪಿದ ಪ್ರಕರಣದಲ್ಲಿ ಕೇಂದ್ರ ಸರ್ಕಾರ ತಕ್ಷಣ ಮಧ್ಯಪ್ರವೇಶಿಸಿದೆ. ಕೂಡಲೇ ಸಾರ್ವಜನಿಕ ಆರೋಗ್ಯ ಕ್ರಮಗಳನ್ನು ಕೈಗೊಳ್ಳುವಂತೆ ರಾಜ್ಯಕ್ಕೆ ಕೇಂದ್ರ ಸೂಚಿಸಿದೆ.
ರೋಗ ಪರೀಕ್ಷೆ, ರೋಗ ಹರಡುವ ಸಾಧ್ಯತೆಯನ್ನು ಗುರುತಿಸುವುದು ಮತ್ತು ತಡೆಗಟ್ಟುವ ಕ್ರಮಗಳು ಸೇರಿದಂತೆ ವಿಷಯಗಳಲ್ಲಿ ರಾಜ್ಯಕ್ಕೆ ಅಗತ್ಯ ಸಲಹೆ, ಬೆಂಬಲ ಮತ್ತು ತಾಂತ್ರಿಕ ನೆರವು ನೀಡಲು ಕೇಂದ್ರ ತಂಡವನ್ನು ನಿಯೋಜಿಸಲಾಗುವುದು. ಆರೋಗ್ಯ ಸಚಿವಾಲಯದ ಅಡಿಯಲ್ಲಿ ರಾಷ್ಟ್ರೀಯ ಒನ್ ಹೆಲ್ತ್ ಮಿಷನ್‍ನ ತಜ್ಞರನ್ನು ಒಳಗೊಂಡ ಜಂಟಿ ತಂಡವನ್ನು ಈ ಉದ್ದೇಶಕ್ಕಾಗಿ ನೇಮಿಸಲಾಗುವುದು.
ಕಾಯಿಲೆಯಿಂದ ಸಾವನ್ನಪ್ಪಿದ ಮಗುವಿನ ಸಂಪರ್ಕಕ್ಕೆ ಬಂದವರ ಹೆಚ್ಚುವರಿ ಮಾದರಿಗಳನ್ನು ಪರೀಕ್ಷಿಸಲು ಮೊಬೈಲ್ ಬಿಎಸ್ಎಲ್-3 ಪ್ರಯೋಗಾಲಯವನ್ನು ಕ್ಯಾಲಿಕಟ್‍ಗೆ ತರಲಾಗಿದೆ. ರಾಜ್ಯದ ಕೋರಿಕೆಯ ಮೇರೆಗೆ, ಐಸಿಎಂಆರ್ ರೋಗಿಯ ಬಳಕೆಗಾಗಿ ಮೊನೊಕ್ಲೋನಲ್ ಪ್ರತಿಕಾಯಗಳನ್ನು ಕಳುಹಿಸಿದೆ. ಆದರೆ ಸಾವನ್ನಪ್ಪಿದ ಮಗುವಿನ ಅನಾರೋಗ್ಯದ ಕಾರಣ ಅದನ್ನು ಬಳಸಲಾಗಲಿಲ್ಲ.
ಮಗುವಿನ ಕುಟುಂಬ, ನೆರೆಹೊರೆಯವರು, ಸಂಬಂಧಿಕರು ಅಥವಾ ಆ ಪ್ರದೇಶದಲ್ಲಿನ ಯಾರಿಗಾದರೂ ಸೋಂಕು ಇದೆಯೇ ಎಂಬ ಸಕ್ರಿಯ ಪರೀಕ್ಷೆಗೆ ಕೇಂದ್ರವು ನಿರ್ದೇಶಿಸಿದೆ. ಕಳೆದ 12 ದಿನಗಳಲ್ಲಿ ಮೃತಪಟ್ಟ ಮಗುವಿನೊಂದಿಗೆ ಸಂಪರ್ಕದಲ್ಲಿದ್ದವರನ್ನು ಪತ್ತೆಹಚ್ಚಲು, ಅವರಿಗೆ ಕಟ್ಟುನಿಟ್ಟಾದ ಕ್ವಾರಂಟೈನ್ ವಿಧಿಸಲು, ಸೋಂಕಿನ ಶಂಕಿತರನ್ನು ಪ್ರತ್ಯೇಕಿಸಲು ಮತ್ತು ಪರೀಕ್ಷೆಗೆ ಮಾದರಿಗಳನ್ನು ಸಂಗ್ರಹಿಸಿ ಕಳುಹಿಸಲು ಕ್ರಮಗಳನ್ನು ಸೂಚಿಸಲಾಗಿದೆ.
DOCTYPE html>
