ಕೊಟ್ಟಾಯಂ: ಕೇರಳಕ್ಕೆ ಬೇರೆ ರಾಜ್ಯಗಳಿಂದ ಪ್ರತಿದಿನ 5.5 ಲಕ್ಷ ಲೀಟರ್ ಹಾಲು ಬರುತ್ತಿದೆ.
ಇದು ಕಲಬೆರಕೆಯಾಗಿದೆ ಎಂಬ ದೂರುಗಳು ವ್ಯಾಪಕವಾಗಿದ್ದರೂ ಚೆಕ್ ಪೋಸ್ಟ್‍ಗಳಲ್ಲಿ ಪರಿಶೀಲಿಸಲು ಯಾವುದೇ ಮಹತ್ವದ ಕಾರ್ಯವಿಧಾನಗಳಿಲ್ಲ.
ಹಾಲು ಮುಖ್ಯವಾಗಿ ಆಯರ್ಂಕಾವ್, ಪಾರಶಾಲ ಮತ್ತು ಮೀನಾಕ್ಷಿಪುರಂ ಚೆಕ್ ಪೋಸ್ಟ್‍ಗಳ ಮೂಲಕ ರಾಜ್ಯವನ್ನು ತಲುಪುತ್ತದೆ. ಅಲ್ಲದೆ ಕಾಸರಗೋಡಿನ ತಲಪಾಡಿ, ಮುಳಿಗದ್ದೆ, ಕೊಟ್ಯಾಡಿ, ಅಡ್ಕಸ್ಥಳ, ಆನೆಕಲ್ಲು ಗಡಿಯ ಮೂಲಕವೂ ಹಾಲು ಆಗಮಿಸುತ್ತದೆ. ರಾಜ್ಯದಲ್ಲಿ 4 ಲಕ್ಷ ಲೀಟರ್ ಹಾಲಿನ ಕೊರತೆ ಎದುರಾಗಿದ್ದು, ಮಹಾರಾಷ್ಟ್ರ, ಕರ್ನಾಟಕದಂತಹ ರಾಜ್ಯಗಳಿಂದ ತರುವುದನ್ನು ಬಿಟ್ಟು ಬೇರೆ ದಾರಿ ಇಲ್ಲ ಎನ್ನುತ್ತಾರೆ ಅಧಿಕಾರಿಗಳು.
ಹಾಲು ಸೇರಿದಂತೆ ಆಹಾರ ಪದಾರ್ಥಗಳ ಕಲಬೆರಕೆ ಪ್ರತಿ ವರ್ಷ ಹೆಚ್ಚಾಗುತ್ತಿದೆ ಎಂದು ಅಂಕಿಅಂಶಗಳು ಹೇಳುತ್ತವೆ. 2003ರ ಏಪ್ರಿಲ್ ನಿಂದ ಕಳೆದ ತಿಂಗಳವರೆಗೆ ರಾಜ್ಯದ ವಿವಿಧ ನ್ಯಾಯಾಲಯಗಳಲ್ಲಿ ಕಲಬೆರಕೆ ಸಂಬಂಧ 988 ಪ್ರಕರಣಗಳು ದಾಖಲಾಗಿರುವುದು ಗೊತ್ತಾಗಿದೆ. ಈ ಪೈಕಿ 230 ಪ್ರಕರಣಗಳೊಂದಿಗೆ ಕೋಝಿಕ್ಕೋಡ್ ಜಿಲ್ಲೆ ಮುಂಚೂಣಿಯಲ್ಲಿದೆ. ಕಡಿಮೆ ಪ್ರಕರಣಗಳು, ಇಡುಕ್ಕಿಯಲ್ಲಿ 12 ಪ್ರಕರಣಗಳು ದಾಖಲಾಗಿದೆ.
DOCTYPE html>
