ಕೂಡಂಕುಳಂ ಪರಮಾಣು ವಿದ್ಯುತ್ ಸ್ಥಾವರದ ಬಳಿ ಓಡಾಟ: 6 ಮಂದಿ ರಷ್ಯನ್ನರು ವಶಕ್ಕೆ

         ತಿರುನೆಲ್ವೇಲಿ : ಇಲ್ಲಿನ ಕೂಡಂಕುಳಂ ಪರಮಾಣು ವಿದ್ಯುತ್ ಸ್ಥಾವರದ ಸಮೀಪ ಅನುಮಾನಾಸ್ಪದವಾಗಿ ಸಂಚರಿಸುತ್ತಿದ್ದ 6 ಮಂದಿ ರಷ್ಯನ್ನರನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ ಎಂದು ಹಿರಿಯ ಅಧಿಕಾರಿಯೊಬ್ಬರು ಮಂಗಳವಾರ ತಿಳಿಸಿದ್ದಾರೆ.

         ವಲ್ಲಿಯೂರ್‌ನ ಇಬ್ಬರು ಮತ್ತು ಕೇರಳದ ತಿರುವನಂತಪುರದ ಕಾರು ಚಾಲಕ ಮಹಿಳೆಯೊಂದಿಗೆ ಇದ್ದ ರಷ್ಯನ್ನರನ್ನು ಸೋಮವಾರ ಕೂಡಂಕುಳಂ ಪೊಲೀಸರು ವಶಕ್ಕೆ ಪಡೆದಿದ್ದಾರೆ.

            ಅವರನ್ನು ಸುಮಾರು 6 ಗಂಟೆಗಳ ಕಾಲ ವಿಚಾರಣೆ ನಡೆಸಲಾಯಿತು ಎಂದು ಅಧಿಕಾರಿ ತಿಳಿಸಿದ್ದಾರೆ. ಕೆಲವು ವಿದೇಶಿಗರು ತಮ್ಮ ಗ್ರಾಮದಲ್ಲಿ ತಿರುಗಾಡುತ್ತಿರುವುದನ್ನು ಗಮನಿಸಿದ ಇಡಿಂತಕರೈ ಗ್ರಾಮದ ಮೀನುಗಾರರು ಅವರಿಗೆ ಎಚ್ಚರಿಕೆ ನೀಡಿದ್ದರು ಎಂದು ಪೊಲೀಸರು ತಿಳಿಸಿದ್ದಾರೆ.