ಆಲಪ್ಪುಳ: ಚೇರ್ತಲದ 8ನೇ ತರಗತಿ ವಿದ್ಯಾರ್ಥಿನಿ ಹಿಮಾಲಯದ 4,800 ಮೀಟರ್ ಎತ್ತರವನ್ನು ದಾಟಿ ಸಾಧನೆ ಮೆರೆದಿದ್ದಾಳೆ. ಚೇರ್ತಲ ಪುರಸಭೆಯ 33ನೇ ವಾರ್ಡ್ ಅಂಜರಾಯಕಾವೆಲ್ ನ ಶೈನ್ ವರ್ಗೀಸ್ ಮತ್ತು ಪ್ರೀತಿ ದಂಪತಿಯ ಪುತ್ರಿ ಅನ್ನಾ ಮೇರಿ ತಮ್ಮ ಕನಸು ನನಸಾಗಿಸಿದ್ದಾಳೆ.
ಚೇರ್ತಲ ಸೈಂಟ್ ಮೇರಿಸ್ ಬಾಲಕಿಯರ ಪ್ರೌಢಶಾಲೆಯ 8ನೇ ತರಗತಿ ವಿದ್ಯಾರ್ಥಿನಿಯಾದ ಈಕೆ ಜೂನ್ 20ರಂದು ತಂದೆಯೊಂದಿಗೆ ತೆರಳಿದ್ದಳು. ಹರ್ಯಾಣದ 8ನೇ ತರಗತಿ ವಿದ್ಯಾರ್ಥಿನಿ ಆರಾಧ್ಯ ಸೇರಿದಂತೆ ಎಂಟು ರಾಜ್ಯಗಳ 13 ಮಂದಿ ಪ್ರಯಾಣದಲ್ಲಿದ್ದರು.
ಅವರು ಪ್ರಯಾಣದ ಸಮಯದಲ್ಲಿ ಹಿಮಾಲಯದ ಕಣಿವೆಯಾದ ಸೋಲಾಗ್ ಕಣಿವೆಯಲ್ಲಿ ಒಟ್ಟುಗೂಡಿದರು ಮತ್ತು ಅವರು ರಾತ್ರಿ ಟೆಂಟ್ ನಲ್ಲಿ ವಿಶ್ರಮಿಸಿದರು. ಅವರು ಆರು ದಿನಗಳಲ್ಲಿ 4800 ಮೀಟರ್‍ಗಳನ್ನು ಕ್ರಮಿಸಿದರು.
ಇನ್ನು 500 ಮೀಟರ್ ಹತ್ತಿದ್ದರೆ ಫ್ರೆಂಡ್ಸ್ ಶಿಪ್ ಪೀಕ್ ಎಂಬ ಗಮ್ಯಸ್ಥಾನದ ತುದಿಯನ್ನು ತಲುಪಬಹುದಿತ್ತು. ಆದರೆ ದೈಹಿಕ ಅಸ್ವಸ್ಥತೆಯ ಕಾರಣ ಅಷ್ಟು ಎತ್ತರಕ್ಕೆ ಮುಮದುವರಿಯಲು ಸಾಧ್ಯವಾಗಲಿಲ್ಲ. ಹಿಮಾಲಯವನ್ನು ಏರಲು ಕೊಚ್ಚಿ ಕಡವಂತರದ ರಾಜೀವ್ ಗಾಂಧಿ ಕ್ರೀಡಾಂಗಣದಲ್ಲಿ ತರಬೇತಿ ಪಡೆದಿದ್ದಳು. ಆಫ್ರಿಕಾದ ಉಪಖಂಡದ ಅತಿ ಎತ್ತರದ ಪರ್ವತವಾದ ಕಿಲಿಮಂಜಾರೊವನ್ನು ಏರುವುದು ಮುಂದಿನ ಗುರಿಯಾಗಿದೆ ಎಂದು ಅನ್ನಮೇರಿ ಭರವಸೆಯಿಂದ ನುಡಿದಿದ್ದಾಳೆ.
DOCTYPE html>
