ಐಫೋನ್‌ಗಳ ಕಳ್ಳಸಾಗಣೆ: ಇಬ್ಬರ ಬಂಧನ

          ನವದೆಹಲಿ: ವಿದೇಶದಿಂದ 59 ಐಫೋನ್‌ಗಳು ಮತ್ತು ದುಬಾರಿ ಬೆಲೆಯ ಕನ್ನಡಕಗಳನ್ನು ಕಳ್ಳಸಾಗಣೆ ಮಾಡಿದ ಆರೋಪದ ಮೇರೆಗೆ ಇಬ್ಬರು ಆರೋಪಿಗಳನ್ನು ಇಲ್ಲಿನ ವಿಮಾನ ನಿಲ್ದಾಣದಲ್ಲಿ ಕಸ್ಟಮ್ಸ್ ಅಧಿಕಾರಿಗಳು ಬಂಧಿಸಿದ್ದಾರೆ.

            ಇಟಲಿಯ ಮಿಲಾನ್‌ನಿಂದ ಭಾನುವಾರ ದೆಹಲಿ ವಿಮಾನ ನಿಲ್ದಾಣಕ್ಕೆ ಬಂದ ಆರೋಪಿಗಳನ್ನು ಕಸ್ಟಮ್ಸ್‌ ಅಧಿಕಾರಿಗಳು ಪರಿಶೀಲನೆ ನಡೆಸಿದರು.

              ಈ ವೇಳೆ ಆರೋಪಿಗಳ ಬಳಿ 59 ಐಫೋನ್‌ಗಳು, ಎರಡು ಏರ್‌ಪಾಡ್‌ಗಳು, ಐಪ್ಯಾಡ್ ಏರ್, ಮೂರು ಜೊತೆ ಗೂಚೀ ಕನ್ನಡಕಗಳು, ಗೂಚೀ ಶೂಗಳು ಪತ್ತೆಯಾಗಿದ್ದು, ಅವುಗಳನ್ನು ಜಪ್ತಿ ಮಾಡಲಾಗಿದೆ. ಅವುಗಳ ಮೌಲ್ಯ ₹69.22 ಲಕ್ಷ ಎಂದು ಅಧಿಕಾರಿಗಳು ಮಂಗಳವಾರ ತಿಳಿಸಿದ್ದಾರೆ.