ಮೊದಲ ಬಾರಿಗೆ ಸುಪ್ರೀಂ ಕೋರ್ಟ್‌ನಲ್ಲಿ ಲೋಕ ಅದಾಲತ್

             ನವದೆಹಲಿ: ಇದೇ ಮೊದಲ ಬಾರಿಗೆ ಸುಪ್ರೀಂ ಕೋರ್ಟ್‌ನ ಮೊದಲ ಏಳು ನ್ಯಾಯಪೀಠಗಳು ಸೋಮವಾರ ಮಧ್ಯಾಹ್ನ 2 ಗಂಟೆಯಿಂದ ಲೋಕ ಅದಾಲತ್ ಆರಂಭಿಸಿವೆ, ಈ ಪೀಠಗಳ ಎದುರು ನಡೆಯುವ ಕಲಾಪಗಳ ವರದಿಗಾರಿಕೆಗೆ ಮಾಧ್ಯಮಗಳ ಕ್ಯಾಮೆರಾ ಪ್ರತಿನಿಧಿಗಳಿಗೂ ಅವಕಾಶ ಕಲ್ಪಿಸಲಾಗಿದೆ.

          ವಿಚಾರಣೆಗೆ ಬಾಕಿ ಇರುವ ಪ್ರಕರಣಗಳ ಸಂಖ್ಯೆಯನ್ನು ಕಡಿಮೆ ಮಾಡುವ ಉದ್ದೇಶದ ವಿಶೇಷ ಲೋಕ ಅದಾಲತ್ ಒಂದು ವಾರ (ಆಗಸ್ಟ್‌ 3ರವರೆಗೆ) ನಡೆಯಲಿದೆ.

            ಸುಪ್ರೀಂ ಕೋರ್ಟ್‌ ರಚನೆಯಾಗಿ 75 ವರ್ಷಗಳು ಸಂದಿರುವ ಸಂದರ್ಭದಲ್ಲಿ ಲೋಕ ಅದಾಲತ್ ನಡೆಸಲಾಗುತ್ತಿದೆ.