ತಿರುವನಂತಪುರಂ: ವಾಹನ ನಿಲುಗಡೆ ಸ್ಥಳಾವಕಾಶದ ವಿವಾದಗಳನ್ನು ಬಗೆಹರಿಸಲು ಮೊಬೈಲ್ ಆ್ಯಪ್ ಬರಲಿದೆ. ಮೊಬೈಲ್ ಪಾರ್ಕಿಂಗ್ ಅಪ್ಲಿಕೇಶನ್ ಮೂಲಕ ಪ್ರಮುಖ ನಗರಗಳಲ್ಲಿನ ಪಾರ್ಕಿಂಗ್ ಸಮಸ್ಯೆಗಳನ್ನು ಪರಿಹರಿಸುವುದು ಲಕ್ಷ್ಯವಾಗಿದೆ.
ಕೊಚ್ಚಿ ಮೆಟ್ರೋಪಾಲಿಟನ್ ಟ್ರಾನ್ಸ್ ಪೋರ್ಟ್ ಅಥಾರಿಟಿ (ಕೆಎಂಟಿಎ) ಈ ವಿನೂತನ ಉಪಕ್ರಮವನ್ನು ಮುನ್ನಡೆಸುತ್ತಿದೆ. ಇದು ಮೊಬೈಲ್ ಅಪ್ಲಿಕೇಶನ್ ಮೂಲಕ ಪಾರ್ಕಿಂಗ್ ಸ್ಥಳಗಳಿಗೆ ಮುಂಚಿತವಾಗಿ ಕಾಯ್ದಿರಿಸಲು ಮತ್ತು ಪಾವತಿಸಲು ಬಳಕೆದಾರರನ್ನು ಅನುಮತಿಸುತ್ತದೆ.
ಕೇಂದ್ರ ಮತ್ತು ರಾಜ್ಯ ಸರ್ಕಾರಗಳು ಜಂಟಿಯಾಗಿ ಅನುಷ್ಠಾನಗೊಳಿಸಿರುವ ಈ ಯೋಜನೆಗೆ 5 ಕೋಟಿ ರೂ.ನಿಧಿ ಮೀಸಲಿರಿಸಲಾಗುವುದು. ವರದಿಗಳ ಪ್ರಕಾರ, ಯೋಜನೆಯು ಆರು ತಿಂಗಳೊಳಗೆ ಕಾರ್ಯರೂಪಕ್ಕೆ ಬರಲಿದೆ. ಈ ಯೋಜನೆಯನ್ನು ಎರ್ನಾಕುಳಂ ಜಿಲ್ಲೆಯಲ್ಲಿ ಮೊದಲು ಆರಂಭಿಸಲಾಗುವುದು.
ಆ್ಯಪ್ ಬಿಡುಗಡೆಗೂ ಮುನ್ನ ಕೊಚ್ಚಿ ಮೆಟ್ರೋ ನಿಯಂತ್ರಣದಲ್ಲಿರುವ 51 ಪಾರ್ಕಿಂಗ್ ಸ್ಥಳಗಳಲ್ಲಿ ಸಮಗ್ರ ಅಧ್ಯಯನ ನಡೆಸಲಾಗಿತ್ತು. ಇವುಗಳಲ್ಲಿ ಗ್ರೇಟರ್ ಕೊಚ್ಚಿನ್ ಅಭಿವೃದ್ಧಿ ಪ್ರಾಧಿಕಾರ (ಜಿಸಿಡಿಎ), ಕೊಚ್ಚಿನ್ ಕಾರ್ಪೋರೇಷನ್ ಮತ್ತು ಗೋಶ್ರೀ ದ್ವೀಪಗಳ ಅಭಿವೃದ್ಧಿ ಪ್ರಾಧಿಕಾರ (ಜಿಐಡಿಎ) ಸೇರಿವೆ. ಖಾಸಗಿ ಪಾರ್ಕಿಂಗ್ ಸ್ಥಳಗಳನ್ನು ಸಹ ಅಪ್ಲಿಕೇಶನ್‍ನಲ್ಲಿ ಸೇರಿಸಲಾಗುತ್ತದೆ. ಸಿಸಿಟಿವಿ ಕ್ಯಾಮೆರಾಗಳು ಮತ್ತು ಇತರ ಕಣ್ಗಾವಲು ವ್ಯವಸ್ಥೆಗಳನ್ನು ಸೇರಿಸುವ ಮೂಲಕ ವಾಹನಗಳ ನಿಖರವಾದ ಮೇಲ್ವಿಚಾರಣೆಯನ್ನು ಖಚಿತಪಡಿಸಿಕೊಳ್ಳಲಾಗುತ್ತದೆ.
ಈ ಹಿಂದೆ ಕೋಲ್ಕತ್ತಾದಲ್ಲಿಯೂ ಪಾಲಿಕೆ ಅಧಿಕಾರಿಗಳು ಪಾರ್ಕಿಂಗ್ ಸಮಸ್ಯೆ ಬಗೆಹರಿಸಲು ಮೊಬೈಲ್ ಆ್ಯಪ್ ಬಿಡುಗಡೆ ಮಾಡಿದ್ದರು.
DOCTYPE html>
