ಮಾಲೀಕರಿಗೆ ತಿಳಿಯದಂತೆ ವಾಹನಗಳ ಮಾಲಕತ್ವ ಬದಲಾವಣೆ: ದೂರು

             ಮಲಪ್ಪುರಂ: ವಾಹನಗಳ ಮಾಲೀಕತ್ವವನ್ನು ಮಾಲೀಕರಿಗೆ ತಿಳಿಯದಂತೆ ಬದಲಾಯಿಸಲಾಗಿದೆ ಎಂದು ತಿರುರಂಗಡಿ ಜಂಟಿ ಆರ್‍ಟಿಒ ಸಿ.ಪಿ. ಜಕಾರಿಯಾ ಅವರು ಪೋಲೀಸ್ ದೂರು ನೀಡಿದ್ದಾರೆ. 

               ಫೈನಾನ್ಸ್ ಕಂಪನಿಗಳು ವಶಪಡಿಸಿಕೊಂಡಿರುವ ಆರು ಬೈಕ್ ಹಾಗೂ ಒಂದು ಕಾರಿನ ಮಾಲೀಕತ್ವದ ಹಕ್ಕುಗಳನ್ನು ನಕಲಿ ದಾಖಲೆ ಸೃಷ್ಟಿಸಿ ಇತರರ ಹೆಸರಿಗೆ ಬದಲಾಯಿಸಿರುವುದು ಪತ್ತೆಯಾಗಿದೆ. ತಾನೂರ್ ಡಿವೈಎಸ್ಪಿ ವಿ.ವಿ. ಬೆನ್ನಿ ನೇತೃತ್ವದ ತಂಡ ತನಿಖೆ ಆರಂಭಿಸಿದೆ. ಈ ಪೈಕಿ ಕೆಲವು ವಾಹನಗಳನ್ನು ವಶಕ್ಕೆ ತೆಗೆದುಕೊಳ್ಳಲಾಗಿದೆ.

           ವಾಹನದ ಮಾಲೀಕತ್ವವನ್ನು ಇನ್ನೊಬ್ಬ ವ್ಯಕ್ತಿಗೆ ವರ್ಗಾಯಿಸಿದಾಗ, ಒಟಿಪಿ ಸಂಖ್ಯೆಯನ್ನು ಖರೀದಿದಾರ ಮತ್ತು ಮಾರಾಟಗಾರರ ಪೋನ್‍ಗೆ ಕಳುಹಿಸಲಾಗುತ್ತದೆ. ಸ್ವಾಭಾವಿಕವಾಗಿ, ಇಬ್ಬರೂ ಕಾರು ಮಾರಾಟದ ಬಗ್ಗೆ ತಿಳಿದಿರುತ್ತಾರೆ. ಆದರೆ ವಾಹನದ ಮಾಲೀಕರು ಮೃತರಾಗಿದ್ದರೆ, ಮರಣ ಪ್ರಮಾಣಪತ್ರ ಸೇರಿದಂತೆ ದಾಖಲೆಗಳೊಂದಿಗೆ ಅರ್ಜಿ ಸಲ್ಲಿಸಿದರೆ ಮಾಲೀಕರು ಒಟಿಪಿ ಇಲ್ಲದೆ ಮಾಲೀಕತ್ವವನ್ನು ಬದಲಾಯಿಸಬಹುದು. ಪರಿವಾಹನ್ ಸಾಪ್ಟ್  ವೇರ್‍ನಲ್ಲಿನ ಈ ಲೋಪದೋಷವನ್ನು ಬಳಸಿಕೊಂಡು ಮಾಲೀಕತ್ವವನ್ನು ಬದಲಾಯಿಸಲಾಗಿದೆ ಎಂದು ಆರ್‍ಟಿಒ ಅಧಿಕಾರಿಗಳು ತಿಳಿಸಿದ್ದಾರೆ. ಇದು ಫೈನಾನ್ಸ್ ಕಂಪನಿಯಿಂದ ವಶಪಡಿಸಿಕೊಂಡ ವಾಹನಕ್ಕೆ ಸೇರಿದಾಗ, ಮಾಲೀಕರಿಂದ ಯಾವುದೇ ದೂರು ಇರುವುದಿಲ್ಲ. ಆದರೆ ಅಧಿಕಾರಿಗಳ ನೆರವಿನಿಂದ ಮಾಲೀಕತ್ವ ಬದಲಾವಣೆ ಮಾಡಲಾಗಿದೆ ಎಂಬ ಆರೋಪವೂ ಕೇಳಿಬಂದಿದೆ.