ಜೆರುಸಲೇಂ: ಕಳೆದ ವರ್ಷ ಅಕ್ಟೋಬರ್ 7ರಂದು ದಕ್ಷಿಣ ಇಸ್ರೇಲ್ನ ಮೇಲೆ ನಡೆದ ದಾಳಿಯ ಸಂದರ್ಭದಲ್ಲಿ ಹಮಾಸ್ ಬಂಡುಕೋರರ ಒತ್ತೆಯಾಳುಗಳಾಗಿ ಸೆರೆಯಾಗಿದ್ದ ಐವರ ಮೃತದೇಹಗಳನ್ನು ಗಾಜಾ ಪಟ್ಟಿಯಿಂದ ಇಸ್ರೇಲ್ ಸೇನೆಯು ವಶಕ್ಕೆ ಪಡೆದಿದೆ.
ಜೆರುಸಲೇಂ: ಕಳೆದ ವರ್ಷ ಅಕ್ಟೋಬರ್ 7ರಂದು ದಕ್ಷಿಣ ಇಸ್ರೇಲ್ನ ಮೇಲೆ ನಡೆದ ದಾಳಿಯ ಸಂದರ್ಭದಲ್ಲಿ ಹಮಾಸ್ ಬಂಡುಕೋರರ ಒತ್ತೆಯಾಳುಗಳಾಗಿ ಸೆರೆಯಾಗಿದ್ದ ಐವರ ಮೃತದೇಹಗಳನ್ನು ಗಾಜಾ ಪಟ್ಟಿಯಿಂದ ಇಸ್ರೇಲ್ ಸೇನೆಯು ವಶಕ್ಕೆ ಪಡೆದಿದೆ.
ಒತ್ತೆಯಾಳುಗಳಾಗಿದ್ದ ಮಾಯಾ ಗೊರೆನ್, ಸೈನಿಕರಾದ ರಾವಿಡ್ ಆರ್ಯೆ ಕಜ್, ಒರೆನ್ ಗೋಲ್ಡಿನ್, ತೋಮರ್ ಅಹಿಮಸ್ ಹಾಗೂ ಕಿರಿಲ್ ಬ್ರೋಡ್ಸ್ಕಿ ಮುಂತಾದವರ ಮೃತದೇಹಗಳನ್ನು ಇಸ್ರೇಲ್ಗೆ ತರಲಾಗಿದೆ ಎಂದು ಸೇನೆ ತಿಳಿಸಿದೆ.
ದಕ್ಷಿಣ ಗಾಜಾದ ಖಾನ್ ಯೂನಿಸ್ ಪ್ರದೇಶದಲ್ಲಿ ಬುಧವಾರ ನಡೆದ ಕಾರ್ಯಾಚರಣೆ ವೇಳೆ ಈ ದೇಹಗಳು ಪತ್ತೆಯಾಗಿವೆ. ನಾಲ್ವರು ಯೋಧರು ಅಕ್ಟೋಬರ್ 7ರಂದು ನಡೆದ ಹಮಾಸ್ ದಾಳಿಯಲ್ಲಿ ಸಾವಿಗೀಡಾಗಿದ್ದರು.
ಗೊರೆನ್ ಅವರು ಸಾವಿಗೀಡಾಗಿದ್ದಾರೆ ಎಂದು ಇಸ್ರೇಲ್ ಸೇನೆ ಡಿಸೆಂಬರ್ನಲ್ಲಿಯೇ ಘೋಷಣೆ ಮಾಡಿತ್ತು.
ಅಕ್ಟೋಬರ್ 7ರಂದು ಹಮಾಸ್ ಬಂಡುಕೋರರು ದಕ್ಷಿಣ ಇಸ್ರೇಲ್ ಮೇಲೆ ನಡೆಸಿದ್ದ ದಾಳಿಯಲ್ಲಿ 1,197 ಮಂದಿ ಸಾವಿಗೀಡಾಗಿದ್ದರು. 251 ಮಂದಿಯನ್ನು ಒತ್ತೆಯಾಳುಗಳಾಗಿ ಸೆರೆಹಿಡಿದಿದ್ದರು.
ಈ ಪೈಕಿ 11 ಮಂದಿ ಇನ್ನೂ ಸೆರೆಯಲ್ಲಿಯೇ ಇದ್ದು, 39 ಮಂದಿ ಸಾವಿಗೀಡಾಗಿದ್ದಾರೆ.
ಹಮಾಸ್ ದಾಳಿಗೆ ಪ್ರತೀಕಾರವಾಗಿ ಇಸ್ರೇಲ್ ನಡೆಸುತ್ತಿರುವ ದಾಳಿಯಲ್ಲಿ ಈವರೆಗೂ 39,145 ಮಂದಿ ಅಸುನೀಗಿದ್ದಾರೆ.