ಮಳೆಗಾಲದಲ್ಲಿ ಪಾದಗಳನ್ನು ಕಾಡುತ್ತವೆ ಚರ್ಮದ ಸಮಸ್ಯೆ; ಈ ಸಲಹೆಗಳೊಂದಿಗೆ ಇರಲಿ ಕಾಳಜಿ

 ಮಳೆ ಶುರುವಾಗಿದೆ. ಇದರಿಂದ ಅನೇಕ ಚರ್ಮ ರೋಗಗಳು ಬರುವ ಸಾಧ್ಯತೆ ಇದೆ. ದದ್ದುಗಳು, ಕೆಂಪು, ಸಿಪ್ಪೆಸುಲಿಯುವುದು ಇತ್ಯಾದಿಗಳು ವಿಶೇಷವಾಗಿ ಕಾಲ್ಬೆರಳುಗಳ ಮಧ್ಯೆದಲ್ಲಿ ಕಾಣಿಸಿಕೊಳ್ಳುತ್ತದೆ. ಮಳೆಗಾಲದಲ್ಲಿ ಶೂ ಮತ್ತು ಸಾಕ್ಸ್ ಅನ್ನು ಹೆಚ್ಚು ಹೊತ್ತು ಧರಿಸದಿರುವುದು ಉತ್ತಮ.

ನೈಸರ್ಗಿಕ ವಿಧಾನಗಳ ಮೂಲಕ ಅವುಗಳನ್ನು ನಿವಾರಿಸಲು ಕೆಲವು ಸಲಹೆಗಳಿವೆ. ನಾವು ಇಂದು ಈ ಕುರಿತಾಗಿ ನಿಮಗೆ ತಿಳಿಸಿಕೊಡಲಿದ್ದೇವೆ.

ಬಿಸಿ ನೀರಿಗೆ ಉಪ್ಪನ್ನು ಸೇರಿಸಿ ಈ ನೀರಿನಿಂದ ಕಾಲನ್ನು ಸ್ವಚ್ಛಗೊಳಿಸಬೇಕು. ಹೀಗೆ ಮಾಡುವುದರಿಂದ ಬ್ಯಾಕ್ಟೀರಿಯಾ ನಾಶವಾಗುತ್ತದೆ. ಇದರಿಂದ ಫಂಗಲ್ ಸೋಂಕನ್ನು ತಡೆಯಬಹುದು.

ಪೆಟ್ರೋಲಿಯಂ ಜೆಲ್ಲಿಯನ್ನು ಹಚ್ಚಿ ಸ್ವಲ್ಪ ಹೊತ್ತು ಮಸಾಜ್ ಮಾಡುವುದರಿಂದ ಒಣ ಚರ್ಮ ಮೃದುವಾಗುತ್ತದೆ. ಕ್ರಮೇಣ ತುರಿಕೆ ಕಡಿಮೆಯಾಗುತ್ತದೆ. ಪುದೀನಾ ಎಣ್ಣೆಯನ್ನು ಹಚ್ಚುವುದರಿಂದ ದದ್ದು ಮತ್ತು ಉರಿಯೂತ ಕಡಿಮೆಯಾಗುತ್ತದೆ.

ಬೆಚ್ಚಗಿನ ನೀರಿಗೆ ಎರಡು ಅಥವಾ ಮೂರು ಹನಿ ಪುದೀನಾ ಎಣ್ಣೆಯನ್ನು ಸೇರಿಸಿ ಮತ್ತು ಚೆನ್ನಾಗಿ ಮಿಶ್ರಣ ಮಾಡಿ.ಪಾದಗಳು ನೆನೆಯುವವರೆಗೆ 10 ನಿಮಿಷಗಳ ಕಾಲ ಇರಿಸಿ. ನಂತರ ಅದನ್ನು ಹೊರತೆಗೆದು ಒಣ ಬಟ್ಟೆಯಿಂದ ಸ್ವಚ್ಛಗೊಳಿಸಿ. ಹೀಗೆ ಮಾಡುವುದರಿಂದ ಉತ್ತಮ ಪರಿಹಾರ ದೊರೆಯುತ್ತದೆ.