ಕೆಎಸ್‌ಇಬಿಗೆ ಮತ್ತೆ ಕಗ್ಗಂಟು; ವಿದ್ಯುತ್ ದರ ಹೆಚ್ಚಿಸುವ ಯೋಜನೆ ಇದೆ ಎಂದ ವಿದ್ಯುತ್ ಸಚಿವರು

                 ಎರ್ನಾಕುಳಂ: ರಾಜ್ಯದಲ್ಲಿ ಪೀಕ್ ಅವರ್ ನಲ್ಲಿ ವಿದ್ಯುತ್ ದರವನ್ನು ಹೆಚ್ಚಿಸುವ ಯೋಜನೆ ಇದೆ ಎಂದು ವಿದ್ಯುತ್ ಸಚಿವ ಕೃಷ್ಣನ್ ಕುಟ್ಟಿ ಹೇಳಿದ್ದಾರೆ.

                  ಹಗಲು ದರ ಕಡಿಮೆ ಮಾಡಿ ರಾತ್ರಿ ಗರಿಷ್ಠ ದರ ಹೆಚ್ಚಿಸುವ ಕುರಿತು ಚರ್ಚೆ ನಡೆಸಲಾಗುತ್ತಿದೆ ಎಂದು ಸಚಿವರು ತಿಳಿಸಿದರು. ಕೇರಳದಲ್ಲಿ ಪರಮಾಣು ಸ್ಥಾವರ ಸ್ಥಾಪನೆಯ ಆರಂಭಿಕ ಹಂತದ ಚರ್ಚೆಯೂ ನಡೆದಿಲ್ಲ ಎಂದು ಅವರು ಹೇಳಿದರು. ಕೇರಳದ ಹೊರಗೆ ಪರಮಾಣು ಸ್ಥಾವರ ಸ್ಥಾಪನೆಯಾದರೂ ರಾಜ್ಯಕ್ಕೆ ವಿದ್ಯುತ್ ಪಾಲು ಲಭಿಸಲಿದೆ ಎಂದು ಸಚಿವರು ಹೇಳಿದರು.

                 ರಾಜ್ಯದ ಬಹುತೇಕ ಮನೆಗಳು ಸ್ಮಾರ್ಟ್ ಮೀಟರ್‌ಗೆ ಬದಲಾಗಿದ್ದು, ಯಾವುದೇ ಸಮಯದಲ್ಲಿ ವಿದ್ಯುತ್ ಬಳಕೆಯನ್ನು ಲೆಕ್ಕ ಹಾಕಬಹುದು. ರಾತ್ರಿ ವೇಳೆ ವಿದ್ಯುತ್ ಬಳಕೆ ಹೆಚ್ಚಾಗಿರುವುದೇ ದರ ಏರಿಕೆ ಮಾಡಲು ಕಾರಣ. ಗರಿಷ್ಠ ವಿದ್ಯುತ್ ಬಳಕೆಯನ್ನು ಸಾಧ್ಯವಾದಷ್ಟು ಕಡಿಮೆ ಮಾಡಲು ದರ ಏರಿಕೆಗೆ ಚಿಂತನೆ ನಡೆಸಲಾಗಿದೆ ಎಂದು ವಿದ್ಯುತ್ ಸಚಿವರು ತಿಳಿಸಿದ್ದಾರೆ.

                ರಾಜ್ಯದಲ್ಲಿ ಅಣುಸ್ಥಾವರ ಸ್ಥಾಪನೆಗೆ ಕೆಎಸ್ ಇಬಿ ಪ್ರಯತ್ನ ಆರಂಭಿಸಿದೆ ಎಂಬ ವರದಿ ಹೊರಬಿದ್ದಿದೆ. ರಾಜ್ಯದಲ್ಲಿ ೭೦೦೦ ಕೋಟಿ ವೆಚ್ಚದಲ್ಲಿ ೨೨೦ ಮೆಗಾವ್ಯಾಟ್‌ನ ಎರಡು ಯೋಜನೆಗಳನ್ನು ಆರಂಭಿಸಲು ಕ್ರಮ ಕೈಗೊಳ್ಳಲಾಗಿದೆ. ಈ ಮೂಲಕ ೪೪೦ ಮೆಗಾವ್ಯಾಟ್ ವಿದ್ಯುತ್ ಉತ್ಪಾದಿಸುವ ಗುರಿ ಹೊಂದಲಾಗಿದೆ. ಅಣುವಿದ್ಯುತ್ ಸ್ಥಾವರ ಸ್ಥಾಪನೆಗೆ ಅತಿರಪ್ಪಳ್ಳಿ, ಚೆಮೇನಿ ಸೇರಿದಂತೆ ಸ್ಥಳಗಳನ್ನು ಕೆಎಸ್‌ಇಬಿ ಪರಿಗಣಿಸುತ್ತಿದೆ ಎಂದು ವರದಿಯಾಗಿದೆ.