ಭಗವದ್ಗೀತೆ ಹಿಡಿದು ಪ್ರತಿಜ್ಞೆ ಸ್ವೀಕರಿಸಿದ ಯುಕೆ ಸಂಸದ

        ಯುಕೆ ಸಾರ್ವತ್ರಿಕ ಚುನಾವಣೆಯಲ್ಲಿ ಗೆದ್ದ ನಂತರ ಸಂಸತ್ತಿಗೆ ಮರಳಿದ ಕನ್ಸರ್ವೇಟಿವ್ ಸಂಸದ ಬಾಬ್ ಬ್ಲ್ಯಾಕ್‌ಮನ್ ಅವರು ಬೈಬಲ್ ಮತ್ತು ಭಗವದ್ಗೀತೆಯ ಮೇಲೆ ಪ್ರಮಾಣ ಮಾಡುವ ಮೂಲಕ ಪ್ರಮಾಣ ವಚನ ಸ್ವೀಕರಿಸಿದರು.

            ಭಾರತೀಯ ಮೂಲದವರಲ್ಲದ ಆದರೆ ಹ್ಯಾರೋ ಈಸ್ಟ್ ಕ್ಷೇತ್ರವನ್ನು ಪ್ರತಿನಿಧಿಸಿದ ಬ್ಲ್ಯಾಕ್‌ಮ್ಯಾನ್ ಅವರು ಕಿಂಗ್ ಜೇಮ್ಸ್ ಬೈಬಲ್, ಭಗವದ್ಗೀತೆ ಮೇಲೆ ಹಿಸ್ ಮೆಜೆಸ್ಟಿ ಕಿಂಗ್ ಚಾರ್ಲ್ಸ್‌ಗೆ ಪ್ರಮಾಣ ಮಾಡಿದರು.

          ಬ್ಲ್ಯಾಕ್‌ಮನ್ ಭಗವದ್ಗೀತೆ ಮೇಲೆ ಪ್ರಮಾಣ ವಚನ ಸ್ವೀಕರಿಸಿದ್ದು ಇದೇ ಮೊದಲಲ್ಲ. 2019 ರಲ್ಲಿ ಕನ್ಸರ್ವೇಟಿವ್ ಸಂಸದರಾಗಿ ಗೆದ್ದಾಗ, ಆ ಸಮಯದಲ್ಲಿ ಭಗವದ್ಗೀತೆ ಮೇಲೆ ಪ್ರಮಾಣ ವಚನ ಸ್ವೀಕರಿಸಿ ತಮ್ಮ ಸಹವರ್ತಿಗಳನ್ನು ಅಚ್ಚರಿಗೊಳಿಸಿದ್ದರು.

           ಬ್ಲಾಕ್‌ಮ್ಯಾನ್ ಪ್ರತಿನಿಧಿಸುವ ಕ್ಷೇತ್ರ ಹ್ಯಾರೋ ಈಸ್ಟ್, ಗಣನೀಯವಾಗಿ ಹಿಂದೂ ಜನಸಂಖ್ಯೆಯನ್ನು ಹೊಂದಿದೆ ಮತ್ತು ಇದು ಹಿಂದೂ ಮತದಾರರನ್ನು ಓಲೈಸುವ ಅಭಿವ್ಯಕ್ತಿ ಎಂದು ಪರಿಗಣಿಸಬಹುದು.

             ಬ್ಲ್ಯಾಕ್‌ಮ್ಯಾನ್ ತಮ್ಮ ಪ್ರಮಾಣ ವಚನವನ್ನು ಸಾಮಾಜಿಕ ಮಾಧ್ಯಮ ವೇದಿಕೆ ಎಕ್ಸ್ ನಲ್ಲಿ ಪೋಸ್ಟ್ ಮಾಡಿದ್ದಾರೆ. ಸಾರ್ವಜನಿಕ ಚುನಾವಣೆಯ ನಂತರ ನಾವು ಸಂಸತ್ತಿಗೆ ಹಿಂತಿರುಗುತ್ತಿರುವಾಗ ಕಿಂಗ್ ಜೇಮ್ಸ್ ಬೈಬಲ್, ಭಗವದ್ಗೀತೆ ಮತ್ತು ಕಿಂಗ್ ಚಾರ್ಲ್ಸ್‌ಗೆ ಹೆಸರಲ್ಲಿ ನನ್ನ ನಿಷ್ಠೆಯ ಪ್ರತಿಜ್ಞೆಯನ್ನು ತೆಗೆದುಕೊಂಡಿದ್ದಕ್ಕಾಗಿ ಹೆಮ್ಮೆಪಡುತ್ತೇನೆ ಎಂದು ಬರೆದಿದ್ದಾರೆ.