ಸಂಪೂರ್ಣತಾ ಅಭಿಯಾನಕ್ಕೆ ಇಂದು ಡಿ.ಸಿ. ಚಾಲನೆ

              ಕಾಸರಗೋಡು: ಮಹತ್ವಾಕಾಂಕ್ಷೆಯ ಬ್ಲಾಕ್ ಕಾರ್ಯಕ್ರಮ ಸಂಪೂರ್ಣ ಸಂಜೀವನಿ ಅಭಿಯಾನ ಪರಪ್ಪ ಬ್ಲಾಕ್ ಪಂಚಾಯತ್ ನೇತೃತ್ವದಲ್ಲಿ ಗಿರಿಜನ ವೈದ್ಯಕೀಯ ಶಿಬಿರ ಇಂದು ನಡೆಯಲಿದೆ. 

              ಬೆಳಿಗ್ಗೆ 10 ಗಂಟೆಗೆ ವೆಸ್ಟ್ ಎಳೇರಿ ಪಂಚಾಯತ್‍ನ ಪರಂಬದಲ್ಲಿ ಬುಡಕಟ್ಟು ವೈದ್ಯಕೀಯ ಶಿಬಿರವನ್ನು ಆಯೋಜಿಸಲಾಗಿದೆ. ಗರ್ಭಿಣಿಯರಿಗೆ ರಕ್ಷಣೆ, ಜೀವನ ಶೈಲಿ ರೋಗ ನಿಯಂತ್ರಣ, ಪೋಷಣೆ ಹೀಗೆ ಆರೋಗ್ಯ ಕ್ಷೇತ್ರಕ್ಕೆ ಸಂಬಂಧಿಸಿದ ಸೂಚಕಗಳನ್ನು ರಾಷ್ಟ್ರೀಯ ಸರಾಸರಿಗೆ ಏರಿಸುವ ಉದ್ದೇಶದಿಂದ ಕಾರ್ಯಕ್ರಮಗಳನ್ನು ಯೋಜಿಸಲಾಗುತ್ತಿದೆ. ಇದರ ಅಂಗವಾಗಿ ಪರಪ್ಪ ಬ್ಲಾಕ್ ಪಂಚಾಯಿತಿ ವಾರ್ಷಿಕ ಯೋಜನೆಯಲ್ಲಿ ಸಂಜೀವನಿ ಯೋಜನೆಯಾಗಿ ವೈದ್ಯಕೀಯ ಶಿಬಿರ ಆಯೋಜಿಸಲಾಗಿದೆ. 

             ಕಾಸರಗೋಡು ಜಿಲ್ಲಾಧಿಕಾರಿ ಇನ್ಬಾಶೇಖರ್ ಕಾರ್ಯಕ್ರಮವನ್ನು ಉದ್ಘಾಟಿಸಲಿದ್ದಾರೆ. ಪರಪ್ಪ ಬ್ಲಾಕ್ ಪಂಚಾಯಿತಿ ಅಧ್ಯಕ್ಷ ಎಂ. ಲಕ್ಷ್ಮಿ ಅಧ್ಯಕ್ಷತೆ ವಹಿಸುವರು. ನೀತಿ ಆಯೋಗದ ಪ್ರತಿನಿಧಿಗಳು, ಸಾರ್ವಜನಿಕ ಪ್ರತಿನಿಧಿಗಳು ಮತ್ತು ಅಧಿಕಾರಿಗಳು ಭಾಗವಹಿಸಲಿದ್ದಾರೆ. ಸಾರ್ವಜನಿಕರು ಶಿಬಿರದಲ್ಲಿ ಭಾಗವಹಿಸಬೇಕು ಎಂದು ಬ್ಲಾಕ್ ಪಂಚಾಯಿತಿ ಅಧ್ಯಕ್ಷರು ತಿಳಿಸಿದ್ದಾರೆ.