ಚಲಿಸುತ್ತಿದ್ದ ಕೆಎಸ್ ಆರ್ ಟಿಸಿ ಬಸ್ ನಿಂದ ಬಿದ್ದ ವಿದ್ಯಾರ್ಥಿ: ನಿಲ್ಲಿಸದೆ ಸಂಚರಿಸಿದ ಬಸ್ ತಡೆದು ನಿಲ್ಲಿಸಿದ ಸ್ಥಳೀಯರು

                     ತಿರುವನಂತಪುರಂ: ಕಾಟ್ಟಾಕ್ಕಡದಲ್ಲಿ ಸಂಚರಿಸುತ್ತಿದ್ದ ಕೆಎಸ್‍ಆರ್‍ಟಿಸಿ ಬಸ್‍ನ ಬಾಗಿಲಿನಿಂದ ಬಿದ್ದು ಶಾಲಾ ವಿದ್ಯಾರ್ಥಿಯೊಬ್ಬ ಗಾಯಗೊಂಡಿದ್ದಾನೆ.

               ಪ್ಲಸ್ ಟು ವಿದ್ಯಾರ್ಥಿ ಸಂದೀಪ್ ಗಾಯಗೊಂಡಿದ್ದಾನೆ. ವಿದ್ಯಾರ್ಥಿ ಬಾಗಿಲಿನಿಂದ ಬಿದ್ದಿರುವ ಬಗ್ಗೆ ಚಾಲಕನಿಗೆ ತಿಳಿಸಿದರೂ ಬಸ್ ನಿಲ್ಲಿಸಲಿಲ್ಲ ಎಂದು ಬಾಲಕನ ತಂದೆ ಹೇಳಿದ್ದಾರೆ.

              ತಿರುಮಲ ಎಎಂಎಚ್‍ಎಸ್ ಶಾಲೆಗೆ ತೆರಳಲು ಪೋತನ್‍ಕಾವ್‍ನಿಂದ ಬಸ್ ಹತ್ತಿದ ಸಂದೀಪ್ ಅಂತಿಯುರ್ಕೋಣಂ ಸೇತುವೆ ದಾಟಿದ ಬಳಿಕ ಬಸ್‍ನಿಂದ ಕೆಳಗೆ ಬಿದ್ದಿದ್ದಾನೆ. ಬಾಲಕನ  ಮೈಮೇಲೆ ಗಂಭೀರ ಗಾಯಗಳಾಗಿವೆ ಎಂದು ತಂದೆಯೂ ಪ್ರತಿಕ್ರಿಯಿಸಿದ್ದಾರೆ. ವಿದ್ಯಾರ್ಥಿ ಬಸ್ಸಿನಿಂದ ಬಿದ್ದಿದ್ದರೂ ಚಾಲಕ ಬಸ್ ನಿಲ್ಲಿಸಲಿಲ್ಲ. ಅಂತಿಯುರ್ಕೋಣಂ ಜಂಕ್ಷನ್ ತಲುಪಿದಾಗ ಸ್ಥಳೀಯರು ಮತ್ತು ಸಹ ಪ್ರಯಾಣಿಕರು ಬಸ್ ಅನ್ನು ತಡೆದರು.

            ಮಗುವಿನ ತಂದೆ ಪೋಲೀಸರಿಗೆ ದೂರು ನೀಡಿದ್ದಾರೆ. ಸದ್ಯ ಸಂದೀಪ್ ಸಮೀಪದ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾನೆ.