ರಕ್ಷಣಾ ಕಾರ್ಯಾಚರಣೆಯನ್ನು ಸಮರ್ಥಿಸಿಕೊಂಡ ಮುಖ್ಯಮಂತ್ರಿ: ಅದು ಅಂದು, ಇಂದು, ಎಂದೆಂದಿಗೂ ಹಾಗೆಯೇ ಎಂದ ಪಿಣರಾಯಿ ವಿಜಯನ್

                 ತಿರುವನಂತಪುರಂ: ನವಕೇರಳ ವಾಹನದ ಮುಂದೆ ಕಪ್ಪು ಬಾವುಟ ತೋರಿಸಿದವರನ್ನು ಥಳಿಸಿರುವುದು ರಕ್ಷಣಾ ಕಾರ್ಯಾಚರಣೆ ಎಂದು ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಪುನರುಚ್ಚರಿಸಿದ್ದಾರೆ.

            ಅಂದು ಕಂಡಿದ್ದನ್ನೇ ಹೇಳಿದ್ದು ಇಂದಿಗೂ ಹೇಳುತ್ತಿದ್ದೇನೆ. ನಾ¼ಯೂ ಇದನ್ನೇÉ ಹೇಳುತ್ತೇನೆ. ಪ್ರತಿಪಕ್ಷಗಳಿಗೆ ಮಾಧ್ಯಮಗಳು ಗಲಾಟೆ ಮಾಡಿದ ಮಾತ್ರಕ್ಕೆ ಸತ್ಯ ಸುಳ್ಳಾಗುವುದಿಲ್ಲ. ತಾನು ಮಾಧ್ಯಮದ ಹುನ್ನಾರಕ್ಕೆ ಬಲಿಯಾಗುವವನಲ್ಲ ಎಂದು ಮುಖ್ಯಮಂತ್ರಿ ಹೇಳಿದರು.

          ಕಾರ್ಯವಟ್ಟಂ ಕ್ಯಾಂಪಸ್‍ನಲ್ಲಿ ಕೆಎಸ್‍ಯು ಮುಖಂಡನಿಗೆ ಥಳಿಸಿದ ಘಟನೆಗೆ ಸಂಬಂಧಿಸಿದಂತೆ ವಿಧಾನಸಭೆಯಲ್ಲಿ ಪ್ರತಿಪಕ್ಷಗಳು ತಂದಿದ್ದ ತುರ್ತು ನಿರ್ಣಯದ ಸೂಚನೆಗೆ ಮುಖ್ಯಮಂತ್ರಿ ಉತ್ತರಿಸಿದರು. ಘರ್ಷಣೆಯಲ್ಲಿ ಎಸ್‍ಎಫ್‍ಐ ಕಾರ್ಯಕರ್ತರ ವಿರುದ್ಧವೂ ಪ್ರಕರಣ ದಾಖಲಿಸಲಾಗಿದೆ ಎಂದು ಮುಖ್ಯಮಂತ್ರಿ ಕೆಎಸ್‍ಯುಗೆ ಹೇಳಿದರು ಮತ್ತು ಯುವ ಕಾಂಗ್ರೆಸ್ ಕಾರ್ಯಕರ್ತರು ಪೋಲೀಸರ ಮೇಲೆ ಕಲ್ಲು ತೂರಾಟ ನಡೆಸಿದ್ದಾರೆ ಎಂದು ಆರೋಪಿಸಿದರು. ಯಾರೋ ಹೊರಗಿನಿಂದ ಕ್ಯಾಂಪಸ್ ಹಾಸ್ಟೆಲ್ ಪ್ರವೇಶಿಸಿರುವುದೇ ವಿವಾದಕ್ಕೆ ಕಾರಣ ಎಂದು ಮುಖ್ಯಮಂತ್ರಿ ಹೇಳಿದರು.

             ಎಸ್‍ಎಫ್‍ಐ ಬಿರುಗಾಳಿಯಿಂದ ಬೆಳೆದ ಚಳವಳಿಯಲ್ಲ. ಕೇವಲ ಎಸ್‍ಎಫ್‍ಐ ಎಂಬ ಕಾರಣಕ್ಕೆ 35 ಮಂದಿ ಸಾವನ್ನಪ್ಪಿದ್ದಾರೆ. ಕೆಎಸ್‍ಯುಗೆ ಅಂತಹ ಇತಿಹಾಸವಿದೆಯೇ ಎಂದು ಮುಖ್ಯಮಂತ್ರಿಗಳು ಕೇಳಿದರು. ವಯನಾಡ್ ಡಿಸಿಸಿ ಕಚೇರಿಯಲ್ಲಿ ಎಕೆಜಿ ಸೆಂಟರ್ ದಾಳಿ ಮತ್ತು ಗಾಂಧಿ ಪ್ರತಿಮೆ ಧ್ವಂಸಕ್ಕೆ ಯಾರು ಹೊಣೆ ಎಂದು ಮುಖ್ಯಮಂತ್ರಿ ಕೇಳಿದರು. ಎಕೆಜಿ ಸೆಂಟರ್ ದಾಳಿ ಪ್ರಕರಣದಲ್ಲಿ ಕೆಪಿಸಿಸಿ ಅಧ್ಯಕ್ಷರ ಆಪ್ತ ಅನುಯಾಯಿಯೊಬ್ಬರನ್ನು ಬಂಧಿಸಲಾಗಿತ್ತು. ವಿಮಾನದಲ್ಲಿ ಅವರ ಮೇಲೆ ನಡೆದ ದಾಳಿಯಲ್ಲೂ ಈತ ಭಾಗಿಯಾಗಿರುವುದು ಸ್ಪಷ್ಟವಾಗಿತ್ತು ಎಂದರು.

              ನಾವೆಲ್ಲ ಇಲ್ಲಿ ಯಾವ ರೀತಿಯ ಮಾಧ್ಯಮದ ಹುನ್ನಾರಕ್ಕೆ ಬಲಿಯಾಗಿದ್ದೇವೆ ಎಂಬ ಪ್ರಶ್ನೆಗೆ ಉತ್ತರಿಸಿದ ಮುಖ್ಯಮಂತ್ರಿ, ಈ ಅಪಪ್ರಚಾರದಿಂದ ನಲುಗುವವರು ನಾವಲ್ಲ, ಅಂತಹ ಭ್ರ್ರಮೆಯೂ ಬೇಡ ಎಂದಿರುವರು.