ಲೋಕೊ ಪೈಲಟ್‌, ಗಾರ್ಡ್‌ಗಳ ಕುಂದುಕೊರತೆ ಪರಿಹಾರಕ್ಕಾಗಿ ಸಮಿತಿ ಅಸ್ತಿತ್ವಕ್ಕೆ

           ನವದೆಹಲಿ: ಲೋಕೊ ಪೈಲಟ್‌ಗಳ ಹಾಗೂ ಗಾರ್ಡ್‌ಗಳ ಕುಂದುಕೊರತೆ ಪರಿಹಾರಕ್ಕಾಗಿ ರೈಲ್ವೆ ಮಂಡಳಿ ಉನ್ನತ ಸಮಿತಿಯೊಂದನ್ನು ( multi-disciplinary committee) ರಚಿಸಿ ಆದೇಶಿಸಿದೆ.

         ಇದು ಲೋಕೊ ಪೈಲಟ್‌ಗಳ ಹಾಗೂ ಗಾರ್ಡ್‌ಗಳ ಬಹುದಿನದ ಬೇಡಿಕೆಯಾಗಿತ್ತು. ಮಂಡಳಿ ನಿರ್ಧಾರವನ್ನು ಲೋಕೊಪೈಲಟ್‌ಗಳ ಹಾಗೂ ಗಾರ್ಡ್‌ಗಳ ಸಂಘ ಸ್ವಾಗತಿಸಿದೆ.

              ಸಮಿತಿಯಲ್ಲಿ ರೈಲ್ವೆಯ ವಿವಿಧ ವಲಯಗಳಿಂದ ನೇಮಿಸಲ್ಪಡುವ (ಕಾರ್ಯಕಾರಿ ನಿರ್ದೇಶಕರು) ಐವರು ಸದಸ್ಯರಿರುತ್ತಾರೆ. ಜುಲೈ 11ರಂದು ಈ ನಿರ್ಧಾರ ಹೊರ ಬಿದ್ದಿದ್ದು ಸಮಿತಿ ಅಸ್ತಿತ್ವಕ್ಕೆ ಬಂದಿದೆ.

               ಲೋಕೊ ಪೈಲಟ್‌ಗಳ ಹಾಗೂ ಗಾರ್ಡ್‌ಗಳ ಸೇವಾ ದಕ್ಷತೆ ಸುಧಾರಣೆ, ವೇತನ, ಪರಿಹಾರಗಳು ಸೇರಿದಂತೆ ಇನ್ನಿತರ ಬೇಡಿಕೆಗಳ ಮೇಲೆ ಈ ಸಮಿತಿ ಅಧ್ಯಯನ ನಡೆಸಿ ವರದಿಗಳನ್ನು ಸಲ್ಲಿಸಲಿದೆ.

               ಈ ಮೊದಲು ಲೋಕೊ ಪೈಲಟ್‌ಗಳ ಹಾಗೂ ಗಾರ್ಡ್‌ಗಳ ಕುಂದುಕೊರತೆ ಪರಿಹಾರಕ್ಕೆ ರೈಲ್ವೆಯಲ್ಲಿ ಪ್ರತ್ಯೇಕ ಮಂಡಳಿ ಅಥವಾ ಸಮಿತಿ ಇರಲಿಲ್ಲ.