ಹೈಯರ್ ಸೆಕೆಂಡರಿ ವೊಕೇಶನಲ್ ಸ್ಪಾಟ್ ಅಡ್ಮಿಷನ್: ಇಂದಿನಿಂದ ಅರ್ಜಿ ಸಲ್ಲಿಕೆ ಆರಂಭ

                ತಿರುವನಂತಪುರ: ಹೈಯರ್ ಸೆಕೆಂಡರಿ (ವೃತ್ತಿಪರ) ಎನ್.ಎಸ್.ಕ್ಯೂ.ಎಫ್. ಆಧಾರಿತ ಕೋರ್ಸ್‍ಗಳಲ್ಲಿ ಮೊದಲ ವರ್ಷದ ಪ್ರವೇಶಕ್ಕಾಗಿ ಮುಖ್ಯ/ಪೂರಕ ಹಂಚಿಕೆಗಾಗಿ ಅರ್ಜಿಗಳನ್ನು ಆಹ್ವಾನಿಸಲಾಗಿದೆ.

               ಸೀಟು ಲಭಿಸದೆ ಅಥವಾ ಇನ್ನೂ ಅರ್ಜಿ ಸಲ್ಲಿಸದ ವಿದ್ಯಾರ್ಥಿಗಳು ವೇಟಿಂಗ್ ಲಿಸ್ಟ್ ಪ್ರಕಾರ ಸ್ಪಾಟ್ ಅಡ್ಮಿಷನ್ ಗೆ ಅರ್ಜಿ ಸಲ್ಲಿಸಬಹುದು. ವಿದ್ಯಾರ್ಥಿಗಳು ತಮ್ಮ ಅರ್ಜಿಗಳನ್ನು ಜುಲೈ ಇಂದಿನಿಂದ(ಜು.22) 24 ರ ಸಂಜೆ 5 ರವರೆಗೆ ಸಲ್ಲಿಸಬಹುದು.

               ಅಲಾಟ್‍ಮೆಂಟ್ ಪಡೆದಿದ್ದರೂ ಅರ್ಜಿಯಲ್ಲಿ ತಪ್ಪು ಮಾಹಿತಿ ನೀಡಿ ಪ್ರವೇಶ ನಿರಾಕರಿಸಿದವರಿಗೆ ಸ್ಪಾಟ್ ಅಡ್ಮಿಷನ್ ಪರಿಗಣನೆಗೆ ಅರ್ಜಿಯನ್ನು ನವೀಕರಿಸುವ ಸೌಲಭ್ಯವನ್ನು ಕಲ್ಪಿಸಲಾಗಿದೆ. ಹೊಸದಾಗಿ ಅರ್ಜಿ ಸಲ್ಲಿಸಲು, www.vhseportal.kerala.gov.in ನಲ್ಲಿ ಅಭ್ಯರ್ಥಿ ಲಾಗಿನ್ ಅನ್ನು ರಚಿಸಿ ಮತ್ತು ಲಾಗ್ ಇನ್ ಮಾಡುವ ಮೂಲಕ ಅರ್ಜಿ ಸಲ್ಲಿಕೆಯನ್ನು ಪೂರ್ಣಗೊಳಿಸಬೇಕು. ಮುಖ್ಯ/1ನೇ ಪೂರಕ ಹಂಚಿಕೆಯಲ್ಲಿ ಅರ್ಜಿ ಸಲ್ಲಿಸಿದ ಮಕ್ಕಳು ಸ್ಪಾಟ್ ಅಡ್ಮಿಷನ್‍ಗಾಗಿ ತಮ್ಮ ಅರ್ಜಿಯನ್ನು ನವೀಕರಿಸಲು ಅಭ್ಯರ್ಥಿ ಲಾಗಿನ್‍ನಲ್ಲಿ 'ಅಪ್ಲಿಕೇಶನ್' ಲಿಂಕ್ ಮೂಲಕ ಹೊಸ ಆಯ್ಕೆಗಳನ್ನು ನೀಡುವ ಮೂಲಕ ತಮ್ಮ ಅರ್ಜಿಯನ್ನು ಅಂತಿಮಗೊಳಿಸಬೇಕು.