iOS 18 ನಲ್ಲಿ ಕನ್ನಡ ಸೇರಿ, ಭಾರತೀಯ ಭಾಷೆಗಳ ಬೆಂಬಲಕ್ಕೆ ಆದ್ಯತೆ

 ಆಪಲ್ ಕಂಪೆನಿ ಮುಂಬರುವ ತಿಂಗಳುಗಳಲ್ಲಿ iOS 18 ಅನ್ನು ಬಿಡುಗಡೆ ಮಾಡಲಿದೆ. ಇದರಲ್ಲಿ ಕನ್ನಡವೂ ಸೇರಿದಂತೆ ಭಾರತೀಯ ಭಾಷೆಗಳ ಬೆಂಬಲಕ್ಕೆ ಆದ್ಯತೆ ನೀಡಿರುವುದು ವಿಶೇಷ.

ಐಓಎಸ್ 18 ಹೆಚ್ಚು ವೈಯಕ್ತಿಕ, ಸಾಮರ್ಥ್ಯ ಮತ್ತು ಬುದ್ದಿಮತ್ತೆ ಹೊಂದಿರಲಿದೆ. ಇದು ಹೆಚ್ಚಿನ ಕಸ್ಟಮೈಸ್ ಆಯ್ಕೆಗಳು, ಫೋಟೋ ಅಪ್ಲಿಕೇಶನ್ ನ್ನು ಮಹತ್ವದ ಮರುವಿನ್ಯಾಸ, ಮೇಲ್ ನಲ್ಲಿ ತಮ್ಮ ಇನ್ಬಾಕ್ಸ್ ಅನ್ನು ನಿರ್ವಹಿಸಲು ಬಳಕೆದಾರರಿಗೆ ಹೊಸ ಮಾರ್ಗಗಳನ್ನು ಒಳಗೊಂಡಿರುವ ಪ್ರಮುಖ ಬಿಡುಗಡೆಯಾಗಿದೆ.

ಬಹುಭಾಷಾ ಕೀಬೋರ್ಡ್, ಭಾಷಾ ಹುಡುಕಾಟ ಮತ್ತು ಬಹುಭಾಷಾ ಸಿರಿ ಬೆಂಬಲದೊಂದಿಗೆ ಭಾಷೆ ಮತ್ತು ಇನ್ಪುಟ್; ಮತ್ತು ಮೂವ್ ಟು iOS ಅಪ್ಲಿಕೇಶನ್ ಗೆ ಇದುವರೆಗಿನ ಅತಿದೊಡ್ಡ ನವೀಕರಣವಾಗಿರಲಿದೆ.

ಕನ್ನಡ ಸೇರಿ 12 ಭಾರತೀಯ ಭಾಷೆಗಳ ಕಸ್ಟಮೈಸ್:
ಬಳಕೆದಾರರು 12 ಭಾಷೆಗಳಿಂದ ಭಾರತೀಯ ಅಂಕಿಗಳೊಂದಿಗೆ ಲಾಕ್ ಸ್ಕ್ರೀನ್ ನಲ್ಲಿ ಸಮಯವನ್ನು ಕಸ್ಟಮೈಸ್ ಮಾಡಬಹುದು: ಕನ್ನಡ, ಮಲಯಾಳಂ, ಮೈತೆ, ಓಡಿಯಾ, ಓಲ್ ಚಿಕಿ, ತೆಲುಗು, ಅರೇಬಿಕ್, ಅರೇಬಿಕ್ ಇಂಡಿಕ್, ಬಾಂಗ್ಲಾ, ದೇವನಾಗರಿ, ಗುಜರಾತಿ, ಗುರುಮುಖಿ ಭಾಷೆಗಳಲ್ಲೇ ಲಾಕ್ ಸ್ಕ್ರೀನ್ ಕಸ್ಟಮೈಸ್ ಮಾಡಬಹುದು.

ಅಲ್ಲದೇ, iOS 18 ಭಾರತೀಯ ಇಂಗ್ಲಿಷ್ ನಲ್ಲಿ ಲೈವ್ ವಾಯ್ಸ್ಮೇಲ್ ಟ್ರಾನ್ಸ್ ಸ್ಕ್ರಿಪ್ಸನ್ ಪರಿಚಯಿಸುತ್ತದೆ, ಲೈವ್ ಕಾಲರ್ ಐಡಿಗೆ ಬೆಂಬಲ, ಜೊತೆಗೆ ಸ್ಮಾರ್ಟ್ ಕರೆ ಇತಿಹಾಸ ಹುಡುಕಾಟ ಮತ್ತು ಹೊಸ ಫೋನ್ ಕೀಪ್ಯಾಡ್ ಹುಡುಕಾಟ ಮತ್ತು ಡಯಲಿಂಗ್ ಮಾಡಬಹುದು.

ಡ್ಯುಯಲ್ ಸಿಮ್ ಗೆ ಹೆಚ್ಚಿನ ನಿಯಂತ್ರಣ: ಡ್ಯುಯಲ್ ಸಿಮ್ ಸ್ವಿಚ್ ಬಳಕೆದಾರರು ಅವರು ಬಳಸಲು ಬಯಸುವ ಸಿಮ್ ಅನ್ನು ತ್ವರಿತವಾಗಿ ಆಯ್ಕೆ ಮಾಡಲು ಅನುಮತಿಸುತ್ತದೆ.

ಬಹುಭಾಷಾ ಕೀಬೋರ್ಡ್. iPhone 12 ಮತ್ತು ನಂತರದ ಆವೃತ್ತಿಗಳಲ್ಲಿ, ಬಳಕೆದಾರರು ತ್ರಿಭಾಷಾ ಟೈಪಿಂಗ್ ಅನುಭವಕ್ಕಾಗಿ ಇಂಗ್ಲಿಷ್ ನಲ್ಲಿ ಮತ್ತು ಎರಡು ಹೆಚ್ಚುವರಿ ಭಾರತೀಯ ಭಾಷೆಗಳಲ್ಲಿ ಲ್ಯಾಟಿನ್ ಅಕ್ಷರಗಳೊಂದಿಗೆ ಫೋನೆಟಿಕ್ ಟೈಪ್ ಮಾಡಬಹುದು. ಇದು ಸಂದೇಶಗಳು, ಟಿಪ್ಪಣಿಗಳು ಮತ್ತು ಬಳಕೆದಾರರು ಕೀಬೋರ್ಡ್ ಗೆ ಪ್ರವೇಶವನ್ನು ಹೊಂದಿರುವ ಎಲ್ಲ ಕಡೆ ಲಭ್ಯವಿದೆ.

ಬಹುಭಾಷಾ ಕೀಬೋರ್ಡ್ QuickPath ಮತ್ತು Emoji Prediction ಅನ್ನು ಸಹ ಬೆಂಬಲಿಸುತ್ತದೆ. ಹೆಚ್ಚುವರಿ ಭಾಷಾ ಸ್ಕ್ರಿಪ್ಟ್ ಗಳು ಸಲಹೆಗಳ ಕ್ಷೇತ್ರದ ಎಡ ಮತ್ತು ಬಲಭಾಗದಲ್ಲಿ ಕಾಣಿಸಿಕೊಳ್ಳುತ್ತವೆ ಆದ್ದರಿಂದ ಬಳಕೆದಾರರು ಅವುಗಳ ನಡುವೆ ಮನಬಂದಂತೆ ಬದಲಾಯಿಸಬಹುದು. ಬಳಕೆದಾರರು ವಿವಿಧ ಭಾಷೆಗಳಲ್ಲಿ ಹಲವಾರು ಸಂದೇಶ ಥ್ರೆಡ್ ಗಳನ್ನು ಹೊಂದಿರುವಾಗ ಬಹು-ಭಾಷಾ ಕೀಬೋರ್ಡ್ ಅವರು ಹಿಂದಿನ ಸಂಭಾಷಣೆಯಲ್ಲಿ ಬಳಸುತ್ತಿದ್ದ ಸ್ಕ್ರಿಪ್ಟ್ ಅನ್ನು ನೆನಪಿಸಿಕೊಳ್ಳುತ್ತದೆ ಮತ್ತು ಬಳಕೆದಾರರು ಟೈಪ್ ಮಾಡಿದಂತೆ ಭಾಷೆ ಮತ್ತು ಸಲಹೆಗಳನ್ನು ಸರಿಪಡಿಸಲು ಸ್ವಯಂಚಾಲಿತವಾಗಿ ಬದಲಾಗುತ್ತದೆ. ಇದು, ಇಂಗ್ಲಿಷ್, ಬಾಂಗ್ಲಾ, ಗುಜರಾತಿ, ಹಿಂದಿ, ಮರಾಠಿ, ಪಂಜಾಬಿ, ತಮಿಳು, ತೆಲುಗು ಭಾಷೆಗಳಲ್ಲಿ ಲಭ್ಯವಿದೆ.

ದ್ವಿಭಾಷಾ ಕೀಬೋರ್ಡ್ ಅನುಭವ (ಇಂಗ್ಲಿಷ್ + ಹಿಂದಿ) iOS 18 ಅನ್ನು ಬೆಂಬಲಿಸುವ ಎಲ್ಲಾ ಸಾಧನಗಳಲ್ಲಿ ಲಭ್ಯವಿರುತ್ತದೆ.

ಕನ್ನಡ ಕೀಬೋರ್ಡ್ ಲೇಔಟ್:
ಐಫೋನ್ ಈಗ 11 ಭಾರತೀಯ ಭಾಷೆಗಳಿಗೆ ವರ್ಣಮಾಲೆಯ ವಿನ್ಯಾಸಗಳನ್ನು ಬೆಂಬಲಿಸುತ್ತದೆ, ಇದರಿಂದ ಭಾರತೀಯ ಲಿಪಿಗಳನ್ನು ನೇರವಾಗಿ ಟೈಪ್ ಮಾಡಬಹುದು. ಕೀಲಿಗಳನ್ನು ವರ್ಣಮಾಲೆಯ ಕ್ರಮದಲ್ಲಿ ಜೋಡಿಸಲಾಗಿದೆ, ಲೇಔಟ್ ಗಳಲ್ಲಿನ ಸ್ವರ ಮತ್ತು ಸಂಯೋಜಕ ಕೀಗಳು ಬಳಕೆದಾರರು ಟೈಪ್ ಮಾಡುವುದರ ಆಧಾರದ ಮೇಲೆ ಕ್ರಿಯಾತ್ಮಕವಾಗಿ ಬದಲಾಗುತ್ತವೆ ಮತ್ತು ಟೈಪ್ ಮಾಡಲು ಸರಿಯಾದ ಅಕ್ಷರವನ್ನು ಹುಡುಕಲು ಸುಲಭವಾಗುತ್ತದೆ.

ವರ್ಣಮಾಲೆಯ ವಿನ್ಯಾಸಗಳು 11 ಭಾಷೆಗಳಲ್ಲಿ ಲಭ್ಯವಿದೆ: ಕನ್ನಡ, ಹಿಂದಿ, ಬಾಂಗ್ಲಾ, ಗುಜರಾತಿ, ಮಲಯಾಳಂ, ಮರಾಠಿ, ಒಡಿಯಾ, ಪಂಜಾಬಿ, ತಮಿಳು, ತೆಲುಗು ಮತ್ತು ಉರ್ದು.

ಸಿರಿಗೆ ಕನ್ನಡದಲ್ಲೂ ಆದೇಶ ನೀಡಬಹುದು:
ಸಿರಿ 9 ಭಾರತೀಯ ಭಾಷೆಗಳಿಗೆ ಮತ್ತು ಭಾರತೀಯ ಇಂಗ್ಲಿಷ್ ಅನ್ನು ಬೆಂಬಲಿಸುತ್ತದೆ. ಬಳಕೆದಾರರು ಸಿರಿಯನ್ನು ಸ್ಥಳೀಯ ಭಾಷೆಯೊಂದಿಗೆ ಬೆರೆಸಿದ ಇಂಗ್ಲಿಷ್ ಬಳಸಿ, ಕಾಲ್ ಮಾಡಲು, ಅಲಾರ್ಮ್ ಗಳು ಮತ್ತು ಟೈಮರ್ ಗಳನ್ನು ಹೊಂದಿಸಲು, ಅಪ್ಲಿಕೇಶನ್ ಅನ್ನು ಪ್ರಾರಂಭಿಸಲು, ಸಂಗೀತವನ್ನು ಪ್ಲೇ ಮಾಡಲು ಅಥವಾ ಹವಾಮಾನವನ್ನು ಪರಿಶೀಲಿಸಲು ಆದೇಶ ನೀಡಬಹುದು. ಬಳಕೆದಾರರು ಇಂಗ್ಲಿಷ್ ಅನ್ನು ಬೆಂಗಾಲಿ, ಗುಜರಾತಿ, ಹಿಂದಿ, ಕನ್ನಡ, ಮಲಯಾಳಂ, ಮರಾಠಿ, ಪಂಜಾಬಿ, ತಮಿಳು ಮತ್ತು ತೆಲುಗುಗಳೊಂದಿಗೆ ಮಿಕ್ಸ್ ಮಾಡಿ ಆದೇಶ ಮಾಡಬಹುದು. ಉದಾಹರಣೆಗೆ ಹೇ ಸಿರಿ ಶ್ರೇಯಾಂಕ್ ಗೆ ಕಾಲ್ ಮಾಡು ಎಂದು ಕನ್ನಡದಲ್ಲಿ ಆದೇಶಿಸಿದರೆ, ಅವರಿಗೆ ಕರೆ ಮಾಡುತ್ತದೆ. (ಸದ್ಯ ಸಿರಿ ಈಗ ಹಿಂದಿ ಪ್ರಶ್ನೆಗಳಿಗೆ ಹಿಂದಿಯಲ್ಲಿ ಪ್ರತಿಕ್ರಿಯಿಸುತ್ತದೆ)

ಹಳೆಯ ಆಂಡ್ರಾಯ್ಡ್ ಫೋನ್ ನಿಂದ ಐಫೋನ್ ಗೆ ವರ್ಗಾವಣೆಗೊಳ್ಳುವುದು ಈಗ ಹಿಂದೆಂದಿಗಿಂತ ವೇಗವಾಗಿ ಮತ್ತು ಹೆಚ್ಚು ವಿಶ್ವಾಸಾರ್ಹವಾಗಿದೆ. Move to iOS ಅಪ್ಲಿಕೇಶನ್ ಗೆ ದೊಡ್ಡ ಅಪ್ಡೇಟ್ ನೀಡಲಾಗಿದ್ದು, ಬಹಳ ಬೇಗ ಇನ್ನೊಂದು ಫೋನ್ ನಿಂದ ಡಾಟಾ ವರ್ಗಾಯಿಸಬಹುದು, ವೈರ್ಲೆಸ್ ಅಥವಾ ವೈರ್ಡ್ ಸಂಪರ್ಕಗಳೊಂದಿಗೆ ಹೇಗೆ ವರ್ಗಾಯಿಸುವುದು ಎಂಬುದರ ಕುರಿತು ಹೆಚ್ಚಿನ ಆಯ್ಕೆಗಳನ್ನು ತರುತ್ತದೆ.