Union budget 2024 : ಏಂಜಲ್‌ ಟ್ಯಾಕ್ಸ್‌ ಗೆ ತಿಲಾಂಜಲಿ - ಶೇರು ಹೂಡಿಕೆದಾರರಿಗೆ ಸಂತಸ!

            ನವದೆಹಲಿ : ಬಹುವಿವಾದಿತ ಏಂಜೆಟ್‌ ಟ್ಯಾಕ್ಸ್‌ ಗೆ ತಿಲಾಂಜಲಿ ಅರ್ಪಿಸುವುದಾಗಿ ವಿತ್ತಸಚಿವೆ ನಿರ್ಮಲಾ ಸೀತಾರಾಮನ್‌ ಘೋಷಿಸಿದ್ದಾರೆ. ಮಂಗಳವಾರ ಕೇಂದ್ರ ಬಜೆಟ್‌ ಮಂಡನೆಯ ವೇಳೆ ಈ ವಿಷಯವನ್ನು ಪ್ರಸ್ತಾಪಿಸಿದ ಅವರು, ಹೂಡಿಕೆದಾರರನ್ನು ಬೆಂಬಲಿಸುವ ಸಲುವಾಗಿ ಈ ತೀರ್ಮಾನ ಕೈಗೊಂಡಿರುವುದಾಗಿ ತಿಳಿಸಿದರು.

ಏನಿದು ಏಂಜೆಲ್‌ ಟ್ಯಾಕ್ಸ್‌?
                    ಯಾವುದೇ ಕಂಪನಿಗಳು ನೀಡಲಾದ ಷೇರುಗಳ ಬೆಲೆಯು ಕಂಪನಿಯ ನ್ಯಾಯೋಚಿತ ಮಾರುಕಟ್ಟೆ ಮೌಲ್ಯಕ್ಕಿಂತ ಹೆಚ್ಚಾಗಿ ಕಂಡುಬಂದರೆ ಭಾರತೀಯ ಹೂಡಿಕೆದಾರರಿಂದ ಪಟ್ಟಿಮಾಡದ ಕಂಪನಿಗಳು ಷೇರುಗಳ ವಿತರಣೆಯ ಮೂಲಕ ಸಂಗ್ರಹಿಸಿದ ಬಂಡವಾಳದ ಮೇಲೆ ತೆರಿಗೆ ವಿಧಿಸಲಾಗುತ್ತಿತ್ತು. ಇನ್ನು ಮುಂದೆ ಈ ರೀತಿಯ ತೆರಿಗೆಯಿಂದ ಭಾರತೀಯ ಹೂಡಿಕೆದಾರರಿಗೆ ಮುಕ್ತಿ ದೊರಕಿದೆ.