ಪಿ.ಎಸ್.ಸಿ ಮೂಲಕ ಗೌರವ ಉದ್ಯೋಗ: ಹೆಚ್ಚುವರಿ ಅಂಕಗಳನ್ನು ನೀಡುವುದಕ್ಕಾಗಿ ಕ್ರೀಡೆಗಳ ಪಟ್ಟಿಯಲ್ಲಿ ಹೆಚ್ಚುವರಿ 12 ವಿಷಯಗಳ ಸೇರ್ಪಡೆ

                  ತಿರುವನಂತಪುರಂ: ಕೇರಳ ಪಿಎಸ್‍ಸಿಯಿಂದ ಗೌರವಯುತವಾಗಿ ನೀಡುವ ನೇಮಕಾತಿಯಲ್ಲಿ ಹೆಚ್ಚುವರಿ ಅಂಕಗಳನ್ನು ನೀಡಲು ಕ್ರೀಡೆಗಳ ಪಟ್ಟಿಯಲ್ಲಿ ಇನ್ನೂ 12 ವಿಷಯಗಳನ್ನು ಸೇರಿಸಲಾಗಿದೆ. 

              ವರ್ಗ 3 ಮತ್ತು ವರ್ಗ 4 ಹುದ್ದೆಗಳಿಗೆ ವಿಶೇಷ ಸಾಧಕರನ್ನು ಕ್ರೀಡಾ ವಲಯದಿಂದ ನೇಮಕಮಾಡುವ ಕ್ರೀಡೆಗಳ ಪಟ್ಟಿಗೆ ಹೊಸ ವಿಷಯಗಳನ್ನು ಸೇರಿಸಲಾಗಿದೆ.

             ಗುರುವಾರ ನಡೆದ ರಾಜ್ಯ ಸಚಿವ ಸಂಪುಟ ಸಭೆಯಲ್ಲಿ ಈ ಕುರಿತು ನಿರ್ಣಯ ಅಂಗೀಕರಿಸಲಾಗಿದ್ದು, ಪ್ರಸ್ತುತ ಇರುವ 40 ಕ್ರೀಡೆಗಳ ಜೊತೆಗೆ 12 ಕ್ರೀಡೆಗಳನ್ನು ಸೇರಿಸಿ ಉತ್ತಮ ಕ್ರೀಡಾ ಪಟುಗಳಿಗೆ ನೀಡಲಾಗುವುದು.

            ಇವುಗಳಲ್ಲಿ ರೋಲರ್ ಸ್ಕೇಟಿಂಗ್, ಟಗ್ ಆಫ್ ವಾರ್, ರೇಸ್ ಬೋಟ್ ಮತ್ತು ಹವ್ಯಾಸಿ ರೋಯಿಂಗ್, ಆಟ್ಯಾ ಪಟ್ಯಾ, ಥ್ರೋಬಾಲ್, ನೆಟ್‍ಬಾಲ್, ಆರ್ಮ್ ವ್ರೆಸ್ಲಿಂಗ್, ಹವ್ಯಾಸಿ ಬಾಕ್ಸಿಂಗ್, ಯೋಗ, ಸೆಪಕ್ಥಕ್ರಾ, ರೋಲ್‍ಬಾಲ್ ಮತ್ತು ರಗ್ಬಿ ಸೇರಿವೆ.

            ತಿರುವನಂತಪುರಂ, ಕೊಟ್ಟಾಯಂ, ತ್ರಿಶೂರ್ ಮತ್ತು ಕೋಝಿಕ್ಕೋಡ್‍ನಲ್ಲಿ ನಾಲ್ಕು ಮಾನಸಿಕ ಆರೋಗ್ಯ ಪರಿಶೀಲನಾ ಮಂಡಳಿಗಳಲ್ಲಿ ಅಧೀಕ್ಷಕರ ಕಾಯಂ ಹುದ್ದೆಯನ್ನು ರಚಿಸಲು ಸಂಪುಟ ಸಭೆ ನಿರ್ಧರಿಸಿದೆ. ಈ ಹುದ್ದೆಗಳಿಗೆ ಸಾರ್ವಜನಿಕ ಆಡಳಿತ ಇಲಾಖೆಯಡಿ ಸೆಕ್ಷನ್ ಅಧಿಕಾರಿಗಳನ್ನು ಡೆಪ್ಯುಟೇಶನ್ ಮೇಲೆ ನೇಮಿಸಲಾಗುವುದು.