ಪಾಟ್ನಾ: ಬಿಹಾರದಲ್ಲಿ ಕಳೆದ ಒಂದು ತಿಂಗಳಿಂದ ಡಜನ್‌ಗೂ ಹೆಚ್ಚು ಸೇತುವೆಗಳು ಕುಸಿದು ಬಿದ್ದವು. ಈ ಸುದ್ದಿ ಭಾರೀ ಚರ್ಚೆಗೆ ಗ್ರಾಸವಾಗಿತ್ತು. ಈ ನಡುವೆ ಇದೀಗ ರಾಜ್ಯದಲ್ಲಿ ವಿಶಿಷ್ಠ ಪ್ರಕರಣವೊಂದು ಬೆಳಕಿಗೆ ಬಂದಿದೆ.
ಬಿಹಾರದ ಅರಾರಿಯಾದಲ್ಲಿ ನದಿಯಿಲ್ಲದ ಮತ್ತು ಕಾಲುವೆ ಇಲ್ಲದ ಸೇತುವೆಯ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ.
ನದಿ, ಚರಂಡಿ ಇಲ್ಲದ ಗದ್ದೆಯಲ್ಲಿ ಸೇತುವೆ ನಿರ್ಮಾಣ ಮಾಡುವ ಮೂಲಕ ಗ್ರಾಮೀಣ ಇಲಾಖೆ ಮಾದರಿಯಾಗಿದೆ.
ವರದಿಯ ಪ್ರಕಾರ, ಪಾಟ್ನಾದಿಂದ ಸುಮಾರು 7 ಗಂಟೆಗಳ ಪ್ರಯಾಣದ ಅರಾರಿಯಾದ ಪರಮಾನಂದಪುರ ಗ್ರಾಮದಲ್ಲಿ ಸುಮಾರು 3 ಕೋಟಿ ವೆಚ್ಚದಲ್ಲಿ ಈ ಸೇತುವೆ ನಿರ್ಮಾಣ ಆಗಿದೆ. ಸಿಎಂ ಗ್ರಾಮೀಣ ಸಡಕ್‌ ಯೋಜನೆಯಡಿ 2.5 ಕಿ.ಮೀ ರಸ್ತೆ ಯೋಜನೆಯ ಭಾಗವಾಗಿ ಸೇತುವೆಯನ್ನು ನಿರ್ಮಿಸಲಾಗಿದೆ.
ಅತ್ಯಂತ ಆಸಕ್ತಿದಾಯಕ ವಿಷಯವೆಂದರೆ ಸೇತುವೆಯನ್ನು ತಲುಪಲು ಯಾವುದೇ ಮಾರ್ಗವಿಲ್ಲ ಅಥವಾ ಸೇತುವೆಯಿಂದ ಹಿಂದಿರುಗಲು ಮಾರ್ಗವಿಲ್ಲ. ಸೇತುವೆಯ ಕೆಳಗೆ ಯಾವುದೇ ನದಿ ಅಥವಾ ಚರಂಡಿ ಇಲ್ಲ. ಹೊಲಗಳ ನಡುವೆ ಸೇತುವೆ ನಿರ್ಮಾಣದಿಂದ ಗ್ರಾಮಸ್ಥರಿಗೂ ತೊಂದರೆಯಾಗಿದೆ. ಅಲ್ಲದೇ ಸೇತುವೆಯ ಸುತ್ತ ಯಾವುದೇ ಬೋರ್ಡ್ ಅಳವಡಿಸಿಲ್ಲ. ಸರ್ಕಾರದ ಈ ವಿಶಿಷ್ಟ ಸೇತುವೆಯನ್ನು ಕಂಡು ಗ್ರಾಮಸ್ಥರು ತಲೆ ತಗ್ಗಿಸುವಂತಾಗಿದೆ.
ಸುಮಾರು 6 ತಿಂಗಳ ಹಿಂದೆ ಸೇತುವೆ ನಿರ್ಮಾಣವಾಗಿತ್ತು. ಸೇತುವೆ ನಿರ್ಮಾಣದ ಉದ್ದೇಶ ಗ್ರಾಮಸ್ಥರಿಗೂ ತಿಳಿದಿಲ್ಲ. ಸೇತುವೆಯಿಂದ ದಾರಿಗೆ ಅಡ್ಡಿಯಾಗಿದೆ. ಗ್ರಾಮೀಣ ಕಾಮಗಾರಿ ಇಲಾಖೆ ಅಧಿಕಾರಿಗಳು ಲಕ್ಷಗಟ್ಟಲೆ ಹಣ ಜೀರ್ಣಿಸಿಕೊಳ್ಳಲು ಇಲ್ಲಿ ಸೇತುವೆ ನಿರ್ಮಾಣ ಮಾಡಿದ್ದಾರೆ ಎಂದು ಸಾರ್ವಜನಿಕರು ಆರೋಪಿಸಿದ್ದಾರೆ.
ರಸ್ತೆ ಮತ್ತು ಅಪ್ರೋಚ್ ರಸ್ತೆ ಇಲ್ಲದ ವಿಶ್ವದ ಮೊದಲ ಮತ್ತು ಕೊನೆಯ ಸೇತುವೆ ಇದಾಗಿದೆ. ಒಂದೆಡೆ ಸೇತುವೆಗಳು ಬೀಳುವ ಬಗ್ಗೆ ಚರ್ಚೆ ನಡೆದಿದ್ದು, ಈಗ ಈ ಸೇತುವೆಯನ್ನು ಕ್ಷೇತ್ರದಲ್ಲಿ ನಿರ್ಮಿಸಲಾಗಿದೆ. ಬಿಹಾರ ಸರ್ಕಾರದ ಕಾರ್ಯವೈಖರಿಯ ಬಗ್ಗೆ ಜನಸಾಮಾನ್ಯರು ಕಿಡಿಕಾರಿದ್ದಾರೆ.
DOCTYPE html>
