ಭೂಮಿಯ ಸುತ್ತ ಸುತ್ತುತ್ತಿರುವ ಕ್ಷುದ್ರಗ್ರಹಗಳು: ಮೊನ್ನೆಯಷ್ಟೇ ಹಾದುಹೋಗಿರುವುದು ತಿಮಿಂಗಿಲದ ಗಾತ್ರದ 30,381 ಕಿ.ಮೀ ವೇಗದ ಕ್ಷುದ್ರಗ್ರಹ

 ಕ್ಷುದ್ರಗ್ರಹಗಳು ಭೂಮಿಗೆ ಅಪ್ಪಳಿಸುವುದರಿಂದ ಭವಿಷ್ಯದ ಪರಿಣಾಮಗಳ ಬಗ್ಗೆ ವೈಜ್ಞಾನಿಕ ಜಗತ್ತು ಚಿಂತಿಸುತ್ತಿದೆ. ಅದಕ್ಕಾಗಿಯೇ ವಿಜ್ಞಾನಿಗಳು ಭೂಮ್ಯತೀತ ಕ್ಷುದ್ರಗ್ರಹಗಳನ್ನು ನಿರಂತರವಾಗಿ ಗಮನಿಸುತ್ತಿದ್ದಾರೆ.

ಅವುಗಳಲ್ಲಿ, ಭೂಮಿಗೆ ತುಲನಾತ್ಮಕವಾಗಿ ಹತ್ತಿರವಿರುವ ಮತ್ತು ಅಪಾಯವನ್ನುಂಟುಮಾಡುವ ಕ್ಷುದ್ರಗ್ರಹಗಳ ಬಗ್ಗೆ ನಾಸಾ ಎಚ್ಚರಿಕೆಗಳನ್ನು ನೀಡುತ್ತದೆ.

ಈಗ ನಾಸಾ 100 ಅಡಿ ವ್ಯಾಸದ ಕ್ಷುದ್ರಗ್ರಹವನ್ನು ಗಂಟೆಗೆ 30381 ಕಿಮೀ ವೇಗದಲ್ಲಿ ಆಗಮಿಸುತ್ತಿದೆ ಎಂದು ಘೀಷಿಸಿದೆ. ಕ್ಷುದ್ರಗ್ರಹ 2024 ಒಆರ್ ಐ ಭೂಮಿಯ ಸಮೀಪ ಹಾದುಹೋಯಿತು. ಇದು ಭೂಮಿಯ ಕಕ್ಷೆಯ ಮೂಲಕ ಹಾದುಹೋಗುವ ಕ್ಷುದ್ರಗ್ರಹಗಳ ಅಪೊಲೊ ಗುಂಪಿನಲ್ಲಿ ಒಂದಾಗಿದೆ. ಇತ್ತೀಚೆಗೆ ಭೂಮಿಯಿಂದ ಹಾದುಹೋದ ಹಲವಾರು ಕ್ಷುದ್ರಗ್ರಹಗಳು ಈ ವರ್ಗಕ್ಕೆ ಸೇರಿವೆ.

 ಕ್ಷುದ್ರಗ್ರಹ 2021 ಒಆರ್.ಐ ಅನ್ನು ನಾಸಾದ ಜೆಟ್ ಪ್ರೊಪಲ್ಷನ್ ಲ್ಯಾಬೊರೇಟರಿಯಲ್ಲಿ ಭೂಮಿಯ ಸಮೀಪದ ವಸ್ತು ಅಧ್ಯಯನ ಕೇಂದ್ರವು ಕಂಡುಹಿಡಿದಿದೆ. ನಾಸಾದ ಪ್ರಕಾರ, ಇದು ಆಗಸ್ಟ್ 6, 2024 ರಂದು 6:41 ಪಿಎಂ. ಐಎಸ್ ಟಿ ಸಮಯಕ್ಕೆ ಭೂಮಿಗೆ ತನ್ನ ಸಮೀಪವನ್ನು ತಲುಪಿತ್ತು.  ಇದು ಭೂಮಿಗೆ ಯಾವುದೇ ಅಪಾಯವನ್ನುಂಟು ಮಾಡದೆ ಹಾದುಹೋಗಿದೆ ಎಂದು ಊಹಿಸಲಾಗಿದೆ.

2024 ಒ.ಆರ್.ಐ ಯಂತಹ ಕ್ಷುದ್ರಗ್ರಹಗಳು ಆರಂಭಿಕ ಸೌರವ್ಯೂಹದ ಅವಶೇಷಗಳಾಗಿವೆ. ಅವುಗಳು ಕಲ್ಲು ಮತ್ತು ಲೋಹದಂತಹ ವಿವಿಧ ವಸ್ತುಗಳಿಂದ ಕೂಡಿದೆ. ಈ ಕ್ಷುದ್ರಗ್ರಹಗಳನ್ನು ಅಧ್ಯಯನ ಮಾಡುವ ಮೂಲಕ ಸೌರವ್ಯೂಹದ ರಚನೆಯ ಬಗ್ಗೆ ಸಾಕಷ್ಟು ಮಾಹಿತಿಯನ್ನು ತಿಳಿಯಬಹುದು. ನಾಸಾದ ಗ್ರಹಗಳ ರಕ್ಷಣಾ ಸಮನ್ವಯ ಕಚೇರಿಯು ಕ್ಷುದ್ರಗ್ರಹಗಳ ಮೇಲ್ವಿಚಾರಣೆಯ ಜವಾಬ್ದಾರಿಯನ್ನು ಹೊಂದಿದೆ.

30,000 ಕಿ.ಮೀ.ಗಿಂತಲೂ ಹೆಚ್ಚು ವೇಗದಲ್ಲಿ ಚಲಿಸುವ ಈ ಕ್ಷುದ್ರಗ್ರಹದ ವೇಗ ಮತ್ತು ಗಾತ್ರದಿಂದ ಇದರ ಪ್ರಾಮುಖ್ಯತೆ ಮಹತ್ತರವಾಗಿದೆ. ಇದು ನೀಲ ತಿಮಿಂಗಿಲದ ಗಾತ್ರದ ಕ್ಷುದ್ರಗ್ರಹವಾಗಿದೆ. ಇದರ ಪಥ ಮತ್ತು ಆಕಾರವನ್ನು ಆಪ್ಟಿಕಲ್ ದೂರದರ್ಶಕಗಳು ಮತ್ತು ರಾಡಾರ್ ಉಪಕರಣಗಳನ್ನು ಬಳಸಿ ಮೇಲ್ವಿಚಾರಣೆ ಮಾಡಲಾಗಿದೆ. 

ಕೆಲವು ದಿನಗಳ ಹಿಂದೆ, ಇತರ ಕೆಲವು ಕ್ಷುದ್ರಗ್ರಹಗಳು ಭೂಮಿಯ ಮೂಲಕ ಹಾದುಹೋದವು. ಆಗಸ್ಟ್ 4, 2024 ರಂದು, 410 ಅಡಿ ವ್ಯಾಸದ ದೊಡ್ಡ ಕ್ಷುದ್ರಗ್ರಹವು ಭೂಮಿಯನ್ನು ಹಾದುಹೋಯಿತು. ಅದಕ್ಕೂ ಮೊದಲು, ಕ್ಷುದ್ರಗ್ರಹಗಳು 2024 ಒಇ ಮತ್ತು 2024 00 ಸಹ ಆಗಸ್ಟ್ 1 ರಂದು ಭೂಮಿಯ ಸಮೀಪಕ್ಕೆ ಬಂದವು. ಜೆಟ್ ಪ್ರೊಪಲ್ಷನ್ ಲ್ಯಾಬೊರೇಟರಿ ನೀಡಿದ ಮಾಹಿತಿಯ ಪ್ರಕಾರ, ಆಗಸ್ಟ್ 8 ರಿಂದ 13 ರ ನಡುವೆ ಐದು ಕ್ಷುದ್ರಗ್ರಹಗಳು ಭೂಮಿಯ ಮೂಲಕ ಹಾದು ಹೋಗುತ್ತವೆ.

          ಭೂಮಿಗೆ ಘರ್ಷಣೆಯನ್ನು ತಪ್ಪಿಸಲು ಮತ್ತು ಅಂತಹ ಸಂದರ್ಭಗಳನ್ನು ತಡೆಯಲು ಈ ಎಲ್ಲಾ ಕ್ಷುದ್ರಗ್ರಹಗಳನ್ನು ಮೇಲ್ವಿಚಾರಣೆ ಮಾಡುವುದು ಅತ್ಯಗತ್ಯ.