ಆನ್‍ಲೈನ್‍ನಲ್ಲಿ ಹರಡಿರುವ ಸುಳ್ಳು ಸುದ್ದಿಗಳ ಪತ್ತೆ: ರಾಜ್ಯದ 5 ಮತ್ತು 7 ನೇ ತರಗತಿಗಳಿಗೆÀ ಪಠ್ಯ

             ತಿರುವನಂತಪುರಂ: ಆನ್‍ಲೈನ್‍ನಲ್ಲಿ ಹರಡಿರುವ ನಕಲಿ ಸುದ್ದಿಗಳನ್ನು ಗುರುತಿಸುವ ಮತ್ತು ಮಕ್ಕಳನ್ನು 'ವಾಸ್ತವ ಪರಿಶೀಲನೆ'ಯಲ್ಲಿ ಪ್ರವೀಣರನ್ನಾಗಿ ಮಾಡುವ ಗುರಿಯನ್ನು ಕೇರಳದ 5 ಮತ್ತು 7 ನೇ ತರಗತಿಗಳಿಗೆ ಹೊಸ ಐಸಿಟಿಯಲ್ಲಿ ಪರಿಚಯಿಸಲಾಗಿದೆ.

           ಪಠ್ಯಪುಸ್ತಕಗಳ ಭಾಗವಾಗಿ ಈ ಜಾಗೃತಿ ಪಠ್ಯ ಸೇರ್ಪಡೆಯಾಗಿದೆ. ಹಿಂದೆ 2022 ರಲ್ಲಿ, ಕೈಟ್ ನೇತೃತ್ವದಲ್ಲಿ 'ಸತ್ಯಮೇವ ಜಯತೆ' ಯೋಜನೆಯ ಭಾಗವಾಗಿ ಐದರಿಂದ ಹತ್ತನೇ ತರಗತಿಯ 19.72 ಲಕ್ಷ ಮಕ್ಕಳಿಗೆ ನಕಲಿ ಸುದ್ದಿಗಳನ್ನು ಎದುರಿಸಲು ವಿಶೇಷ ಡಿಜಿಟಲ್ ಸಾಕ್ಷರತಾ ತರಬೇತಿಯನ್ನು ನಡೆಸಲಾಗಿತ್ತು. 5920 ತರಬೇತುದಾರರ ಸಹಾಯದಿಂದ 9.48 ಲಕ್ಷ ಯು.ಪಿ. ವಿದ್ಯಾರ್ಥಿಗಳಿಗೆ,  ದೇಶದಲ್ಲೇ ಪ್ರಥಮ ಬಾರಿಗೆ 10.24 ಲಕ್ಷ ಪ್ರೌಢಶಾಲಾ ವಿದ್ಯಾರ್ಥಿಗಳಿಗೆ ತರಬೇತಿ ನೀಡಲಾಗಿದೆ. 'ಸತ್ಯಮೇವ ಜಯತೆ' ಅಂಗವಾಗಿ ಕೈಟ್ ಮಕ್ಕಳಿಗೆ ನಿತ್ಯ ಜೀವನದಲ್ಲಿ ಇಂಟರ್‍ನೆಟ್, ಸೋಷಿಯಲ್ ಮೀಡಿಯಾ ನಮಗೆ ಬೇಕು, ಸೋಷಿಯಲ್ ಮೀಡಿಯಾದಲ್ಲಿ ಸರಿ-ತಪ್ಪು, ಸುಳ್ಳು ಸುದ್ದಿ ಹರಡುವುದನ್ನು ತಡೆಯುವುದು ಹೀಗೆ ನಾಲ್ಕು ವಿಭಾಗಗಳಲ್ಲಿ ಎರಡೂವರೆ ಗಂಟೆಗಳ ಕಾಲ ತರಬೇತಿ ನೀಡಲಾಯಿತು. ಡಿಜಿಟಲ್ ಮಾಧ್ಯಮದ ಮೂಲಕ ಹಂಚಿಕೊಳ್ಳಲಾದ ಸುಳ್ಳು ಮಾಹಿತಿಯ ತಪ್ಪು ಪರಿಣಾಮ ಮತ್ತು ಮಾಹಿತಿಯ ಸತ್ಯಾಸತ್ಯತೆಯನ್ನು ಖಾತ್ರಿಪಡಿಸುವುದು ವಿವಿಧ 'ಕೇಸ್ ಸ್ಟಡೀಸ್' ಮೂಲಕ ತರಬೇತಿಯ ಭಾಗವಾಗಿ ನೀಡಲಾಗಿತ್ತು. ಮುಂದಿನ ವರ್ಷ, 6, 8, 9 ಮತ್ತು 10 ನೇ ತರಗತಿಗಳಲ್ಲಿ ಐ.ಸಿ.ಟಿ. ಪಠ್ಯಪುಸ್ತಕಗಳು ಬದಲಾದಂತೆ, ಅವು ಕ್ಷೇತ್ರದ ಇತ್ತೀಚಿನ ಮಾಹಿತಿಯನ್ನು ಸಹ ಒಳಗೊಂಡಿರುತ್ತವೆ.